ವಾರಾಣಸಿಯಲ್ಲಿ 550 ಕೋಟಿ ರೂ. ವೆಚ್ಚದ ಯೋಜನೆಗಳಿಗೆ ಚಾಲನೆ ನೀಡಿದ ಪ್ರಧಾನಿ

ವಾರಾಣಸಿ: ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ತಮ್ಮ ಲೋಕಸಭಾ ಕ್ಷೇತ್ರವಾದ ವಾರಾಣಸಿಯಲ್ಲಿ 550 ಕೋಟಿ ರೂಪಾಯಿ ವೆಚ್ಚದ ವಿವಿಧ ಅಭಿವೃದ್ಧಿ ಯೋಜನೆಗಳಿಗೆ ಚಾಲನೆ ನೀಡಿದರು.

ಪುರಾನಿ ಕಾಶಿಯ ಸಂಯೋಜಿತ ವಿದ್ಯುತ್ ಅಭಿವೃದ್ಧಿ ಯೋಜನೆ (ಐಪಿಡಿಎಸ್) ಹಾಗೂ ಬನಾರಸ್ ಹಿಂದೂ ವಿಶ್ವವಿದ್ಯಾಲಯದ ಅಟಲ್ ಇನ್‌ಕ್ಯೂಬೇಷನ್ ಕೇಂದ್ರ ಈ ಯೋಜನೆಯಲ್ಲಿ ಸೇರಿವೆ.

ಬನಾರಸ್ ಹಿಂದೂ ವಿಶ್ವವಿದ್ಯಾಲಯದ ಪ್ರಾದೇಶಿಕ ನೇತ್ರಶಾಸ್ತ್ರ ವಿಭಾಗದಲ್ಲಿ ಈ ಯೋಜನೆಗಳಿಗೆ ಶಿಲಾನ್ಯಾಸ ನೆರವೇರಿಸಲಾಯಿತು.

550 ಕೋಟಿ ರೂ. ಮೌಲ್ಯದ ಯೋಜನೆಯನ್ನು ವಾರಾಣಸಿಯ ಜನತೆಗೆ ಸಮರ್ಪಿಸುತ್ತೇನೆ. ಇಂದು ಚಾಲನೆ ಸಿಕ್ಕಿರುವ ಈ ಕಾಮಗಾರಿಯಿಂದ ಕೇವಲ ವಾರಾಣಸಿ ಮಾತ್ರವಲ್ಲ ಸುತ್ತಮುತ್ತಲ ಪ್ರದೇಶದ ಜನತೆಗೂ ಉಪಯೋಗವಾಗಲಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ತಿಳಿಸಿದರು.