ಪ್ರವೀಣ್‌ ತೊಗಾಡಿಯಾ ಸೋದರನ ಕೊಲೆ

ಸೂರತ್‌: ವಿಶ್ವ ಹಿಂದೂ ಪರಿಷದ್‌ ಅಧ್ಯಕ್ಷ ಪ್ರವೀಣ್‌ ತೊಗಾಡಿಯಾ ಅವರ ಸೋದರ ಸಂಬಂಧಿ ಭರತ್‌ ತೊಗಾಡಿಯಾ ಹಾಗೂ ಇತರ ಇಬ್ಬರನ್ನು ದುಷ್ಕರ್ಮಿಗಳು ಶನಿವಾರ ಇರಿದು ಕೊಂದಿದ್ದಾರೆ.

ಸೂರತ್‌ ಪಾಲಿಕೆಯ ಪ್ರತಿಪಕ್ಷದ ನಾಯಕ, ಕಾಂಗ್ರೆಸ್‌ ಅಭ್ಯರ್ಥಿ ಪ್ರಫುಲ್‌ ತೊಗಾಡಿಯಾ ಅವರ ಸೋದರ ಕೊಲೆಯಾದ ಭರತ್‌.

ಬಾಬು ಹಿರಾನಿ ಹಾಗೂ ಅಶೋಕ್ ಪಟೇಲ್‌ ಕೊಲೆಯಾದ ಇನ್ನಿಬ್ಬರು. ಮಹೇಶ್‌ ರಾಡಾಡಿಯಾ ಎಂಬುವವರಿಗೂ ಘಟನೆಯಲ್ಲಿ ಗಂಭೀರ ಗಾಯಗಳಾಗಿವೆ.

ಸೂರತ್‌ ಪೊಲೀಸರು ಈ ಘಟನೆ ಸಂಬಂಧ ತನಿಖೆ ಆರಂಭಿಸಿದ್ದು, ಆರೋಪಿಗಳ ಪತ್ತೆಗೆ ಶೋಧ ಕಾರ್ಯಾಚರಣೆ ನಡೆಸಿದ್ದಾರೆ. ಸೂರತ್‌ನಿಂದ ಹೊರಹೋಗುವ, ಒಳ ಬರುವ ಮಾರ್ಗಗಳಲ್ಲಿ ತಪಾಸಣೆ ನಡೆಸಲಾಗಿದೆ.