ಮೋದಿ ತಾಯಿಯಿಂದ ಘಂಟಾನಾದ : ನರೇಂದ್ರನೆಂದ ಅವ್ವ ಧನ್ಯವಾದ!

ಅಹಮದಾಬಾದ್: ಪ್ರಧಾನಿ ಮೋದಿ ಅವರ ಜನತಾ ಕರ್ಫ್ಯೂ ಕರೆಗೆ ಅಭೂತಪೂರ್ವ ಬೆಂಬವಲ ವ್ಯಕ್ತವಾಗಿದ್ದು, ಒಂದಿಡೀ ದಿನ ದೇಶ ಸಂಪೂರ್ಣವಾಗಿ ಬಂದ್ ಆಗಿ ಕೊರೊನಾ ವೈರಸ್ ವಿರುದ್ಧ ಹೋರಾಡಲು ಸಿದ್ಧ ಎಂದು ಸಾಬೀತುಪಡಿಸಿತು.

ಅದರಂತೆ ಪ್ರಧಾನಿ ಮೋದಿ ಮನವಿಯಂತೆ ಕೊರೊನಾ ವೈರಸ್ ವಿರುದ್ಧದ ಹೋರಾಟದಲ್ಲಿ ಮುಂಚೂಣಿಯಲ್ಲಿರುವ ವೈದ್ಯ ಸಮುದಾಯಕ್ಕೆ ಚಪ್ಪಾಳೆ ತಟ್ಟುವ ಮೂಲಕ ಗೌರವ ಸಲ್ಲಿಸಲಾಯಿತು.


ಇನ್ನು ಪ್ರಧಾನಿ ಮೋದಿ ಮನವಿಯನ್ನು ಪುರಸ್ಕರಿಸಿರುವ ಅವರ ತಾಯಿ ಹೀರಾಬೆನ್ ಕೂಡ, ತಮ್ಮ ಮನೆಯಿಂದಲೇ ಘಂಟಾನಾದ ಮೊಳಗಿಸುವ ತಟ್ಟುವ ಮೂಲಕ ವೈದ್ಯ ಲೋಕಕ್ಕೆ ಧನ್ಯವಾದ ಅರ್ಪಿಸಿದರು.

ಧನ್ಯವಾದ ವೈದ್ಯರೇ: ಚಪ್ಪಾಳೆ ತಟ್ಟಿ ಥ್ಯಾಂಕ್ಸ್ ಹೇಳಿದ ಇಂಡಿಯಾ!

ಮೋದಿ ತಾಯಿ ಹೀರಾಬೆನ್ ತಮ್ಮ ಮನೆಯಿಂದಲೇ ಘಂಟಾನಾದ ಮೂಲಕ ವೈದ್ಯರಿಗೆ ಧನ್ಯವಾದ ಅರ್ಪಿಸಿದ ದೃಶ್ಯ ಇದೀಗ ಭಾರೀ ವೈರಲ್ ಆಗಿದ್ದು, ಇಳಿವಯಸ್ಸಿನಲ್ಲೂ ಪ್ರಧಾನಿ ತಾಯಿಯ ಸ್ಪೂರ್ತಿಗೆ ಎಲ್ಲರೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.


ಇನ್ನು ತಮ್ಮ ತಾಯಿ ಘಂಟಾನಾದದ ಮೂಲಕ ವೈದ್ಯರಿಗೆ ಧನ್ಯವಾದ ಅರ್ಪಿಸಿದ ಕುರಿತು ಟ್ವೀಟ್ ಮಾಡಿರುವ ಪ್ರಧಾನಿ ಮೋದಿ, ನಿಮ್ಮಂತಹ ಕೋಟ್ಯಂತರ ತಾಯಂದಿರ ಆಶೀರ್ವಾದ ಇರುವವರೆಗೂ ನಾವು ಕೊರೊನಾ ವೈರಸ್ ಎಂಬ ಮಹಾಮಾರಿ ವಿರುದ್ಧ ನಿರಂತರ ಸಂಘರ್ಷ ನಡೆಸುತ್ತೇವೆ ಎಂದು ಪ್ರತಿಜ್ಞೆ ಮಾಡಿದ್ದಾರೆ.