ಅಹಮದಾಬಾದ್: ತಮ್ಮ ತಾಯಿ ಹಿರಾಬೆನ್ ಅವರ 99ನೇ ಜನ್ಮದಿನ ಸಂದರ್ಭದಲ್ಲಿ ಬರೆದ ಬ್ಲಾಗ್ನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ನೆನಪಿಸಿಕೊಂಡಿದ್ದ ಬಾಲ್ಯ ಸ್ನೇಹಿತ ಅಬ್ಬಾಸ್ ಅವರು ಕೊನೆಗೂ ಸಿಕ್ಕಿದ್ದಾರೆ. ಸದ್ಯ ಅಬ್ಬಾಸ್ ಅವರು ಕುಟುಂಬ ಸಮೇತ ಆಸ್ಟ್ರೇಲಿಯಾದಲ್ಲಿ ನೆಲೆಸಿದ್ದಾರೆ ಎಂದು ರಾಷ್ಟ್ರೀಯ ಮಾಧ್ಯಮಗಳು ವರದಿ ಮಾಡಿದೆ. 70ರ ದಶಕದಲ್ಲಿ ತನ್ನ ಮನೆಯಲ್ಲೇ ಇದ್ದು ಅಬ್ಬಾಸ್ ರಾಮ್ದಾಸ ಅವರು ಓದು ಪೂರೈಸಿದ್ದರು. ಈದ್ ಹಬ್ಬದಂದು ನನ್ನ ತಾಯಿ ಅಬ್ಬಾಸ್ಗೆ ಪ್ರಿಯವಾದ ಭಕ್ಷ್ಯಗಳನ್ನು ತಯಾರಿಸುತ್ತಿದ್ದರು ಎಂದು ಪ್ರಧಾನಿ ಮೋದಿ ತಮ್ಮ ಬ್ಲಾಗ್ನಲ್ಲಿ ಉಲ್ಲೇಖಿಸಿದ್ದರು.
ಪ್ರಧಾನಿಯವರ ಈ ಮುಸ್ಲಿಂ ಬಾಲ್ಯ ಸ್ನೇಹಿತನ ಬಗ್ಗೆ ಸಾಕಷ್ಟು ಚರ್ಚೆಗಳು, ತಮಾಷೆಗಳು ಸಾಮಾಜಿಕ ಜಾಲತಾಣದಲ್ಲಿ ಸಾಗಿದ್ದವು. ಇದೀಗ ಅವರು ಆಸ್ಟ್ರೇಲಿಯದಲ್ಲಿದ್ದಾರೆ ಎನ್ನುವ ಸುದ್ದಿಯನ್ನು ರಾಷ್ಟ್ರೀಯ ವಾಹಿನಿಗಳು ವರದಿ ಮಾಡಿವೆ.
ಅಬ್ಬಾಸ್ ಅವರು ಪ್ರಧಾನಿ ಮೋದಿಯವರ ಕಿರಿಯ ಸಹೋದರ ಪಂಕಜ್ ಮೋದಿ ಅವರ ಸ್ನೇಹಿತ. ಅಬ್ಬಾಸ್ ಅವರು ಮೋದಿ ಕುಟುಂಬದ ಅವಿಭಾಜ್ಯ ಸದಸ್ಯರಾಗಿದ್ದರು ಎಂದು ಗುಜರಾತ್ ನ್ಯಾಯಬೆಲೆ ಅಂಗಡಿಗಳ ಮಾಲೀಕರ ಸಂಘದ ಅಧ್ಯಕ್ಷ ಹಾಗೂ ಪ್ರಧಾನಿ ಸಹೋದರ ಪ್ರಹ್ಲಾದ್ ಮೋದಿ ಹೇಳಿದ್ದಾರೆ.
'ಅಬ್ಬಾಸ್ ಗುಜರಾತ್ನ ಮೆಹ್ಸಾನಾ ಜಿಲ್ಲೆಯ ವಡ್ನಾಗರ್ನ ಸಮೀಪದ ಕೇಸಿಂಪ ಗ್ರಾಮದವರು. ವಡ್ನಾಗರ್ನ ಬಿಎಸ್ ಹೈಸ್ಕೂಲಿನಲ್ಲಿ ಸಹೋದರ ಪಂಕಜ್ ಮೋದಿ ಅವರೊಂದಿಗೆ ಅಬ್ಬಾಸ್ ಕೂಡ ಓದುತ್ತಿದ್ದರು. ತಂದೆಯ ಮರಣದಿಂದಾಗಿ ಅಬ್ಬಾಸ್ ಓದು ಮೊಟಕುಗೊಳಿಸಲಿದ್ದಾರೆ ಎಂದು ಗೊತ್ತಾದಾಗ, ಅಬ್ಬಾಸ್ ಅವರ ಓದು ಮುಂದುವರಿಸಲು ಏನಾದರೂ ಮಾಡಿ ಎಂದು ಪಂಕಜ್ ತಮ್ಮ ಪೋಷಕರಲ್ಲಿ ವಿನಂತಿ ಮಾಡಿಕೊಂಡಿದ್ದರು. ಈ ವೇಳೆ ಯಾವುದೇ ಹಿಂಜರಿಕೆ ಇಲ್ಲದೇ ನನ್ನ ತಂದೆಯವರು ಅಬ್ಬಾಸ್ ಅವರನ್ನು ತಮ್ಮ ಮನೆಗೆ ಕೆರೆದುಕೊಂಡು ಬಂದು ವಿದ್ಯಾಭ್ಯಾಸ ಮಾಡಿಸಿದ್ದರು. ವಿದ್ಯಾಭ್ಯಾಸ ಮುಗಿಯುವ ವರೆಗೂ ಅಬ್ಬಾಸ್ ನಮ್ಮ ಮನೆಯಲ್ಲೇ ಉಳಿದುಕೊಂಡಿದ್ದರು' ಎಂದು ಪ್ರಹ್ಲಾದ್ ಮೋದಿ ಮಾಹಿತಿ ನೀಡಿದ್ದಾರೆ.
ಅಬ್ಬಾಸ್ ಅವರು ಪ್ರಧಾನಿ ಮೋದಿ ಕುಟುಂಬದೊಂದಿಗೆ ಸುಮಾರು ನಾಲ್ಕು ವರ್ಷ ವಾಸ ಮಾಡಿದ್ದರು. ಈ ಅವಧಿಯಲ್ಲಿ ತಮ್ಮ ಧಾರ್ಮಿಕ ವಿಧಿಗಳನ್ನು ನಿರ್ವಹಿಸಲು ಅಬ್ಬಾಸ್ ಅವರಿಗೆ ಯಾವುದೇ ನಿರ್ಬಂಧ ಇರಲಿಲ್ಲ. ಅಬ್ಬಾಸ್ ಪ್ರಧಾನಿ ಮೋದಿ ಅವರ ಮನೆಯಲ್ಲೇ ನಮಾಜ್ ಮಾಡುತ್ತಿದ್ದರು. ಈ ಘಟನೆಗಳೆಲ್ಲಾ ನಡೆದಿದ್ದು 70ರ ದಶಕದಲ್ಲಿ ಆದಿಯಲ್ಲಿ ಎನ್ನುವುದು ಪ್ರಹ್ಲಾದ್ ಮೋದಿಯವರ ಮಾತು.
'ನಮ್ಮ ಕುಟುಂಬ ಯಾವತ್ತೂ ಧಾರ್ಮಿಕ ಸಹಿಷ್ಣುತೆ ಮೇಲೆ ನಂಬಿಕೆ ಇರಿಸಿತ್ತು. ಅಬ್ಬಾಸ್ ನಮಗೆ ಕಿರಿಯ ಸಹೋದರನಂತೆ ಇದ್ದರು. ಅಬ್ಬಾಸ್ ನವರಾತ್ರಿ ವೇಳೆಯಲ್ಲಿ ಗಾರ್ಬಾ ನೃತ್ಯ ಮಾಡುತ್ತಿದ್ದರು. ಓದು ಮುಗಿಸಿದ ಬಳಿಕ ಅವರು ಸರ್ಕಾರಿ ಉದ್ಯೋಗ ಸೇರಿಕೊಂಡರು. ಕೆಲ ವರ್ಷಗಳ ಹಿಂದಷ್ಟೇ ಅವರು ಗುಜರಾತ್ ನಾಗರಿಕ ಸರಬಾರಜು ನಿಗಮದ ಪ್ರಬಂಧಕರಾಗಿ ನಿವೃತ್ತಿ ಹೊಂದಿದ್ದಾರೆ. ಈಗ ಅವರು ತನ್ನ ಮಗನೊಂದಿಗೆ ಆಸ್ಟ್ರೇಲಿಯಾದಲ್ಲಿ ನೆಲೆಸಿದ್ದಾರೆ' ಎಂದು ಪ್ರಹ್ಲಾದ್ ಮೋದಿ ಹೇಳಿದ್ದಾರೆ.
ಪ್ರಧಾನಿಯವರ ಈ ಮುಸ್ಲಿಂ ಬಾಲ್ಯ ಸ್ನೇಹಿತನ ಬಗ್ಗೆ ಸಾಕಷ್ಟು ಚರ್ಚೆಗಳು, ತಮಾಷೆಗಳು ಸಾಮಾಜಿಕ ಜಾಲತಾಣದಲ್ಲಿ ಸಾಗಿದ್ದವು. ಇದೀಗ ಅವರು ಆಸ್ಟ್ರೇಲಿಯದಲ್ಲಿದ್ದಾರೆ ಎನ್ನುವ ಸುದ್ದಿಯನ್ನು ರಾಷ್ಟ್ರೀಯ ವಾಹಿನಿಗಳು ವರದಿ ಮಾಡಿವೆ.
ಅಬ್ಬಾಸ್ ಅವರು ಪ್ರಧಾನಿ ಮೋದಿಯವರ ಕಿರಿಯ ಸಹೋದರ ಪಂಕಜ್ ಮೋದಿ ಅವರ ಸ್ನೇಹಿತ. ಅಬ್ಬಾಸ್ ಅವರು ಮೋದಿ ಕುಟುಂಬದ ಅವಿಭಾಜ್ಯ ಸದಸ್ಯರಾಗಿದ್ದರು ಎಂದು ಗುಜರಾತ್ ನ್ಯಾಯಬೆಲೆ ಅಂಗಡಿಗಳ ಮಾಲೀಕರ ಸಂಘದ ಅಧ್ಯಕ್ಷ ಹಾಗೂ ಪ್ರಧಾನಿ ಸಹೋದರ ಪ್ರಹ್ಲಾದ್ ಮೋದಿ ಹೇಳಿದ್ದಾರೆ.
'ಅಬ್ಬಾಸ್ ಗುಜರಾತ್ನ ಮೆಹ್ಸಾನಾ ಜಿಲ್ಲೆಯ ವಡ್ನಾಗರ್ನ ಸಮೀಪದ ಕೇಸಿಂಪ ಗ್ರಾಮದವರು. ವಡ್ನಾಗರ್ನ ಬಿಎಸ್ ಹೈಸ್ಕೂಲಿನಲ್ಲಿ ಸಹೋದರ ಪಂಕಜ್ ಮೋದಿ ಅವರೊಂದಿಗೆ ಅಬ್ಬಾಸ್ ಕೂಡ ಓದುತ್ತಿದ್ದರು. ತಂದೆಯ ಮರಣದಿಂದಾಗಿ ಅಬ್ಬಾಸ್ ಓದು ಮೊಟಕುಗೊಳಿಸಲಿದ್ದಾರೆ ಎಂದು ಗೊತ್ತಾದಾಗ, ಅಬ್ಬಾಸ್ ಅವರ ಓದು ಮುಂದುವರಿಸಲು ಏನಾದರೂ ಮಾಡಿ ಎಂದು ಪಂಕಜ್ ತಮ್ಮ ಪೋಷಕರಲ್ಲಿ ವಿನಂತಿ ಮಾಡಿಕೊಂಡಿದ್ದರು. ಈ ವೇಳೆ ಯಾವುದೇ ಹಿಂಜರಿಕೆ ಇಲ್ಲದೇ ನನ್ನ ತಂದೆಯವರು ಅಬ್ಬಾಸ್ ಅವರನ್ನು ತಮ್ಮ ಮನೆಗೆ ಕೆರೆದುಕೊಂಡು ಬಂದು ವಿದ್ಯಾಭ್ಯಾಸ ಮಾಡಿಸಿದ್ದರು. ವಿದ್ಯಾಭ್ಯಾಸ ಮುಗಿಯುವ ವರೆಗೂ ಅಬ್ಬಾಸ್ ನಮ್ಮ ಮನೆಯಲ್ಲೇ ಉಳಿದುಕೊಂಡಿದ್ದರು' ಎಂದು ಪ್ರಹ್ಲಾದ್ ಮೋದಿ ಮಾಹಿತಿ ನೀಡಿದ್ದಾರೆ.
ಅಬ್ಬಾಸ್ ಅವರು ಪ್ರಧಾನಿ ಮೋದಿ ಕುಟುಂಬದೊಂದಿಗೆ ಸುಮಾರು ನಾಲ್ಕು ವರ್ಷ ವಾಸ ಮಾಡಿದ್ದರು. ಈ ಅವಧಿಯಲ್ಲಿ ತಮ್ಮ ಧಾರ್ಮಿಕ ವಿಧಿಗಳನ್ನು ನಿರ್ವಹಿಸಲು ಅಬ್ಬಾಸ್ ಅವರಿಗೆ ಯಾವುದೇ ನಿರ್ಬಂಧ ಇರಲಿಲ್ಲ. ಅಬ್ಬಾಸ್ ಪ್ರಧಾನಿ ಮೋದಿ ಅವರ ಮನೆಯಲ್ಲೇ ನಮಾಜ್ ಮಾಡುತ್ತಿದ್ದರು. ಈ ಘಟನೆಗಳೆಲ್ಲಾ ನಡೆದಿದ್ದು 70ರ ದಶಕದಲ್ಲಿ ಆದಿಯಲ್ಲಿ ಎನ್ನುವುದು ಪ್ರಹ್ಲಾದ್ ಮೋದಿಯವರ ಮಾತು.
'ನಮ್ಮ ಕುಟುಂಬ ಯಾವತ್ತೂ ಧಾರ್ಮಿಕ ಸಹಿಷ್ಣುತೆ ಮೇಲೆ ನಂಬಿಕೆ ಇರಿಸಿತ್ತು. ಅಬ್ಬಾಸ್ ನಮಗೆ ಕಿರಿಯ ಸಹೋದರನಂತೆ ಇದ್ದರು. ಅಬ್ಬಾಸ್ ನವರಾತ್ರಿ ವೇಳೆಯಲ್ಲಿ ಗಾರ್ಬಾ ನೃತ್ಯ ಮಾಡುತ್ತಿದ್ದರು. ಓದು ಮುಗಿಸಿದ ಬಳಿಕ ಅವರು ಸರ್ಕಾರಿ ಉದ್ಯೋಗ ಸೇರಿಕೊಂಡರು. ಕೆಲ ವರ್ಷಗಳ ಹಿಂದಷ್ಟೇ ಅವರು ಗುಜರಾತ್ ನಾಗರಿಕ ಸರಬಾರಜು ನಿಗಮದ ಪ್ರಬಂಧಕರಾಗಿ ನಿವೃತ್ತಿ ಹೊಂದಿದ್ದಾರೆ. ಈಗ ಅವರು ತನ್ನ ಮಗನೊಂದಿಗೆ ಆಸ್ಟ್ರೇಲಿಯಾದಲ್ಲಿ ನೆಲೆಸಿದ್ದಾರೆ' ಎಂದು ಪ್ರಹ್ಲಾದ್ ಮೋದಿ ಹೇಳಿದ್ದಾರೆ.