ಮುಂಬಯಿ: ಈಗಾಗಲೇ ದಿನಬಳಕೆ ವಸ್ತುಗಳ ಬೆಲೆ ಏರಿಕೆಯಿಂದ ತತ್ತರಿಸಿರುವ ಜನತೆಗೆ ಮತ್ತೊಂದು ಶಾಕಿಂಗ್‌ ನ್ಯೂಸ್‌ ಇಲ್ಲಿದೆ. ಸಬ್ಸಿಡಿಸಹಿತ ಮತ್ತು ಸಬ್ಸಿಡಿರಹಿತ ಸಿಲಿಂಡರ್‌ ಈಗ ಮತ್ತಷ್ಟು ದುಬಾರಿಯಾಗಿದೆ. ಅದರಲ್ಲೂ ಸಬ್ಸಿಡಿರಹಿತ ಸಿಲಿಂಡರ್‌ ಬೆಲೆ ಬರೋಬ್ಬರಿ 93.94 ರೂ. ಏರಿಕೆಯಾಗಿದೆ. ಇದರೊಂದಿಗೆ ಸಬ್ಸಿಡಿ ರಹಿತ ಸಿಲಿಂಡರ್‌ ಬೆಲೆ 742 ರೂ.ಗೆ ತಲುಪಿದೆ.
ಇದೇ ವೇಳೆ ಸಬ್ಸಿಡಿ ಸಹಿತ ಸಿಲಿಂಡರ್‌ ಬೆಲೆಯನ್ನು 4. ರೂ. ಹೆಚ್ಚಿಸಲಾಗಿದೆ.
ಸಬ್ಸಿಡಿ ಸಹಿತ 14.2 ಕೆ.ಜಿ. ಸಿಲಿಂಡರ್‌ ಬೆಲೆ ದಿಲ್ಲಿಯಲ್ಲಿ 495.69 ರೂ., ಕೋಲ್ಕೊತಾದಲ್ಲಿ 498.43 ರೂ., ಮುಂಬಯಿನಲ್ಲಿ 498.38 ರೂ., ಚೆನ್ನೈನಲ್ಲಿ 483.69 ರೂ.ಗೆ ತಲುಪಿದೆ.
ಜಾಗತಿಕ ಮಾರುಕಟ್ಟೆಯಲ್ಲಿ ತೈಲ ಬೆಲೆ ಏರಿಕೆಗೆ ಅನುಗುಣವಾಗಿ ದೇಶೀಯ ಮಾರುಕಟ್ಟೆಯಲ್ಲಿ ತೈಲ ಕಂಪನಿಗಳು ಪ್ರತಿ ತಿಂಗಳು ಬೆಲೆ ಪರಿಷ್ಕರಣೆಗೊಳಿಸುತ್ತವೆ. ಕೇಂದ್ರ ಸರಕಾರ ಹಂತ ಹಂತವಾಗಿ ಸಬ್ಸಿಡಿ ಕಡಿತಗೊಳಿಸುತ್ತಿದ್ದು, ಮುಂದಿನ ಮಾರ್ಚ್‌ ವೇಳೆಗೆ ಸಂಪೂರ್ಣ ಸಬ್ಸಿಡಿ ರದ್ದಾಗಲಿದೆ. ಆ ಬಳಿಕ ಸಬ್ಸಿಡಿ ರಹಿತ ಸಿಲಿಂಡರ್‌ ದರವೇ ಎಲ್ಲರಿಗೂ ಅನ್ವಯವಾಗಲಿದೆ.
Price of non-subsidised LPG hiked by Rs 93