ಸಿಹಿ ಕ್ರಾಂತಿಗೆ ಪ್ರಧಾನಿ ನರೇಂದ್ರ ಮೋದಿ ಕರೆ

ಅರ್ಮೆಲಿ: ದೇಶದಲ್ಲಿ ಇನ್ನು ಮುಂದೆ ಸಿಹಿ ಕ್ರಾಂತಿ ನಡೆಯಬೇಕು ಎಂದು ಪ್ರಧಾನಿ ನರೇಂದ್ರ ಮೋದಿ ಕರೆ ನೀಡಿದ್ದು, ಡೈರಿ ಉದ್ಯಮದಲ್ಲಿ ಜೇನು ಸಾಕಣೆ ಕೃಷಿಯನ್ಮು ಹೆಚ್ಚು ಅಭಿವೃದ್ದಿ ಪಡಿಸುವಂತೆ ಪ್ರಧಾನಿ ತಿಳಿಸಿದ್ದಾರೆ.

ಗುಜರಾತ್‌ನ ಅಮ್ರೆಲಿನಲ್ಲಿ ಏರ್ಪಡಿಸಿದ್ದ ಸತ್ಕಾರ್‌ ಸಮ್ಮೇಳನದಲ್ಲಿ ಮಾತನಾಡಿರುವ ಮೋದಿ, ಪ್ರತಿಯೊಬ್ಬ ರೈತ ತಮ್ಮ ತೋಟದಲ್ಲಿ ಕನಿಷ್ಠ 50 ಜೇನುನೊಣದ ಗೂಡನ್ನು ಇರಿಸಲು ಆರಂಭಿಸಿದರೆ, ವರ್ಷದಲ್ಲಿ ಎರಡು ಲಕ್ಷಕ್ಕೂ ಅಧಿಕ ಹಣವನ್ನು ಗಳಿಸಬಹುದು. ಹೀಗಾಗಿ ಹೆಚ್ಚಿನ ಸಂಖ್ಯೆಯಲ್ಲಿ ಈ ಕೃಷಿಯನ್ನು ಪೋಷಿಸಬೇಕು' ಎಂದು ಮೋದಿ ಆಗ್ರಹಿಸಿದ್ದಾರೆ.

ಅಲ್ಲದೇ ಕರಾವಳಿ ಪ್ರದೇಶಕ್ಕೂ ಹೆಚ್ಚಿನ ಒತ್ತು ನೀಡಿರುವುದಾಗಿ ಹೇಳಿರುವ ಮೋದಿ, ಗೋಗೋ ದೋಣಿ ಸೇವೆಯಂತಹ ಹೊಸ ಯೋಜನೆಗಳಿಂದ ಗುಜರಾತ್‌ ನೀಲಿ ಕ್ರಾಂತಿಯನ್ನೇ ಮಾಡಿದೆ. ಗೋಗೋ ಸೇವೆಯಿಂದ ಸ್ಥಳೀಯ ವ್ಯಾಪಾರಿಗಳು ಮತ್ತು ಕೈಗಾರಿಕೋಧ್ಯಮಿಗಳು ತಮ್ಮ ಸರಕನ್ನು ಬೇರೆಡೆಗೆ ಸಾಗಿಸಲು ಸುಲಭವಾಗಿದೆ' ಎಂದು ಮೋದಿ ಹೇಳಿದ್ದಾರೆ.

ಇದೇ ವೇಳೆ ಕೇಂದ್ರ ಶೀಘ್ರದಲ್ಲೇ ಮರದ ದಿಮ್ಮಿಗಳನ್ನು ಮಾರಾಟಮಾಡಲು ರೈತರು ಅರಣ್ಯ ಇಲಾಖೆಯ ಅನುಮತಿ ಪಡೆಯದೇ ಮಾರಾಟ ಮಾಡುವ ಕಾನೂನನ್ನು ತರಲಾಗುವುದು ಎಂದು ಹೇಳಿರುವ ಪ್ರಧಾನಿ, ಈ ಕಾನೂನು ಜಾರಿದಾಯಾದ ಬಳಿಕ ರೈತರು ತಮ್ಮ ನೆಲದಲ್ಲಿ ತುಂಡಿರಿಸಿದ ದಿಮ್ಮಿಗಳನ್ನು ಮಾರಾಟ ಮಾಡಿ ಅಧಿಕ ಗಳಿಕೆ ಮಾಡಬಹುದು ಎಂದಿದ್ದಾರೆ.

pm narendra modi calls for sweet revolution in the country