ಶಿಮ್ಲಾಗೆ 'ಶ್ಯಾಮಲಾ' ಎಂದು ಮರು ನಾಮಕರಣ ಮಾಡಿ

ಶಿಮ್ಲಾ: ಗುರ್ಗಾಂವ್ ಮತ್ತು ಮೇವತ್‌ಗಳ ಮರು ನಾಮಕರಣ ಬೇಡಿಕೆಯ ಬಳಿಕ ಇದೀಗ ವಿಶ್ವಹಿಂದೂ ಪರಿಷತ್ ಈಶಾನ್ಯ ರಾಜ್ಯ ಹಿಮಾಚಲ ಪ್ರದೇಶದ ಶಿಮ್ಲಾಗೆ 'ಶ್ಯಾಮಲಾ' ಎಂದು ಮರು ನಾಮಕರಣ ಮಾಡುವಂತೆ ಆಗ್ರಹಿಸಿದೆ.

ರಾಜ್ಯದ ಚಾರಿತ್ರಿಕ ಸ್ಥಳಗಳ ಹೆಸರು ಬದಲಿಸಬೇಕು. ಈ ನಿಟ್ಟಿನಲ್ಲಿ ರಾಜ್ಯ ಮತ್ತು ಖೇಂದ್ರ ಸರಕಾರಗಳು ಕಾರ್ಯಪ್ರವೃತ್ತವಾಗಬೇಕು ಎಂದು ವಿಎಚ್‌ಪಿ ಸಂಘಟನಾ ಕಾರ್ಯದರ್ಶಿ ಮನೋಜ್ ಕುಮಾರ್ ಅವರು ಹಿಮಾಚಲ ಪ್ರದೇಶದ ರಾಜ್ಯಪಾಲ ಆಚಾರ್ಯ ದೇವವ್ರತ್ ಅವರನ್ನು ಕೋರಿದ್ದಾರೆ.

ಶ್ಯಾಮಲಾ ಎಂದರೆ ನೀಲಿ ಮಹಿಳೆ ಎಂಬ ಅರ್ಥವಿದ್ದು, ಕಾಳಿ ದೇವಿ ಎಂದೂ ಹೇಳಲಾಗುತ್ತಿದ್ದು, ಕಾಳಿ ದೇವಾಲಯವೂ ಇಲ್ಲಿದೆ. ಶ್ಯಾಮಲಾ ಎಂದರೆ ಬ್ಲ್ಯು ಹೌಸ್‌ ಎಂಬ ಅರ್ಥವಿದೆ. ಅದು ಜಕು ಪರ್ವತಪ್ರದೇಶದಲ್ಲಿರುವ ಹನುಮಂತ ದೇಗುಲ ಎಂಬ ಮತ್ತೊಂದು ವಾದವೂ ಇದೆ.

ಶಿಮ್ಲಾವು ಬ್ರಿಷರ ಕಾಲದಲ್ಲಿ ಬೇಸಿಗೆ ರಾಜಧಾನಿಯಾಗಿ ರೂಪುಗೊಂಡಿತ್ತು.