Mobile Tower: ಬಿಹಾರದಲ್ಲಿ ಮತ್ತೊಂದು ಪ್ರಕರಣ: ಮೊಬೈಲ್ ಟವರನ್ನು ಕದ್ದೊಯ್ದ ಚಾಲಾಕಿ ಖದೀಮರು
Mobile Tower Stolen: ಬಿಹಾರದಲ್ಲಿ ಕಬ್ಬಿಣದ ಕಳ್ಳರ ಹಾವಳಿ ಮತ್ತೆ ಮುಂದುವರಿದಿದೆ. ಮೊಬೈಲ್ ಕಂಪೆನಿ ಅಧಿಕಾರಿಗಳು ಎಂದು ಹೇಳಿಕೊಂಡು ಬಂದ ಕಳ್ಳರ ಗುಂಪು, ವ್ಯಕ್ತಿಯೊಬ್ಬರ ಮನೆಯ ಮಹಡಿ ಮೇಲೆ ನಿರ್ಮಿಸಿದ್ದ 29 ಅಡಿ ಎತ್ತರದ ಟವರ್ ಅನ್ನು ಕಳ್ಳತನ ಮಾಡಿದ್ದಾರೆ.
ಹೈಲೈಟ್ಸ್‌:
- ಬಿಹಾರದ ಸಬ್ಜಿಬಾಘ್‌ನಲ್ಲಿ 29 ಅಡಿ ಎತ್ತರದ ಟವರ್ ಕಳ್ಳತನ ಮಾಡಿದ ಐನಾತಿ ಕಳ್ಳರ ಗುಂಪು
- ಜಿಟಿಎಲ್‌ ಕಂಪನಿಯ ಸಿಬ್ಬಂದಿ ಎಂದು ಹೇಳಿಕೊಂಡು, ಊರಿನವರನ್ನು ನಂಬಿಸಿದ್ದ ಚಾಲಾಕಿಗಳು
- ತಾಂತ್ರಿಕ ದೋಷವಿರುವ ಕಾರಣ ಕಂಪನಿಯ ಆದೇಶದಂತೆ ಬೇರೆ ಟವರ್ ಸ್ಥಾಪಿಸಬೇಕು ಎಂದಿದ್ದ ಕಳ್ಳರು
ಪಟನಾ: ಸಿನಿಮೀಯ ಶೈಲಿಯಲ್ಲಿ ಮೊಬೈಲ್ ಟವರನ್ನೇ ಕದ್ದೊಯ್ದ ಘಟನೆ ಬಿಹಾರದ ಸಬ್ಜಿಬಾಘ್‌ನಲ್ಲಿ ನಡೆದಿದ್ದು, ತಡವಾಗಿ ಪ್ರಕರಣ ಬೆಳಕಿಗೆ ಬಂದಿದೆ.
ಕಳ್ಳರ ಗ್ಯಾಂಗ್‌, ಜಿಟಿಎಲ್‌ ಕಂಪನಿಯ ಸಿಬ್ಬಂದಿ ಎಂದು ಹೇಳಿಕೊಂಡು 29 ಅಡಿ ಎತ್ತರದ ಮೊಬೈಲ್ ಟವರ್ ಕಳಚಿ ಅದನ್ನು ಟ್ರಕ್‌ನಲ್ಲಿ ಹೊತ್ತೊಯ್ದ ಸಂಗತಿ ಕಂಪನಿಯು 5ಜಿ ಸೇವೆ ಜಾರಿಗೂ ಮುನ್ನ ನಡೆಸಿದ ಸ್ಥಳ ಪರಿಶೀಲನೆ ವೇಳೆ ಬಯಲಿಗೆ ಬಂದಿದೆ.
ಮೊಬೈಲ್ ಸೇವಾ ಪೂರೈಕೆದಾರ ಕಂಪನಿ ಏರ್‌ಸೆಲ್‌ 2006ರಲ್ಲಿ ಶಾಹೀನ್‌ ಎಂಬುವರ ನಾಲ್ಕು ಮಹಡಿಯ ಕಟ್ಟಡದ ಮೇಲೆ ಟವರ್ ಸ್ಥಾಪಿಸಿತ್ತು. ಬಳಿಕ ಅದನ್ನು ಜಿಟಿಎಲ್‌ ಕಂಪನಿ ಪ್ರೈವೇಟ್‌ ಲಿಮಿಟೆಡ್‌ಗೆ ಮಾರಾಟ ಮಾಡಿತ್ತು. ಅಂದಿನಿಂದ ಈ ಕಂಪನಿಯೇ ನಿರ್ವಹಿಸುತ್ತಿತ್ತು. 2022ರ ಆಗಸ್ಟ್‌ 31ರಂದು ನಡೆಸಿದ ತಪಾಸಣೆ ವೇಳೆ ಟವರ್ ಇತ್ತು. ಆದರೆ, ಇತ್ತೀಚಿನ ತಪಾಸಣೆ ವೇಳೆ ನಾಪತ್ತೆಯಾಗಿದೆ ಎಂದು ಕಂಪನಿ ಹೇಳಿದೆ.
ಕಂಪನಿಯ ವಲಯ ವ್ಯವಸ್ಥಾಪಕ ಮೊಹಮ್ಮದ್‌ ಶಾನವಾಜ್‌ ಅನ್ವರ್‌ ನೀಡಿದ ದೂರಿನ ಮೇರೆಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಟವರ್ ಅಳವಡಿಸಲಾಗಿದ್ದ ಕಟ್ಟಡದ ಮಾಲೀಕ ಶಾಹೀನ್‌, ''ಕೆಲವು ತಿಂಗಳ ಹಿಂದೆ ಜಿಟಿಎಲ್‌ ಕಂಪನಿಯ ಸಿಬ್ಬಂದಿ ಎಂದು ಹೇಳಿಕೊಂಡು ಕೆಲವರು ಮನೆಗೆ ಬಂದು ಪರಿಶೀಲನೆ ನಡೆಸಿದ್ದರು. ಟವರ್‌ನಲ್ಲಿ ಗಂಭೀರ ತಾಂತ್ರಿಕ ದೋಷವಿರುವ ಕಾರಣ ಕಂಪನಿಯ ಆದೇಶದಂತೆ ಬೇರೆ ಟವರ್ ಸ್ಥಾಪಿಸಬೇಕಿದೆ. ಹಾಗಾಗಿ ಇದನ್ನು ತೆಗೆದುಕೊಂಡು ಹೋಗುತ್ತೇವೆ ಎಂದು ಹೇಳಿ ಟ್ರಕ್‌ನಲ್ಲಿ ಸಾಗಿಸಿದ್ದರು,'' ಎಂದು ವಿಚಾರಣೆ ವೇಳೆ ಪೊಲೀಸರಿಗೆ ತಿಳಿಸಿದ್ದಾನೆ.
ಜಿಟಿಎಲ್‌ ಕಂಪನಿ ಕೆಲವು ತಿಂಗಳಿಂದ ಟವರ್ ಸ್ಥಾಪಿಸಲಾಗಿದ್ದ ಮನೆಯ ಮಾಲೀಕನಿಗೆ ಬಾಡಿಗೆ ನೀಡಿರಲಿಲ್ಲ. ಹಾಗಾಗಿ ಇದರಲ್ಲಿ ಮಾಲೀಕನ ಪಾತ್ರವಿದೆ ಎಂಬ ಗುಮಾನಿ ಪೊಲೀಸರಿಗಿದ್ದು, ಆ ನಿಟ್ಟಿನಲ್ಲಿಯೂ ತನಿಖೆ ನಡೆಸುತ್ತಿದ್ದಾರೆ.
ಬಿಹಾರದಲ್ಲಿ ಮೊಬೈಲ್ ಟವರನ್ನು ಕಳ್ಳರ ಗುಂಪು ಎಗರಿಸಿರುವುದು ಇದು ಮೊದಲ ಸಲವೇನಲ್ಲ. ಕಳೆದ ವರ್ಷದ ನವೆಂಬರ್‌ನಲ್ಲಿ ರಾಜಧಾನಿ ಪಟನಾದಲ್ಲಿ, ಮೊಬೈಲ್ ಕಂಪೆನಿ ಅಧಿಕಾರಿಗಳೆಂದು ಹೇಳಿಕೊಂಡು ಬಂದಿದ್ದ ಖದೀಮರ ಗುಂಪು, ಮೂರು ದಿನ ಕೆಲಸ ಮಾಡಿ, 19 ಲಕ್ಷ ರೂ ಮೌಲ್ಯದ ಟವರ್ ಸಾಮಗ್ರಿಗಳನ್ನು ಕಳವು ಮಾಡಿದ್ದರು.
ರೈಲು ಎಂಜಿನ್‌ನನ್ನೇ ಬಿಟ್ಟಿಲ್ಲ
ಬಿಹಾರದಲ್ಲಿ ಇಂತಹ ಬೆಚ್ಚಿಬೀಳಿಸುವ ಕಳ್ಳತನ ಪ್ರಕರಣಗಳು ಸಹಜವಾಗಿವೆ. ಈ ಹಿಂದೆ ಕಳ್ಳರ ಗ್ಯಾಂಗ್‌ ಡೀಸೆಲ್‌ ರೈಲು ಎಂಜಿನ್‌ನ ಬಿಡಿಭಾಗಗಳನ್ನೇ ಲಪಟಾಯಿಸಿದ್ದರು. ಮುಜಫ್ಫರ್‌ನಗರದ ಪೊಲೀಸರು ಇತ್ತೀಚೆಗೆ ರೈಲು ಎಂಜಿನ್‌ಗಳ 13 ಬಿಡಿಭಾಗಗಳನ್ನು ವಶಪಡಿಸಿಕೊಂಡಿದ್ದರು. ಮೂವರು ಬಂಧಿತರ ವಿಚಾರಣೆಯಿಂದ ಪ್ರಕರಣ ಬೆಳಕಿಗೆ ಬಂದಿತ್ತು. ಅಲ್ಲದೆ, ಹಲವು ದಶಕಗಳಷ್ಟು ಇತಿಹಾಸ ಹೊಂದಿರುವ ಉಕ್ಕಿನ ಹಳೆಯ ಸೇತುವೆಗಳನ್ನು ಗ್ರಾಮಸ್ಥರ ನೆರವಿನಿಂದಲೇ ಕತ್ತರಿಸಿ ಕದ್ದೊಯ್ದಿದ್ದರು.
ಕಳ್ಳರ ಗ್ಯಾಂಗ್‌, ಜಿಟಿಎಲ್‌ ಕಂಪನಿಯ ಸಿಬ್ಬಂದಿ ಎಂದು ಹೇಳಿಕೊಂಡು 29 ಅಡಿ ಎತ್ತರದ ಮೊಬೈಲ್ ಟವರ್ ಕಳಚಿ ಅದನ್ನು ಟ್ರಕ್‌ನಲ್ಲಿ ಹೊತ್ತೊಯ್ದ ಸಂಗತಿ ಕಂಪನಿಯು 5ಜಿ ಸೇವೆ ಜಾರಿಗೂ ಮುನ್ನ ನಡೆಸಿದ ಸ್ಥಳ ಪರಿಶೀಲನೆ ವೇಳೆ ಬಯಲಿಗೆ ಬಂದಿದೆ.
ಮೊಬೈಲ್ ಸೇವಾ ಪೂರೈಕೆದಾರ ಕಂಪನಿ ಏರ್‌ಸೆಲ್‌ 2006ರಲ್ಲಿ ಶಾಹೀನ್‌ ಎಂಬುವರ ನಾಲ್ಕು ಮಹಡಿಯ ಕಟ್ಟಡದ ಮೇಲೆ ಟವರ್ ಸ್ಥಾಪಿಸಿತ್ತು. ಬಳಿಕ ಅದನ್ನು ಜಿಟಿಎಲ್‌ ಕಂಪನಿ ಪ್ರೈವೇಟ್‌ ಲಿಮಿಟೆಡ್‌ಗೆ ಮಾರಾಟ ಮಾಡಿತ್ತು. ಅಂದಿನಿಂದ ಈ ಕಂಪನಿಯೇ ನಿರ್ವಹಿಸುತ್ತಿತ್ತು. 2022ರ ಆಗಸ್ಟ್‌ 31ರಂದು ನಡೆಸಿದ ತಪಾಸಣೆ ವೇಳೆ ಟವರ್ ಇತ್ತು. ಆದರೆ, ಇತ್ತೀಚಿನ ತಪಾಸಣೆ ವೇಳೆ ನಾಪತ್ತೆಯಾಗಿದೆ ಎಂದು ಕಂಪನಿ ಹೇಳಿದೆ.
ಕಂಪನಿಯ ವಲಯ ವ್ಯವಸ್ಥಾಪಕ ಮೊಹಮ್ಮದ್‌ ಶಾನವಾಜ್‌ ಅನ್ವರ್‌ ನೀಡಿದ ದೂರಿನ ಮೇರೆಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಟವರ್ ಅಳವಡಿಸಲಾಗಿದ್ದ ಕಟ್ಟಡದ ಮಾಲೀಕ ಶಾಹೀನ್‌, ''ಕೆಲವು ತಿಂಗಳ ಹಿಂದೆ ಜಿಟಿಎಲ್‌ ಕಂಪನಿಯ ಸಿಬ್ಬಂದಿ ಎಂದು ಹೇಳಿಕೊಂಡು ಕೆಲವರು ಮನೆಗೆ ಬಂದು ಪರಿಶೀಲನೆ ನಡೆಸಿದ್ದರು. ಟವರ್‌ನಲ್ಲಿ ಗಂಭೀರ ತಾಂತ್ರಿಕ ದೋಷವಿರುವ ಕಾರಣ ಕಂಪನಿಯ ಆದೇಶದಂತೆ ಬೇರೆ ಟವರ್ ಸ್ಥಾಪಿಸಬೇಕಿದೆ. ಹಾಗಾಗಿ ಇದನ್ನು ತೆಗೆದುಕೊಂಡು ಹೋಗುತ್ತೇವೆ ಎಂದು ಹೇಳಿ ಟ್ರಕ್‌ನಲ್ಲಿ ಸಾಗಿಸಿದ್ದರು,'' ಎಂದು ವಿಚಾರಣೆ ವೇಳೆ ಪೊಲೀಸರಿಗೆ ತಿಳಿಸಿದ್ದಾನೆ.
ಜಿಟಿಎಲ್‌ ಕಂಪನಿ ಕೆಲವು ತಿಂಗಳಿಂದ ಟವರ್ ಸ್ಥಾಪಿಸಲಾಗಿದ್ದ ಮನೆಯ ಮಾಲೀಕನಿಗೆ ಬಾಡಿಗೆ ನೀಡಿರಲಿಲ್ಲ. ಹಾಗಾಗಿ ಇದರಲ್ಲಿ ಮಾಲೀಕನ ಪಾತ್ರವಿದೆ ಎಂಬ ಗುಮಾನಿ ಪೊಲೀಸರಿಗಿದ್ದು, ಆ ನಿಟ್ಟಿನಲ್ಲಿಯೂ ತನಿಖೆ ನಡೆಸುತ್ತಿದ್ದಾರೆ.
ಬಿಹಾರದಲ್ಲಿ ಮೊಬೈಲ್ ಟವರನ್ನು ಕಳ್ಳರ ಗುಂಪು ಎಗರಿಸಿರುವುದು ಇದು ಮೊದಲ ಸಲವೇನಲ್ಲ. ಕಳೆದ ವರ್ಷದ ನವೆಂಬರ್‌ನಲ್ಲಿ ರಾಜಧಾನಿ ಪಟನಾದಲ್ಲಿ, ಮೊಬೈಲ್ ಕಂಪೆನಿ ಅಧಿಕಾರಿಗಳೆಂದು ಹೇಳಿಕೊಂಡು ಬಂದಿದ್ದ ಖದೀಮರ ಗುಂಪು, ಮೂರು ದಿನ ಕೆಲಸ ಮಾಡಿ, 19 ಲಕ್ಷ ರೂ ಮೌಲ್ಯದ ಟವರ್ ಸಾಮಗ್ರಿಗಳನ್ನು ಕಳವು ಮಾಡಿದ್ದರು.
ರೈಲು ಎಂಜಿನ್‌ನನ್ನೇ ಬಿಟ್ಟಿಲ್ಲ
ಬಿಹಾರದಲ್ಲಿ ಇಂತಹ ಬೆಚ್ಚಿಬೀಳಿಸುವ ಕಳ್ಳತನ ಪ್ರಕರಣಗಳು ಸಹಜವಾಗಿವೆ. ಈ ಹಿಂದೆ ಕಳ್ಳರ ಗ್ಯಾಂಗ್‌ ಡೀಸೆಲ್‌ ರೈಲು ಎಂಜಿನ್‌ನ ಬಿಡಿಭಾಗಗಳನ್ನೇ ಲಪಟಾಯಿಸಿದ್ದರು. ಮುಜಫ್ಫರ್‌ನಗರದ ಪೊಲೀಸರು ಇತ್ತೀಚೆಗೆ ರೈಲು ಎಂಜಿನ್‌ಗಳ 13 ಬಿಡಿಭಾಗಗಳನ್ನು ವಶಪಡಿಸಿಕೊಂಡಿದ್ದರು. ಮೂವರು ಬಂಧಿತರ ವಿಚಾರಣೆಯಿಂದ ಪ್ರಕರಣ ಬೆಳಕಿಗೆ ಬಂದಿತ್ತು. ಅಲ್ಲದೆ, ಹಲವು ದಶಕಗಳಷ್ಟು ಇತಿಹಾಸ ಹೊಂದಿರುವ ಉಕ್ಕಿನ ಹಳೆಯ ಸೇತುವೆಗಳನ್ನು ಗ್ರಾಮಸ್ಥರ ನೆರವಿನಿಂದಲೇ ಕತ್ತರಿಸಿ ಕದ್ದೊಯ್ದಿದ್ದರು.