ಬಿಜೆಪಿ ಸೇರಿದ ಮೋದಿ ಆಪ್ತ ಬಳಗದ ಮಾಜಿ ಐಎಎಸ್ ಅಧಿಕಾರಿ: 'ದೊಡ್ಡ ಹುದ್ದೆ'ಯ ನಿರೀಕ್ಷೆ!

ಲಖನೌ: ಕಳೆದ 20 ವರ್ಷಗಳಿಂದ ಪ್ರಧಾನಿ ಮೋದಿ ಅವರ ಆಪ್ತ ಬಳಗದಲ್ಲಿ ಗುರುತಿಸಿಕೊಂಡಿದ್ದ ಮಾಜಿ ಐಎಎಸ್ ಅಧಿಕಾರಿ, ಅರವಿಂದ್ ಕುಮಾರ್ ಶರ್ಮಾ ಬಿಜೆಪಿ ಪಕ್ಷಕ್ಕೆ ಅಧಿಕೃತವಾಗಿ ಸೇರ್ಪಡೆಗೊಂಡಿದ್ದಾರೆ.

ಉತ್ತರಪ್ರದೇಶದ ವಿಧಾನ ಪರಿಷತ್‌ಗೆ ಆಯ್ಕೆಯಾಗಲಿರುವ ಶರ್ಮಾ, ಯೋಗಿ ಆದಿತ್ಯನಾಥ್ ಸರ್ಕಾರದಲ್ಲಿ ಮಹತ್ವದ ಹುದ್ದೆ ನಿಭಾಯಿಸಲಿದ್ದಾರೆ ಎಂಬ ಮಾತುಗಳು ಕೇಳಿ ಬರುತ್ತಿವೆ.

ಇದೇ ಜ.28ರಂದು ಉತ್ತರಪ್ರದೇಶದ 12 ವಿಧಾನ ಪರಿಷತ್ ಸೀಟುಗಳಿಗೆ ಚುನಾವಣೆ ನಡೆಯಲಿದ್ದು, ಅರವಿಂದ್ ಕುಮಾರ್ ಶರ್ಮಾ ಆಯ್ಕೆ ಖಚಿತವಾಗಿದೆ.

ರಾಷ್ಟ್ರವಾದ, ಅಭಿವೃದ್ಧಿ ಮೆಚ್ಚಿ ಬಂದಿದ್ದೇನೆ: ಬಿಜೆಪಿಗೆ ಸೇರ್ಪಡೆಗೊಂಡ ಅಣ್ಣಾಮಲೈ!

1988ನೇ ಬ್ಯಾಚನ್‌ನ ಗುಜರಾತ್ ಕೆಡೆರ್ ಐಎಎಸ್ ಅಧಿಕಾರಿಯಾಗಿದ್ದ ಅರವಿಂದ್ ಕುಮಾರ್ ಶರ್ಮಾ, ಆಗ ಗುಜರಾತ್ ಮುಖ್ಯಮಂತ್ರಿಯಾಗಿದ್ದ ನರೇಂದ್ರ ಮೋದಿ ಅವರ ಸರ್ಕಾರದಲ್ಲಿ ಮಹತ್ವದ ಹುದ್ದೆಗಳನ್ನು ನಿಭಾಯಿಸಿದ್ದರು.


ಬಳಿಕ 2014ರಲ್ಲಿ ಮೋದಿ ಪ್ರಧಾನಿಯಾದ ಬಳಿಕ ಕೇಂದ್ರ ಸರ್ಕಾರದ ಸೇವೆಗೆ ನಿಯೋಜನೆಗೊಂಡ ಅರವಿಂದ್ ಕುಮಾರ್ ಶರ್ಮಾ ತೀರ ಇತ್ತೀಚಿಗೆ ಸಣ್ಣ ಮತ್ತು ಅತಿಸಣ್ಣ ಕೈಗಾರಿಕಾ ಇಲಾಖೆಯ ಕಾರ್ಯದರ್ಶಿಯಾಗಿ ನೇಮಕಗೊಂಡಿದ್ದರು.

ರಾಷ್ಟ್ರವಾದದ ಪ್ರವಾಹಕ್ಕೆ ಸೇರಿದ ಅಣ್ಣಾಮಲೈ: ಕರ್ನಾಟಕ ಸಿಂಗಂ ಹೆಜ್ಜೆಯ ಜಾಡು ಅರಸುತ್ತಾ!

ಆದರೆ ತಮ್ಮ ಸೇವಾವಧಿಗೂ ಮೊದಲೇ ನಿವೃತ್ತಿಯಾಗಿದ್ದ ಅರವಿಂದ್ ಕುಮಾರ್ ಶರ್ಮಾ, ಇದೀಗ ಬಿಜೆಪಿ ಪಕ್ಷಕ್ಕೆ ಅಧಿಕೃತವಾಗಿ ಸೇರ್ಪಡೆಗೊಂಡಿದ್ದು, ಯೋಗಿ ಸರ್ಕಾರದಲ್ಲಿ ಭಾರೀ ಮಹತ್ವದ ಹುದ್ದೆ ನಿರ್ವಹಿಸಲಿದ್ದಾರೆ.