ಮೋದಿ ಲೋಕಸಭಾ ಚುನಾವಣೆ ಗೆಲುವಿನ ಧನ್ಯವಾದ ಸಂದೇಶಕ್ಕೆ ‘ಗೋಲ್ಡನ್‌ ಟ್ವೀಟ್‌’ ಗೌರವ

ಹೊಸದಿಲ್ಲಿ: ಲೋಕಸಭಾ ಚುನಾವಣೆಯಲ್ಲಿಬಿಜೆಪಿಯ ಪ್ರಚಂಡ ಜಯಭೇರಿಯನ್ನು ಸಂಭ್ರಮಿಸುವ ಸಲುವಾಗಿ 2019ರ ಮೇ 23ರಂದು ಪ್ರಧಾನಿ ನರೇಂದ್ರ ಮೋದಿ ಅವರು ಮಾಡಿದ್ದ ಟ್ವೀಟ್‌ ಈ ವರ್ಷದ 'ಗೋಲ್ಡನ್‌ ಟ್ವೀಟ್‌' ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಫಲಿತಾಂಶ ಪ್ರಕಟವಾಗುತ್ತಿದ್ದಂತೆಯೇ ದೇಶದ ಜನತೆಗೆ ಧನ್ಯವಾದ ಸಲ್ಲಿಸಿ ಪ್ರಧಾನಿ ಮೋಸದಿ ಅವರು, ''ಜತೆಗೂಡಿ ನಾವು ಬೆಳೆಯೋಣ, ಜತೆಗೂಡಿ ಅಭಿವೃದ್ಧಿಯತ್ತ ಸಾಗೋಣ, ಒಟ್ಟಾಗಿ ಸದೃಢ ಭಾರತ ಕಟ್ಟೋಣ. ಮತ್ತೆ ಭಾರತ ಗೆದ್ದಿದೆ, ವಿಜಯೀಭಾರತ್‌','' ಎಂದು ಟ್ವೀಟ್‌ ಮಾಡಿದ್ದರು. ಇದು ಅತಿಹೆಚ್ಚು ರಿಟ್ವೀಟ್‌ ಮತ್ತು ಲೈಕ್‌ಗಳಿಗೆ ಭಾಜನವಾಗಿರುವುದರಿಂದ ಟ್ವಿಟರ್‌ ಇದನ್ನು 'ಗೋಲ್ಡನ್‌ ಟ್ವೀಟ್‌' ಎಂದು ಗುರುತಿಸಿದೆ.



ವರ್ಷಾದ್ಯಂತ ಟ್ರೆಂಡಿಂಗ್‌ನಲ್ಲಿದ್ದ ಹ್ಯಾಷ್‌ಟ್ಯಾಗ್‌ಗಳ ಪೈಕಿ ಅತಿಹೆಚ್ಚು ಚರ್ಚೆಯಾಗಿ, ರಿಟ್ವೀಟ್‌ಗಳನ್ನು ಕಂಡಿದ್ದು#loksabhaelection2019 . ಇಡೀ ದೇಶ ಅತ್ಯಂತ ಉತ್ಸಾಹದಿಂದ ಕಂಡಂಥ ಐತಿಹಾಸಿಕ ಕ್ಷಣವನ್ನು 'ಚಂದ್ರಯಾನ-2' ಎಂದು ಟ್ವಿಟರ್‌ ಗುರುತಿಸಿದೆ.

ಮಹಿಳಾ ದೌರ್ಜನ್ಯ ಆರೋಪ ಎದುರಿಸುತ್ತಿರುವ ಜನಪ್ರತಿನಿಧಿಗಳಲ್ಲಿ ಬಿಜೆಪಿಯವರೇ ಹೆಚ್ಚಂತೆ! ಇಲ್ಲಿದೆ ಅಚ್ಚರಿಯ ವರದಿ.

ವರ್ಷದಲ್ಲಿಅತಿಹೆಚ್ಚು ಚರ್ಚಿತ ಮತ್ತು ಅಧಿಕ ಸಮಯದವರೆಗೆ ಟ್ವಿಟರ್‌ ಲೋಕದಲ್ಲಿಸದ್ದು ಮಾಡಿದ ಟ್ವೀಟ್‌ಗಳನ್ನು ಗೋಲ್ಡನ್‌ ಟ್ವೀಟ್‌ ಎಂದು ಕರೆಯಲಾಗುತ್ತದೆ.



ಕ್ರಿಕೆಟ್‌ನಲ್ಲಿ ಧೋನಿ, ಮನರಂಜನೆಯಲ್ಲಿ ಬಿಗಿಲ್‌: ಉಳಿದಂತೆ ಕ್ರಿಕೆಟ್‌ ಕ್ಷೇತ್ರದಲ್ಲಿಅತಿಹೆಚ್ಚು ರಿಟ್ವೀಟ್‌ ಕಂಡಿದ್ದು ಹಾಗೂ ಟ್ವೀಟಿಗರ ಮೆಚ್ಚುಗೆಗೆ ಪಾತ್ರವಾಗಿದ್ದು ವಿರಾಟ್‌ ಕೊಹ್ಲಿಅವರು ಎಂ.ಎಸ್‌. ಧೋನಿ ಅವರಿಗೆ ಜನ್ಮದಿನದ ಶುಭಾಶಯ ಕೋರಿದ್ದು. ಮನರಂಜನೆ ವಲಯದಲ್ಲಿತಮಿಳು ನಟ ವಿಜಯ್‌ ಅವರು ತಮ್ಮ ಬಿಗಿಲ್‌ ಸಿನಿಮಾದ ಪೋಸ್ಟರ್‌ಅನ್ನು ಟ್ವಿಟರ್‌ ಖಾತೆಯಲ್ಲಿಹಂಚಿಕೊಂಡಿದ್ದು ಅತಿಹೆಚ್ಚು ಬಾರಿ ರಿಟ್ವೀಟ್‌ ಆಗಿದ್ದಲ್ಲದೇ ಕಮೆಂಟ್ಸ್‌ಗಳನ್ನು ದಾಖಲಿಸಿದೆ.

ಎಕ್ಸ್‌ಪ್ರೆಸ್‌ ವೇ ಆಗಲಿದೆ ಬೆಂಗಳೂರು-ಪೂನಾ ಹೆದ್ದಾರಿ : ನಿತಿನ್‌ ಗಡ್ಕರಿ ಸ್ಪಷ್ಟನೆ

ರಾಜಕೀಯದಲ್ಲಿ ಪ್ರಿಯಾಂಕಾ ಹಿಂದಿಕ್ಕಿದ್ದ ಸ್ಮೃತಿ
2019ರಲ್ಲಿರಾಜಕೀಯ ಕ್ಷೇತ್ರದಲ್ಲಿಅತಿಹೆಚ್ಚು ರಿಟ್ವೀಟ್‌ಗಳನ್ನು ದಾಖಲಿಸಿದ ಟ್ವೀಟ್‌ಗಳು ಕೇಂದ್ರ ಸಚಿವೆ ಸ್ಮೃತಿ ಇರಾನಿಯವರದ್ದು. ಅವರ ಬಹುತೇಕ ಟ್ವೀಟ್‌ಗಳನ್ನು ಹೆಚ್ಚು ಬಾರಿ ರಿಟ್ವೀಟ್‌ ಆಗಿವೆ. ಸ್ಮೃತಿ ಬಳಿಕ ಟ್ವಿಟರ್‌ನಲ್ಲಿ ಟ್ವೀಟಿಗರ ಅಚ್ಚುಮೆಚ್ಚು ಎಂದರೆ , ಪ್ರಿಯಾಂಕಾ ವಾದ್ರಾ ಅವರು. ದಿವಂಗತ ಬಿಜೆಪಿ ನಾಯಕಿ ಸುಷ್ಮಾ ಸ್ವರಾಜ್‌, ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌, ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ ಅವರ ಟ್ವಿಟರ್‌ ಖಾತೆಗಳು ಕ್ರಮವಾಗಿ ನಂತರದ ಸ್ಥಾನಗಳಲ್ಲಿವೆ.