ವಿಯೆಟ್ನಾಂಗೆ ಮೋದಿ ಭೇಟಿ: ಚೀನಾಗೆ ಎಚ್ಚರಿಕೆಯ ಗಂಟೆ

ಹೊಸದಿಲ್ಲಿ: ಜಿ-20 ಶೃಂಗಸಭೆಯಲ್ಲಿ ಪಾಲ್ಗೊಳ್ಳಲು ಪ್ರಧಾನಿ ಮೋದಿ ಚೀನಾಗೆ ತೆರಳುವ ಮಾರ್ಗ ಮಧ್ಯೆ, ಸೆ.3ರಂದು ವಿಯೆಟ್ನಾಂಗೆ ಭೇಟಿ ನೀಡಲಿದ್ದು, ಬೀಜಿಂಗ್‌ಗೆ ಎಚ್ಚರಿಕೆಯ ಗಂಟೆಯಾಗಲಿದೆ. ಆ ಮೂಲಕ ದಕ್ಷಿಣ ಏಷ್ಯಾದಲ್ಲಿ ಭಾರತದ ಉಪಸ್ಥಿತಿಯನ್ನು ವಿಶ್ವಕ್ಕೇ ತೋರಿಸುವಂಥ ನಡೆಗೆ ಭಾರತ ಮುಂದಾಗಿದೆ.

ಹನೋಯಿಯಲ್ಲಿ ಸೈನ್ಯಕ್ಕೆ ಆರ್ಥಿಕ ನೆರವು, ತರಬೇತಿ ಹಾಗೂ ಸ್ಥಾಪನೆಗೆ ಸಹಕಾರಿ ಸೇರಿ ಹೆಚ್ಚುವರಿ ಬೆಂಬಲವನ್ನು ನೀಡಲು ಭಾರತ ಮುಂದಾಗಿದೆ. ಹೈಡ್ರೋಕಾರ್ಬನ್ ಬ್ಲಾಕ್‌ಗಳಲ್ಲಿ ಲಾಭ ಪಡೆಯುವ ಉದ್ದೇಶದಿಂದ ಹೆಚ್ಚಿನ ಬಂಡವಾಳ ಹೂಡಲು ಭಾರತ ಆಸಕ್ತವಾಗಿದೆ.

2014ರ ಅಕ್ಟೋಬರ್‌ನಲ್ಲಿ ಪ್ರಧಾನಿ ವಿಯೆಟ್ನಾಂಗೆ ಭೇಟಿ ನೀಡಿದಾಗ ಭರವಸೆ ನೀಡಿದೆ, ಒಂದು ದಿನದ ಈ ಭೇಟಿಯಲ್ಲಿ ಮೋದಿ ವಿಯೆಟ್ನಾಂ ಸೈನ್ಯಕ್ಕೆ ನಾಲ್ಕು ಪೆಟ್ರೋಲ್ ದೋಣಿಗಳು ಕಳುಹಿಸುವ ಒಪ್ಪಂದಕ್ಕೆ ಸಹಿ ಮಾಡಲಿದ್ದಾರೆ. ಅಲ್ಲಿನ ಸೈನ್ಯ ಸಾಫ್ಟ್‌ವೇರ್ ಅಭಿವೃದ್ಧಿಗೆ ಭಾರತದಿಂದ ತಂತ್ರಜ್ಞರ ನೆರವು ನೀಡಲೂ ಭಾರತ ಮುಂದಾಗಲಿದೆ. ಆ ಮೂಲದ ಆಗ್ನೇಯ ಏಷ್ಯಾ ರಾಷ್ಟ್ರಗಳಲ್ಲಿ ಸೈನ್ಯ ಸ್ಥಾಪನೆಗೆ ಒತ್ತು ನೀಡಲಿದೆ.