ಯೋಗ ವಿಶ್ವಕ್ಕೆ ಭಾರತದ ಅದ್ಭುತ ಕೊಡುಗೆ: ರಾಷ್ಟ್ರಪತಿಗಳಿಂದ ಯೋಗ ಪ್ರದರ್ಶನ

ನವದೆಹಲಿ: ಯೋಗ ಇಡೀ ಮುನುಕುಲಕ್ಕೆ ಭಾರತ ನೀಡಿದ ಅದ್ಭುತ ಕೊಡುಗೆ ಎಂದು ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಅಭಿಪ್ರಾಯಪಟ್ಟಿದ್ದಾರೆ.

ಅಂತಾರಾಷ್ಟ್ರೀಯ ಯೋಗ ದಿನದ ಅಂಗವಾಗಿ ರಾಷ್ಟ್ರಪತಿ ಭವನದಲ್ಲಿ ಯೋಗ ಪ್ರದರ್ಶನ ಮಾಡಿದ ರಾಮನಾಥ್ ಕೋವಿಂದ್, ದೇಶವಾಸಿಗಳಿಗೆ ಆರನೇ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆಯ ಶುಭಾಶಯ ತಿಳಿಸಿದರು.

ಲಡಾಖ್ ಗಡಿಯಲ್ಲಿ ಯೋಧರಿಂದ ಯೋಗ: ಸದೃಢರ ಕೈಯಲ್ಲಿ ಸುರಕ್ಷಿತ ನಮ್ಮ ಗಡಿ ಜಾಗ!

ಯೋಗ ಜ್ಞಾನ ಇಡೀ ವಿಶ್ವಕ್ಕೆ ಭಾರತ ನೀಡಿದ ಅದ್ಭುತ ಕೊಡುಗೆ ಎಂದು ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಈ ವೇಳೆ ಅಭಿಪ್ರಾಯಪಟ್ಟರು. ಶತಶತಮಾನಗಳಿಂದ ಮಾನವ ಕಲ್ಯಾಣಕ್ಕಾಗಿ ಈ ಜ್ಞಾನವನ್ನು ಹಂಚಿಕೊಂಡು ಬಂದಿರುವುದು ನಮ್ಮ ಸೌಭಾಗ್ಯ ಎಂದು ಅವರು ನುಡಿದರು.



ಯೋಗ ಕೇವಲ ದೈಹಿಕ ಹಾಗೂ ಮಾನಸಿಕ ಸಬಲತೆಗೆ ಮಾತ್ರವಲ್ಲ ಬದಲಿಗೆ ಭ್ರಾತೃತ್ವದ ಅಡಿಯಲ್ಲಿ ಇಡೀ ವಿಶ್ಬವನ್ನು ಬೆಸೆಯಬಲ್ಲ ಶಕ್ತಿಯನ್ನು ಹೊಂದಿದೆ ಎಂದು ಕೋವಿಂದ್ ಹೇಳಿದರು.

ಯೋಗ ಜೀವನದ ಭಾಗ: ಆತ್ಮ ಬಲದ ದೇಶ ನಿರ್ಮಾಣಕ್ಕೆ ಪ್ರಧಾನಿ ಮೋದಿ ಕರೆ!

ಇದಕ್ಕೂ ಮೊದಲು ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ ಅಂಗವಾಗಿ ದೇಶವನ್ನುದ್ದೇಶಿಸಿ ವಿಡಿಯೋ ಕಾನ್ಫರೆನ್ಸ್ ಮೂಲಕ ಮಾತನಡಿದ್ದ ಪ್ರಧಾನಿ ಮೋದಿ, ಮಾರಕ ಕೊರೊನಾ ವೈಸ್ ಹಾವಳಿಯನ್ನು ನಿಯಂತ್ರಿಸುವಲ್ಲಿ ಯೋಗ ಅತ್ಯಂತ ಮಹತ್ತರವಾದ ಪಾತ್ರ ನಿಬಾಯಿಸುತ್ತಿದೆ ಎಂದು ಹೇಳಿದ್ದರು.