ಭಾರತ-ಡೆನ್ಮಾರ್ಕ್ ದ್ವಿಪಕ್ಷೀಯ ವರ್ಚುವಲ್ ಸಭೆಯಲ್ಲಿ ಪ್ರಧಾನಿ ಮೋದಿ ಭಾಗಿ

ನವದೆಹಲಿ: ಜಾಗತಿಕ ಪೂರೈಕೆಯಲ್ಲಿನ ಏಕರೂಪ ಸರಪಳಿ ಹೆಚ್ಚು ಅಪಾಯಕಾರಿ ಎಂಬುದು ಕೊರೊನಾ ವೈರಸ್ ಹಾವಳಿ ಜಗತ್ತಿಗೆ ತೋರಿಸಿ ಕೊಟ್ಟಿದೆ ಎಂದು ಪ್ರಧಾನಿ ಮೋದಿ ಹೇಳಿದ್ದಾರೆ.

ಭಾರತ-ಡೆನ್ಮಾರ್ಕ್ ನಡುವಿನ ದ್ವಿಪಕ್ಷೀಯ ವರ್ಚುವಲ್ ಸಬೆ ಉದ್ದೇಶಿಸಿ ಮಾತನಾಡಿದ ಪ್ರಧಾನಿ ಮೋದಿ, ಜಾಗತಿಕ ಪೂರೈಕೆಯಲ್ಲಿ ವೈವಿಧ್ಯಮಯ ಸರಪಳಿ ನಿರ್ಮಾಣಕ್ಕೆ ಭಾರತ ಪ್ರಯತ್ನಿಸುತ್ತಿದೆ ಎಂದು ಹೇಳಿದರು.

ಭಾರತ-ಜಪಾನ್-ಆಸ್ಟ್ರೇಲಿಯಾ ನಡುವೆ ಇಂತಹ ಪೂರೈಕೆ ಸರಪಳಿ ನಿರ್ಮಾಣಕ್ಕೆ ನಾವು ಕೆಲಸ ಮಾಡುತ್ತಿದ್ದು, ಸಮಾನ ಮನಸ್ಕ ದೇಶಗಳು ಈ ಪ್ರಯತ್ನದಲ್ಲಿ ಭಾಗಿಯಾಗಬಹುದು ಎಂದು ಪ್ರಧಾನಿ ಮೋದಿ ಆಮಂತ್ರಣ ನೀಡಿದರು.

ಸಂಬಂಧ ವೃದ್ಧಿಗೆ ಮುನ್ನುಡಿ: ಆಸಿಸ್ ಜೊತೆ ವರ್ಚುವಲ್ ದ್ವಿಪಕ್ಷೀಯ ಸಭೆ ಯಶಸ್ವಿ!


ಇದೇ ವೇಳೆ ಡೆನ್ಮಾರ್ಕ್ ಪ್ರಧಾನಿ ಮೆಟ್ಟೆ ಫ್ರೆಡೆರಿಕ್ಸೆನ್ ಅವರೊಂದಿಗೆ ಉಭಯ ಕುಶಲೋಪಹರಿ ನಡೆಸಿದ ಪ್ರಧಾನಿ ಮೋದಿ, ಮೆಟ್ಟೆ ಕುಟುಂಬವನ್ನು ಭಾರತಕ್ಕೆ ಆಹ್ವಾನಿಸಿದರು.

ಕೊರೊನಾ ವೈರಸ್ ಹಾವಳಿ ಮುಕ್ತಾಯವಾದ ಬಳಿಕ ತಮ್ಮ ಕುಟುಂಬ ಸಮೇತ ಭಾರತಕ್ಕೆ ಬರುವಂತೆ ಮೆಟ್ಟೆ ಫ್ರೆಡೆರಿಕ್ಸೆನ್ ಅವರನ್ನು ಪ್ರಧಾನಿ ಮೋದಿ ಆಹ್ವಾನಿಸಿದರು.

ಇತಿಹಾಸದಲ್ಲಿ ಇದೇ ಮೊದಲು: ಭಾರತ-ಆಸಿಸ್ ವರ್ಚುವಲ್ ದ್ವಿಪಕ್ಷೀಯ ಸಭೆ!

ಇನ್ನು ಮೋದಿ ಆಹ್ವಾನವನ್ನು ಸ್ವೀಕರಿಸಿದ ಮೆಟ್ಟೆ ಫ್ರೆಡೆರಿಕ್ಸೆನ್, ತಮ್ಮ ಮಗಳನ್ನು ಕರೆದುಕೊಂಡು ಕುಟುಂಬ ಸಮೇತ ಭಾರತಕ್ಕೆ ಬರುವುದಾಗಿ ಹೇಳಿದರು.