ಮುಂಬಯಿ: 'ಪತಿ, ಪತ್ನಿ ಔರ್ ವೋ', 'ರಜನಿಗಂಧ', 'ಛೋಟೀ ಸೀ ಬಾತ್' ಸೇರಿದಂತೆ ಹಲವು ಪ್ರಮುಖ ಚಿತ್ರಗಳಲ್ಲಿ ನಟಿಸಿದ ಜನಪ್ರಿಯ ನಟಿ ವಿದ್ಯಾ ಸಿನ್ಹಾ (71)ಅವರು ಮುಂಬಯಿಯ ಆಸ್ಪತ್ರೆಯಲ್ಲಿ ಗುರುವಾರ ಮೃಪತಟ್ಟರು. ಶ್ವಾಸಕೋಶದ ಸಮಸ್ಯೆಗೆ ಒಳಗಾಗಿದ್ದ ಅವರ ದೇಹ ಸ್ಥಿತಿ ಮೂರು ತಿಂಗಳ ಹಿಂದೆ ತೀವ್ರವಾಗಿ ಬಿಗಡಾಯಿಸಿತ್ತು. ಗುರುವಾರ ಮತ್ತಷ್ಟು ಹದಗೆಟ್ಟಾಗ ಆಸ್ಪತ್ರೆಗೆ ಕರೆತರಲಾಗಿತ್ತು. ನಿರ್ಮಾಪಕ ರಾಣಾ ಪ್ರತಾಪ್ ಸಿಂಗ್ ಅವರ ಪುತ್ರಿಯಾಗಿರುವ ವಿದ್ಯಾ ಸಿನ್ಹಾ ಮಾಡೆಲ್ ಆಗಿ ವೃತ್ತಿ ಬದುಕು ಆರಂಭಿಸಿದ್ದರು. ಮಿಸ್ ಬಾಂಬೇ ಸ್ಪರ್ಧೆಯಲ್ಲಿ ಗೆದ್ದ ಅವರು 1968ರಲ್ಲಿ ವೆಂಕಟೇಶ್ವರನ್ ಅಯ್ಯರ್ ಅವರನ್ನು ಮದುವೆಯಾಗಿದ್ದರು. 1996ರಲ್ಲಿ ಅವರು ತೀರಿಕೊಂಡ ಬಳಿಕ ಅಲ್ಪಕಾಲ ಸಿನಿಮಾ ರಂಗದಿಂದ ದೂರ ಸರಿದ ಅವರು ವೈದ್ಯ ನೇತಾಜಿ ಬಿ. ಸಾಳುಂಕೆ ಅವರನ್ನು ಮದುವೆಯಾದರು. ಈ ಸಂಬಂಧದಲ್ಲಿ ಸಾಕಷ್ಟು ಹಿಂಸೆ ಅನುಭವಿಸಿದ ವಿದ್ಯಾ ಪೊಲೀಸರಿಗೆ ದೂರೂ ನೀಡಿದ್ದರು. ವಿದ್ಯಾ ಅವರು ಟೀವಿ ಧಾರಾವಾಹಿಗಳಾದ ಕಾವ್ಯಾಂಜಲಿ, ಬಹೂ ರಾಣಿ, ಝಾರಾ, ಭಾಭಿ ಮತ್ತು ಕುಲ್ಫಿ ಕುಮಾರ್ ಬಜೇವಾಲಾದಲ್ಲಿ ನಡೆಸಿದ್ದರು. 2011ರಲ್ಲಿ ಅವರು ಸಲ್ಮಾನ್ ಖಾನ್ ಅವರ ಬಾಡಿಗಾರ್ಡ್ ಸಿನಿಮಾದಲ್ಲಿ ನಟಿಸಿದ್ದರು.
ಪತಿ, ಪತ್ನಿ ಔರ್ ವೋ ಖ್ಯಾತಿಯ ನಟಿ ವಿದ್ಯಾ ಸಿನ್ಹಾ ನಿಧನ
ವಿದ್ಯಾ ಅವರು ಟೀವಿ ಧಾರಾವಾಹಿಗಳಾದ ಕಾವ್ಯಾಂಜಲಿ, ಬಹೂ ರಾಣಿ, ಝಾರಾ, ಭಾಭಿ ಮತ್ತು ಕುಲ್ಫಿ ಕುಮಾರ್ ಬಜೇವಾಲಾದಲ್ಲಿ ನಟಿಸಿದ್ದರು.
Agencies 16 Aug 2019, 5:00 am