ಪಾಂಪೋರ್‌ನಲ್ಲಿ ಮುಂದುವರಿದ ಉಗ್ರರ ವಿರುದ್ಧ ಕಾರ್ಯಾಚರಣೆ

ಶ್ರೀನಗರ: ಜಮ್ಮು-ಕಾಶ್ಮೀರ ಹೆದ್ದಾರಿಯ ಪಾಂಪೋರ್‌ ಪ್ರದೇಶದಲ್ಲಿ ಉಗ್ರರ ವಿರುದ್ಧ ಸೇನಾ ಕಾರ್ಯಾಚರಣೆ ಮಂಗಳವಾರವೂ ಮುಂದುವರಿದಿದೆ.

ಭದ್ರತಾ ಪಡೆಗಳು ಉಗ್ರರ ವಿರುದ್ಧ ಆಕ್ರಮಣಕಾರಿ ದಾಳಿ ನಡೆಸುತ್ತಿದ್ದರೂ ಪರಸ್ಪರ ಗುಂಡಿನ ದಾಳಿ ಮುಂದುವರಿದಿದೆ. ಈ ಪ್ರದೇಶದಲ್ಲಿರುವ ಉದ್ಯಮ ಅಭಿವೃದ್ದಿ ಸಂಸ್ಥೆಯೊಳಗೆ ಶಸ್ತ್ರ ಸಜ್ಜಿತ ಉಗ್ರರು ನುಗ್ಗಿದ್ದು, ಇಡೀ ಕಟ್ಟಡವನ್ನು ಭದ್ರತಾಪಡೆ ಸುತ್ತುವರಿದಿದೆ. ಕಟ್ಟಡದ ಸುತ್ತ ದಟ್ಟ ಹೊಗೆ ಆವರಿಸಿಕೊಂಡಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಉಗ್ರರು ಕಟ್ಟಡದಿಂದ ಗುಂಡು ಹಾರಿಸುತ್ತಿದ್ದು, ಇಡೀ ಕಟ್ಟಡದೊಳಗೆ ಓಡಾಡುತ್ತಿದ್ದಾರೆ, ಹೀಗಾಗಿ ಇನ್ನೂ ಕಾರ್ಯಾಚರಣೆ ಒಂದೆರಡು ದಿನ ಮುಂದುವರಿಯುವ ಸಾಧ್ಯತೆ ಇದೆ. ಸೋಮವಾರ ಮುಂಜಾನೆ ಮೂವರು ಉಗ್ರರು ಈ ಕಟ್ಟಡದೊಳಗೆ ನುಗ್ಗಿದ್ದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಸೋಮವಾರ ಉಗ್ರರು ಲಘು ಶಸ್ತ್ರಾಸ್ತ್ರ ಪ್ರಯೋಗಿಸಿದ್ದು, ಕಾರ್ಯಾಚರಣೆ ವೇಳೆ ಒಬ್ಬ ಯೋಧ ಗಾಯಗೊಂಡಿದ್ದರು.

ಉದ್ಯಮ ಅಭಿವೃದ್ದಿ ಸಂಸ್ಥೆಯನ್ನು ಗುರಿಯಾಗಿಸಿ ಉಗ್ರರು ಫೆಬ್ರವರಿಯಲ್ಲಿ ದಾಳಿ ನಡೆಸಿದ್ದರು. ಅಂದಿನ ಕಾರ್ಯಾಚರಣೆಯಲ್ಲಿ ಐವರು ಭದ್ರತಾ ಸಿಬ್ಬಂದಿ, ಇಬ್ಬರು ಅಧಿಕಾರಿಗಳು, ಸಂಸ್ಥೆಯ ಉದ್ಯೋಗಿಗಳು ಮೃತಪಟ್ಟಿದ್ದರು. ಮೂವರು ಉಗ್ರರು ಹತರಾಗಿದ್ದರು.

The operation to flush-out terrorists in Pampore: The operation to flush-out terrorists holed up inside a government building in Pampore+ area on the Srinagar-Jammu national highway entered the second day on Tuesday, even as security forces launched a fresh offensive against the ultras.