ಮೋದಿ ಮನ್ ಕಿ ಬಾತ್‌ಗೆ ಮೂರು ವರ್ಷ

ಹೊಸದಿಲ್ಲಿ: ಜನರ ಜತೆ ಕುಶಲೋಪರಿ ನಡೆಸಬೇಕೆಂಬ ಉದ್ದೇಶದಿಂದ ಆರಂಭಿಸಲಾದ ಮನ್‌ ಕಿ ಬಾತ್‌ ಈಗ ಮೂರು ವರ್ಷಗಳನ್ನು ಪೂರೈಸಿದೆ. ಇದು ನಿಜಕ್ಕೂ ಅತ್ಯುತ್ತಮ ಮಾಧ್ಯಮವಾಗಿ ಹೊರಹೊಮ್ಮಿದೆ ಎಂದು ಪ್ರಧಾನಮಂತ್ರಿ ನರೇಂದ್ರ ಮೋದಿ ತಿಳಿಸಿದ್ದಾರೆ.

ಆಕಾಶವಾಣಿಯಲ್ಲಿ ಮನ್‌ ಕಿ ಬಾತ್‌ ಭಾಷಣ ಮಾಡಿದ ಮೋದಿ ಮೂರು ವರ್ಷಗಳ ಹಿಂದಿನ ಮೆಲಕುಗಳನ್ನು ಹಾಕಿದರು.

ಅಭಿವೃದ್ಧಿ, ಸದೃಢ ಹಾಗೂ ನವ ಭಾರತವನ್ನು ನಿರ್ಮಾಣ ಮಾಡಲು ನಾವು ಹಲವಾರು ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದ್ದೇವೆ. ಅದರಲ್ಲಿ ಮನ್‌ ಕಿ ಬಾತ್‌ ಕೂಡ ಒಂದು ಎಂದು ಮೋದಿ ಹೇಳಿದರು.

ಮನ್‌ ಕಿ ಬಾತ್‌ ಆರಂಭಿಸಿದಾಗ ಟೀಕಿಸಿದವರು ಹಾಗೂ ಈಗಳು ಟೀಕಿಸುತ್ತಿರುವವರು ಹಲವಾರು ಮಂದಿ ಇದ್ದಾರೆ. ಆದರೆ ಕೋಟ್ಯಂತರ ಜನರು ತಮ್ಮ ಅಭಿಪ್ರಾಯಗಳನ್ನು ಈ ಮೂರು ವರ್ಷದಲ್ಲಿ ನನ್ನೊಂದಿಗೆ ಹಂಚಿಕೊಂಡಿದ್ದಾರೆ. ಇದು ಯಶಸ್ವಿಯಾಗಿದೆಯೋ ಇಲ್ಲವೋ ಎಂಬುದನ್ನು ಇದೇ ನಿರ್ಧರಿಸಲಿ ಎಂದು ಮೋದಿ ಹೇಳಿದರು.

ಜನರ ಅನಿಸಿಕೆ, ಅಭಿಪ್ರಾಯ, ಸಲಹೆಗಳು ಹಲವಾರು ರೀತಿಯಲ್ಲಿ ಹರಿದುಬರುತ್ತಿವೆ. ಅವುಗಳನ್ನು ಮನ್‌ ಕಿ ಬಾತ್‌ನಲ್ಲಿ ಹಲವಾರು ಬಾರಿ ಪ್ರಸ್ತಾವಿಸಿದ್ದೇನೆ ಎಂದರು.

ಇಡೀ ದೇಶದ ನಾಗರಿಕರ ಜತೆ ಬೆರೆಯಲು ಇದೊಂದು ಅದ್ಭುತ ಅವಕಾಶ. ನಾಗರಿಕರಿಗೂ ಇದೊಂದು ವೇದಿಕೆಯಾಗಿದೆ ಎಂದು ಮೋದಿ ವಿವರಿಸಿದ್ದಾರೆ.

PM Narendra Modi's 36th edition of Mann ki Baat