ಹೊಸದಿಲ್ಲಿ : ನೋಡಲು ತಾಜಾ ಅನಿಸುವ ಕೃತಕ ತರಕಾರಿ ಮತ್ತು ಹಣ್ಣುಗಳು ಭಾರತದ ಮಾರುಕಟ್ಟೆಗೆ ಲಗ್ಗೆ ಹಾಕಿವೆ. ದಿಲ್ಲಿಯ ಮಹಿಳೆ ತಾವು ತಂದಿರುವ ಕ್ಯಾಬೆಜ್‌ನ್ನು (ಎಲೆಕೋಸು) ಕತ್ತರಿಸಲು ಸ್ವಲ್ಪ ಕಷ್ಟವಾದಾಗ ಅನುಮಾನಗೊಂಡು ಅದನ್ನು ಸುಡಲು ಪ್ರಯತ್ನಿಸಿದ್ದಾರೆ ಆದರೆ ಸಾಧ್ಯವಾಗಿಲ್ಲ.
ತರಕಾರಿ ಸುಟ್ಟಲ್ಲಿ ಅದು ನೈಸರ್ಗಿಕ ಇಲ್ಲವಾದರೆ ಕೃತಕ ವಸ್ತುವಿನಿಂದ ಮಾಡಲಾಗಿರುತ್ತದೆ ಎಂಬುದನ್ನು ಯುಟ್ಯೂಬ್‌ನಿಂದ ತಿಳಿದುಕೊಂಡಿದ್ದ ಮಹಿಳೆ, ಎಲೆಕೋಸನ್ನು ಸುಡಲು ಪ್ರಯತ್ನಿಸಿದಾಗ ಅದು ಪ್ಲಾಸ್ಟಿಕ್‌ ತರಕಾರಿ ಎಂಬುದು ತಿಳಿದಿದ್ದು, ಫೇಸ್‌ಬುಕ್‌ನಲ್ಲಿ ವಿಡಿಯೊ ಹಂಚಿಕೊಂಡಿದ್ದಾರೆ.
ಸೂಪರ್‌ ಮಾರ್ಕೆಟ್‌ಗಳಿಂದ ಖರೀದಿಸುವ ತರಕಾರಿ ಮತ್ತು ಹಣ್ಣುಗಳ ಕುರಿತು ಹುಷಾರಾಗಿರಿ. ಅವುಗಳು ನೋಡಲು ಸುಂದರವಾಗಿ ಕಂಡರೂ ಆರೋಗ್ಯಕ್ಕೆ ಮಾರಕವಾಗಬಹುದು ಎಂದು ಮಹಿಳೆ ಸಂದೇಶ ನೀಡಿದ್ದಾರೆ.