ಗುಜರಾತ್‌: 5 ಲಕ್ಷಕ್ಕೂ ಅಧಿಕ ಔಷಧ ಗಿಡಗಳಿರುವ ಆರೋಗ್ಯ ವನ ಉದ್ಘಾಟಿಸಿದ ಪ್ರಧಾನಿ ಮೋದಿ, ಹೇಗಿದೆ ವನ?

ಅಹಮದಾಬಾದ್‌: ತನ್ನ ತವರೂರಾದ ಗುಜರಾತ್‌ಗೆ ಪ್ರಧಾನಿ ಮೋದಿ ಶುಕ್ರವಾರ ಮುಂಜಾನೆ ತೆರಳಿದ್ದಾರೆ. ಎರಡು ದಿನಗಳ ಪ್ರವಾಸ ಹಿನ್ನೆಲೆ ಇಲ್ಲಿಗೆ ಆಗಮಿಸಿದ ಪ್ರಧಾನಿ ಮೋದಿ ವಿವಿಧ ಯೋಜನೆಗಳಿಗೆ ಚಾಲನೆ ನೀಡಲಿದ್ದಾರೆ. ಈಗಾಗಲೇ 50 ಲಕ್ಷಕ್ಕೂ ಅಧಿಕ ಔಷಧ ಗಿಡಗಳಿಗಿರುವ ಆರೋಗ್ಯ ವನವನ್ನು ಪ್ರಧಾನಿ ಮೋದಿ ಉದ್ಘಾಟಿಸಿದರು.


ನರ್ಮದಾ ಜಿಲ್ಲೆಯ ಕೆವಾಡಿಯಾದಲ್ಲಿ ನಿರ್ಮಾಣವಾಗಿರುವ ಆರೋಗ್ಯ ವನಕ್ಕೆ ಚಾಲನೆ ನೀಡಿದ ಪ್ರಧಾನಿ ಮೋದಿ, ಬಳಿಕ ಔಷಧಿ ಗಿಡಗಳಿರುವ ವನ ವೀಕ್ಷಣೆಗೆ ತೆರಳಿದರು. ಸುಮಾರು 17 ಎಕರೆಯಲ್ಲಿ ಈ ಆರೋಗ್ಯ ವನ ನಿರ್ಮಾಣವಾಗಿದ್ದ, ಔಷಧೀಯ ಸಸ್ಯಗಳು ಹಾಗೂ ಗಿಡಮೂಲಿಗಳ ಇಲ್ಲಿ ಇರಲಿದೆ. ಇಲ್ಲಿಗೆ ಭೇಟಿ ನೀಡುವ ಪ್ರವಾಸಿಗರಿಗೆ ಇದರ ಉಪಯೋಗ ಹಾಗೂ ಅದರ ಮಹತ್ವದ ಬಗ್ಗೆ ತಿಳಿಸಿಕೊಡಲಾಗುತ್ತದೆ.


ಜೊತೆಗೆ ಹಲವು ಸಂಶೋಧನೆಯನ್ನು ಕೂಡ ಇಲ್ಲಿ ಕೈಗೊಳ್ಳಲಾಗುತ್ತದೆ. ಇನ್ನು ಕಾರ್ಯಕ್ರಮದ ವೇಳೆ ಗುಜರಾತ್‌ ಸಿಎಂ ವಿಜಯ್‌ ರೂಪಾನಿ ಹಾಗೂ ರಾಜ್ಯಪಾಲ ಆಚಾರ್ಯ ದೇವವ್ರತ್ ಉಪಸ್ಥಿತರಿದ್ದರು. ಇನ್ನು ಶುಕ್ರವಾರ ಬೆಳಗ್ಗೆ ಮೊದಲು ಏರ್‌ಪೋರ್ಟ್‌ಗೆ ಆಗಮಿಸಿದ ಪ್ರಧಾನಿ ಮೋದಿಗೆ ಹಲವು ಗಣ್ಯರು ಭವ್ಯ ಸ್ವಾಗತ ನೀಡಿದರು.

#VocalForLocal:ಭಾರತೀಯ ತಳಿಯ ಶ್ವಾನಗಳಿಗೆ ಎನ್‌ಡಿಆರ್‌ಎಫ್‌ನಿಂದ ತರಬೇತಿ, ಲೋಕಲ್‌ ನಾಯಿಗಳ ಸಾಮರ್ಥ್ಯ ಇಲ್ಲಿದೆ!

ನಂತರ ಪ್ರಧಾನಿ ಮೋದಿ ಗುರುವಾರ ನಿಧನರಾದ ಬಿಜೆಪಿಯ ಹಿರಿಯ ನಾಯಕ ಹಾಗೂ ಗುಜರಾತ್‌ ಮಾಜಿ ಮುಖ್ಯಮಂತ್ರಿ ಕೇಶುಭಾಯ್‌ ಪಟೇಲ್‌ ನಿವಾಸಕ್ಕೆ ತೆರಳಿ ಕುಟುಂಬಸ್ಥರಿಗೆ ಸಾಂತ್ವನ ಹೇಳಿದರು. ಆರೋಗ್ಯ ವನ ಉದ್ಘಾಟನೆ ಬಳಿಕ ಮೋದಿ,
ಕೆವಾಡಿಯಾದಲ್ಲಿ ಹೊಸದಾಗಿ ಆರಂಭವಾದ ಏಕ್ತಾ ಮಾಲ್‌ನ್ನು ಉದ್ಘಾಟಿಸಿದರು. ಇದು ಭಾರತದ ವೈವಿಧ್ಯಮಯ ಕರಕುಶಲ ಸಂಸ್ಕೃತಿಯನ್ನು ಬಿಂಬಿಸುವ ಒಂದು ಮಾಲ್‌ ಆಗಿದೆ. ಇನ್ನು ಎರಡು ದಿನಗಳ ಪ್ರವಾಸದ ವೇಳೆ ಪ್ರಧಾನಿ ಮೋದಿ ಕೆಲ ಯೋಜನೆಗಳಿಗೆ ಚಾಲನೆ ನೀಡಲಿದ್ದಾರೆ.