ನಿಧಿ ಯಾವುದಕ್ಕೆ ಬಳಸಬಹುದು?
ಇನ್ನು ಪ್ರಧಾನಿ ಮೋದಿ ಘೋಷಿಸಿದ ಈ ವಿನೂತನ ಯೋಜನೆಯ ಅನುದಾನವನ್ನ ಯಾವುದಕ್ಕೆಲ್ಲ ಬಳಸಬಹುದು ಅನ್ನುವ ವಿಚಾರಕ್ಕೆ ಸಂಬಂಧಪಟ್ಟ ಪ್ರಶ್ನೆಗಳಿಗೆ ಉತ್ತರ ಇಲ್ಲಿದೆ.
ಕೃಷಿ ಉತ್ಪನ್ನಗಳ ದಾಸ್ತಾನಿಗೆ ಬೃಹತ್‌ ಉಗ್ರಾಣಗಳ ನಿರ್ಮಾಣ
ಉತ್ಪನ್ನಗಳು ಹಾಳಾಗದಂತೆ ಸಂರಕ್ಷಿಸುವ ಶೈತ್ಯಗಾರಗಳ ವ್ಯವಸ್ಥೆ
ಕೃಷಿ ಉತ್ಪನ್ನಗಳ ಸಾಗಣೆಗೆ ಸಂಪರ್ಕ ವ್ಯವಸ್ಥೆ ಸುಧಾರಣೆ
ಕೃಷಿ ಮೂಲ ಸೌಕರ್ಯ ಹೆಚ್ಚಿಸುವ ಯಾವುದೇ ಉಪಕ್ರಮ
ಜಮ್ಮು-ಕಾಶ್ಮೀರ: ಮತ್ತೋರ್ವ ಬಿಜೆಪಿ ಮುಖಂಡನನ್ನ ಗುಂಡಿಕ್ಕಿ ಕೊಂದ ಉಗ್ರರು!
ಸಾಲ ಯಾರಿಗೆ ಸಿಗುತ್ತೆ?
1 ಲಕ್ಷ ಕೋಟಿ ರೂಪಾಯಿಗಳನ್ನು ಸಾಲ ರೂಪದಲ್ಲಿ ಪ್ರಾಥಮಿಕ ಕೃಷಿ-ಸಾಲ ಸಂಘಗಳು, ರೈತ ಗುಂಪುಗಳು, ರೈತ ಉತ್ಪನ್ನ ಸಂಘಗಳು, ಕೃಷಿ ಉದ್ಯಮಿಗಳು, ಸ್ಟಾರ್ಟ್‌ ಅಪ್‌ಗಳು, ಕೃಷಿ-ತಾಂತ್ರಿಕ ಸಂಸ್ಥೆಗಳಿಗೆ ನೀಡಲಾಗುತ್ತದೆ. ಇದಕ್ಕಾಗಿ ಈಗಾಗಲೇ 11 ಸಾರ್ವಜನಿಕ ವಲಯ ಬ್ಯಾಂಕ್‌ಗಳು ಕೃಷಿ ಇಲಾಖೆ ಜತೆ ಒಪ್ಪಂದ ಮಾಡಿಕೊಂಡಿವೆ. ಮುಂದಿನ 4 ವರ್ಷಗಳ ಅವಧಿಯಲ್ಲಿ ಕಂತು ರೂಪದಲ್ಲಿ ಸಾಲ ವಿತರಣೆಯಾಗಲಿದೆ. ಈ ವರ್ಷ 10,000 ಕೋಟಿ ರೂ. ಬಿಡುಗಡೆಯಾಗಲಿದೆ. ನಂತರದ ಮೂರು ವರ್ಷ ತಲಾ 30,000 ಕೋಟಿ ರೂ. ಬಿಡುಗಡೆಯಾಗಲಿದೆ. ಇನ್ನು ಈ ಯೋಜನೆಯ ಅಡಿಯಲ್ಲಿ 2 ಕೋಟಿ ರೂ.ವರೆಗೆ ಸರಕಾರದಿಂದಲೇ ಸಾಲ ಖಾತರಿ ಇದೆ. ಸಕಾಲದಲ್ಲಿ ಸಾಲ ಮರು ಪಾವತಿಸಿದರೆ 3% ಬಡ್ಡಿ ರಿಯಾಯಿತಿ ದೊರೆಯಲಿದೆ.
ಅಮಿತ್‌ ಶಾಗೆ 2ನೇ ಬಾರಿ ಕೊರೊನಾ ಟೆಸ್ಟ್‌ ನಡೆಸಿಲ್ಲ; ವದಂತಿಗೆ ಗೃಹ ಸಚಿವಾಲಯ ಸ್ಪಷ್ಟನೆ!
ಪಿಎಂ ಕಿಸಾನ್‌ ಕಂತು ವರ್ಗ!
ಪಿಎಂ ಕಿಸಾನ್‌ ಯೋಜನೆಯ 6ನೇ ಕಂತಿನ 17,100 ಕೋಟಿ ರೂ. ಮೊತ್ತ ದೇಶದ 8.5 ಕೋಟಿ ರೈತರ ಬ್ಯಾಂಕ್‌ ಖಾತೆಗಳಿಗೆ ಭಾನುವಾರ ಜಮಾವಣೆಗೊಂಡಿದೆ. ಪ್ರಧಾನಿ ಮೋದಿ, ವಿದ್ಯುನ್ಮಾನ ವ್ಯವಸ್ಥೆ ಮೂಲಕ ಈ ಮೊತ್ತವನ್ನು ರೈತರಿಗೆ ವರ್ಗವಣೆ ಮಾಡಿದರು. ಪ್ರತಿ ರೈತ ಕುಟುಂಬಕ್ಕೆ ವಾರ್ಷಿಕ 6000 ರೂ. ನೇರ ನೆರವು ಕಲ್ಪಿಸುವ ಯೋಜನೆ ಇದಾಗಿದ್ದು, 2018ರಿಂದ ಜಾರಿಯಾಲ್ಲಿದೆ. ರೈತರಿಗೆ ಇದರಿಂದ ತುಂಬಾನೇ ಅನುಕೂಲವಾಗುತ್ತಿದೆ.