ಆ್ಯಪ್ನಗರ

ಬುಲೆಟ್‌ ರೈಲಿನ ವೇಗದಲ್ಲಿ ಕಲಾಪಕ್ಕೆ ಓಡೋಡಿ ಬಂದು ಸಮಯ ಪರಿಪಾಲನೆ ಮಾಡಿದ ರೈಲ್ವೆ ಸಚಿವ ಪಿಯೂಷ್‌; ನೆಟ್ಟಿಗರಿಂದ ಭೇಷ್‌

ಸಮಯ ಪ್ರಜ್ಞೆ, ಸಮಯ ಪರಿಪಾಲನೆ ಸಾಮಾನ್ಯವಾಗಿ ರಾಜಕಾರಣಿಗಳಲ್ಲಿ ಇರುವುದಿಲ್ಲ ಎಂಬುದು ಜನರ ದೂರು. ಅದರೆ ಇದಕ್ಕೆ ಅಪವಾದ ಎಂಬಂತೆ ಪಿಯೂಷ್‌ ಗೋಯಲ್‌ ಸಮಯ ಪರಿಪಾಲಿಸಿದ್ದಾರೆ.

Vijaya Karnataka Web 4 Dec 2019, 10:38 pm
ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಅತ್ಯಂತ ಶಿಸ್ತು, ಸಮಯ ಪ್ರಜ್ಞೆ ಪಾಲಿಸುವ ನಾಯಕ. ತಾವಷ್ಟೇ ಅಲ್ಲ ತಮ್ಮ ಸಹೋದ್ಯೋಗಿಗಳು ಕೂಡ ಇದನ್ನು ಪರಿಪಾಲಿಸಬೇಕೆಂದು ಸದಾ ಪಾಠ ಮಾಡುತ್ತಿರುತ್ತಾರೆ.
Vijaya Karnataka Web ಪಿಯೂಷ್‌ ಗೋಯಲ್‌
ಪಿಯೂಷ್‌ ಗೋಯಲ್‌


ಇದನ್ನು ರೈಲ್ವೆ ಖಾತೆ ಸಚಿವ ಪಿಯೂಷ್‌ ಗೋಯಲ್‌ ಪಾಲನೆ ಮಾಡಿದ್ದಾರೆ ಎಂದರೆ ತಪ್ಪಾಗಲಾರದು.

ಬುಧವಾರ ಸಂಸತ್‌ ಕಲಾಪಕ್ಕೆ ಪಿಯೂಷ್‌ ಗೋಯಲ್‌ ಬಂದಿದ್ದು ಎಲ್ಲರ ಗಮನ ಸೆಳೆದಿದೆ.

ರೈಲ್ವೆ ಸಚಿವ ಪಿಯೂಷ್


ಪ್ರಧಾನಿ ನರೇಂದ್ರ ಮೋದಿಯವರ ಸಹೋದ್ಯೋಗಿ, ಕೇಂದ್ರ ಸಚಿವ ಪಿಯೂಷ್‌ ಗೋಯಲ್‌ ಸಮಯ ಪ್ರಜ್ಞೆಯನ್ನು ಮೆರೆದಿರುವುದು ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ. ಸಂಸತ್ ಕಲಾಪಕ್ಕೆ ಸಮಯಕ್ಕೆ ಸರಿಯಾಗಿ ಹಾಜರಾಗಬೇಕೆಂದು ಪಿಯೂಷ್‌ ಗೋಯಲ್‌ ಓಡೋಡಿ ಬಂದರು. ಈ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್‌ ಆಗಿದೆ.

ಬುಧವಾರ ಕೇಂದ್ರ ಸಚಿವ ಸಂಪುಟ ಸಭೆ ಆಯೋಜಿಸಲಾಗಿತ್ತು. ಸಭೆ ಮುಗಿಯುವುದು ಸ್ವಲ್ಪ ತಡವಾಯಿತು. ಸಂಸತ್‌ ಭವನದಲ್ಲಿ ಕಲಾಪ ಕೂಡ ನಡೆಯುತ್ತಿತ್ತು.

ಪ್ರಶ್ನೋತ್ತರ ವೇಳೆಯಲ್ಲಿ ರೈಲ್ವೆ ಇಲಾಖೆಗೆ ಸಂಬಂಧಿಸಿದಂತೆ ಮಾಹಿತಿ ಕೋರಿ ಸಂಸದರೊಬ್ಬರು ನೋಟಿಸ್‌ ನೀಡಿದ್ದರು.

ಈ ಕಲಾಪಕ್ಕೆ ಸಮಯಕ್ಕೆ ಸರಿಯಾಗಿ ಹಾಜರಾಗಬೇಕೆಂದು ಪಿಯೂಷ್‌ ಗೋಯಲ್‌ ಸಂಪುಟ ಸಭೆಯ ನಂತರ ಓಡೋಡಿ ಬಂದು ಸಂಸತ್‌ ಭವನದೊಳಗೆ ತೆರಳಿದರು.

ಸಚಿವರ ಈ ಸಮಯ ಪರಿಪಾಲನೆಗೆ ಎಲ್ಲರೂ ಶಹಬ್ಬಾಸ್‌ ಎಂದಿದ್ದಾರೆ. ನೆಟ್ಟಿಗರು ಕೂಡ ಪಿಯೂಷ್‌ ಗೋಯಲ್‌ಗೆ ಭೇಷ್‌ ಎಂದಿದ್ದಾರೆ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ