ಉತ್ತಮ ರಸ್ತೆ ಬೇಕಿದ್ದರೆ, ಟೋಲ್‌ ಕಟ್ಟಲೇಬೇಕು: ನಿತಿನ್‌ ಗಡ್ಕರಿ

ಹೊಸದಿಲ್ಲಿ: ಉತ್ತಮ ರಸ್ತೆಗಳು ಬೇಕು ಎಂದರೆ ಜನ ಟೋಲ್‌ನಲ್ಲಿ ಹಣ ಪಾವತಿಸಲೇಬೇಕು. ಇದನ್ನು ರದ್ದು ಮಾಡುವ ಯಾವುದೇ ಪ್ರಸ್ತಾವ ಇಲ್ಲ ಎಂದು ಕೇಂದ್ರ ಸಚಿವ ನಿತಿನ್ ಗಡ್ಕರಿ ತಿಳಿಸಿದ್ದಾರೆ.

ಲೋಕಸಭೆಯಲ್ಲಿ ರಸ್ತೆ ಮತ್ತು ಹೆದ್ದಾರಿ ಕ್ಷೇತ್ರ ಕುರಿತು ನಡೆದ ಚರ್ಚೆಯ ವೇಳೆ ಸಚಿವರು ಉತ್ತರಿಸಿದರು.

ಕಳೆದ 5 ವರ್ಷದಲ್ಲಿ 40 ಸಾವಿರ ಕಿಲೋ ಮೀಟರ್‌ ಹೆದ್ದಾರಿ ನಿರ್ಮಾಣ ಮಾಡಲಾಗಿದೆ. ರಸ್ತೆ ಅಭಿವೃದ್ಧಿಯಂತೂ ಅತಿ ಹೆಚ್ಚು ಆಗಿದೆ ಎಂದು ಹೇಳಿದರು.

ದೇಶದ ನಾನಾ ಭಾಗಗಳ ಹೆದ್ದಾರಿಯಲ್ಲಿ ಟೋಲ್‌ ವಸೂಲಾತಿ ಬಗ್ಗೆ ಸದಸ್ಯರು ಆಕ್ಷೇಪ ಎತ್ತಿದ್ದಾರೆ. ಟೋಲ್‌ ಹಣವನ್ನು ಪಡೆದು ಗ್ರಾಮೀಣ ಹಾಗೂ ಬೆಟ್ಟ ಗುಡ್ಡ ಪ್ರದೇಶಗಳಲ್ಲಿ ರಸ್ತೆ ನಿರ್ಮಿಸಲಾಗುತ್ತದೆ ಎಂದು ನಿತಿನ್‌ ಗಡ್ಕರಿ ಸ್ಪಷ್ಟಪಡಿಸಿದರು.

ಟೋಲ್‌ ಈಸ್ ಮೈ ಬ್ರೇನ್‌ ಚೈಲ್ಡ್‌, ಸುಂಕ ವಸೂಲಾತಿ ತಡೆಯಲು ಸಾಧ್ಯವಿಲ್ಲ ಎಂದು ನಿತಿನ್‌ ಗಡ್ಕರಿ ತಿಳಿಸಿದರು.