ಗುರ್ಮಿತ್‌ ಪೆರೋಲ್‌ ಅರ್ಜಿ ತಿರಸ್ಕೃತ

ಚಂಡೀಗಢ: ಅತ್ಯಾಚಾರ ಪ್ರಕರಣದಲ್ಲಿ ರೋಹ್ಟಕ್‌ ಕಾರಾಗೃಹ ಸೇರಿರುವ ಡೇರಾ ಸಚ್ಚಾ ಸೌದಾ ಮುಖ್ಯಸ್ಥ ಗುರ್ಮೀತ್‌ ರಾಮ್‌ ರಹೀಂ ಸಿಂಗ್‌ ಪೆರೋಲ್‌ ಕೋರಿ ಸಲ್ಲಿಸಿರುವ ಅರ್ಜಿಯನ್ನು ಪಂಜಾಬ್‌ ಮತ್ತು ಹರಿಯಾಣ ಹೈಕೋರ್ಟ್‌ ತಿರಸ್ಕರಿಸಿದೆ. ತಾಯಿ ನಸೀಬ್‌ ಕೌರ್‌ (83) ಅವರ ಆರೋಗ್ಯ ಸ್ಥಿತಿ ಹದಗೆಟ್ಟಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುವ ಸ್ಥಿತಿ ತಲುಪಿದ್ದಾರೆ. ಅವರನ್ನು ನೋಡುವ ಅಪೇಕ್ಷೆಯಿಂದ ಪೆರೋಲ್‌ ನೀಡಬೇಕೆಂದು ಗುರ್ಮೀತ್‌ ಅರ್ಜಿ ಸಲ್ಲಿಸಿದ್ದರು. ಆದರೆ ಗುರ್ಮೀತ್‌ ಅನುಯಾಯಿಗಳು ಭದ್ರತೆಗೆ ಧಕ್ಕೆ ತರುವ ಸಾಧ್ಯತೆಗಳಿವೆ ಎಂಬ ಜೈಲು ಅಧೀಕ್ಷಕರ ವರದಿ ಆಧರಿಸಿ ನ್ಯಾಯಾಲಯ ಅರ್ಜಿಯನ್ನು ವಜಾಗೊಳಿಸಿತು.