ಟೆಲಿಕಾಂ ವಲಯದ ಮೇಲಿನ ಒತ್ತಡ ಇಳಿಕೆಗೆ ಮಹತ್ವದ ನಿರ್ಧಾರ ಪ್ರಕಟಿಸಿದ ಮೋದಿ ಸಂಪುಟ

ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ಬುಧವಾರ ನಡೆದ ಸಚಿವ ಸಂಪುಟ ಸಭೆಯಲ್ಲಿ ದೇಶದ ಟೆಲಿಕಾಂ ವಲಯದ ಮೇಲಿನ ಒತ್ತಡ ಇಳಿಕೆಗೆ ಮಹತ್ವದ ನಿರ್ಧಾರ ತೆಗೆದುಕೊಳ್ಳಲಾಗಿದೆ.

ತರಂಗಾಂತರ ಹರಾಜು ಶುಲ್ಕ ಬಾಕಿ ಪಾವತಿಗೆ ಟೆಲಿಕಾಂ ಕಂಪನಿಗಳಿಗೆ ಸರಕಾರ ಇನ್ನೂ ಎರಡು ವರ್ಷಗಳ ಕಾಲಾವಕಾಶ ನೀಡಿದೆ. ಸದ್ಯ ಬ್ಯಾಂಕ್‌ ಗ್ಯಾರಂಟಿ ನೀಡಿ, ಎರಡು ವರ್ಷಗಳಲ್ಲಿಸ್ಪೆಕ್ಟ್ರಂ ಹರಾಜು ಕಂತು ಪಾವತಿ ಮಾಡಿದರೆ ಸಾಕು ಎಂದು ಕಾರ್ಯದರ್ಶಿಗಳ ಸಮಿತಿ ಮಾಡಿದ್ದ ಶಿಫಾರಸನ್ನು ಸಂಪುಟ ಸಮಿತಿ ಅನುಮೋದಿಸಿದೆ ಎಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ಅವರು ಹೇಳಿದ್ದಾರೆ.

ಸದ್ಯ ಎರಡನೇ ತ್ರೈಮಾಸಿಕದಲ್ಲಿ 1 ಲಕ್ಷ ಕೋಟಿ ರೂ.ಗಿಂತ ಅಧಿಕ ಮೊತ್ತದ ನಷ್ಟವನ್ನು ತೋರಿಸಿರುವ ದೇಶದ ಪ್ರತಿಷ್ಠಿತ ಕಂಪನಿಗಳಿಗೆ ಸರಕಾರದ ಈ ನಡೆಯಿಂದ ರಿಲೀಫ್‌ ಸಿಗಲಿದೆ. ಲೈಸೆನ್ಸ್‌ ಶುಲ್ಕ, ಸ್ಪೆಕ್ಟ್ರಂ ಬಳಕೆ ಶುಲ್ಕ ಹಾಗೂ ಇತರ ಶುಲ್ಕಗಳು ಸೇರಿದಂತೆ ದೇಶದ ಟೆಲಿಕಾಂ ಕಂಪನಿಗಳು ಸರಕಾರಕ್ಕೆ ಸುಮಾರು 1.47 ಲಕ್ಷ ಕೋಟಿ ರೂ. ಪಾವತಿಸಬೇಕಿದೆ. ಇತ್ತೀಚಿನ ತೀರ್ಪಿನಲ್ಲಿ ಸುಪ್ರೀಂ ಕೋರ್ಟ್‌ ಟೆಲಿಕಾಂ ಕಂಪನಿಗಳು ಮೂರು ತಿಂಗಳೊಳಗೆ ಬಾಕಿ ಶುಲ್ಕ ಪಾವತಿಸುವಂತೆ ನಿರ್ದೇಶಿಸಿತ್ತು.

4ಜಿಗೆ ಹೆಚ್ಚಿದ ಬೇಡಿಕೆ: 3ಜಿ ತಂತ್ರಜ್ಞಾನ ಸ್ಧಗಿತಕ್ಕೆ ಏರ್‌ಟೆಲ್ ಚಾಲನೆ

ಬಿಪಿಸಿಎಲ್‌ ಖಾಸಗೀಕರಣ: ದೇಶದ ಇತಿಹಾಸದಲ್ಲಿಅತಿದೊಡ್ಡ ಖಾಸಗೀಕರಣ ಹೆಜ್ಜೆ ಎನಿಸಲಿರುವ ಭಾರತ್‌ ಪೆಟ್ರೋಲಿಯಂ ಕಾರ್ಪೊರೇಷನ್‌ ಲಿ. (ಬಿಪಿಸಿಎಲ್‌) ಸೇರಿದಂತೆ ಇತರ 4 ಸಾರ್ವಜನಿಕ ಉದ್ದಿಮೆಗಳನ್ನು ಖಾಸಗಿ ಸುಪರ್ದಿಗೆ ನೀಡುವ ಮಹತ್ವದ ನಿರ್ಧಾರಕ್ಕೆ ಸಂಪುಟ ಸಭೆಯಲ್ಲಿಸಮ್ಮತಿ ಸಿಕ್ಕಿದೆ. ಕೆಲವು ಸಾರ್ವಜನಿಕ ಉದ್ದಿಮೆಗಳಲ್ಲಿಸರಕಾರದ ಪಾಲನ್ನು ಶೇ. 51ಕ್ಕಿಂತ ಕಡಿಮೆಗೆ ಇಳಿಸಿ ಆದಾಯ ಹೆಚ್ಚಳಕ್ಕೂ ಕೂಡ ಸರಕಾರ ಚಿಂತಿಸಿದೆ.

ಸಾಮಾಜಿಕ ಜಾಲತಾಣ ಖಾತೆಗೆ ಆಧಾರ್‌ ಜೋಡಣೆ ಇಲ್ಲ: ನೆಟ್ಟಿಗರಿಗೆ ಕೇಂದ್ರ ಸರ್ಕಾರದಿಂದ ಗುಡ್‌ ನ್ಯೂಸ್!