ತಟ್ಟೆಯಲ್ಲಿ ಹುಳು: ಪಂಚತಾರಾ ಹೋಟೆಲ್‌ ವಿರುದ್ಧ ಪಿಗ್ಗಿ ಸೋದರಿ ಗರಂ

ಅಹಮದಾಬಾದ್‌: ಬಾಲಿವುಡ್‌ ನಟಿ ಪ್ರಿಯಾಂಕಾ ಚೋಪ್ರಾ ಅವರ ಸೋದರ ಸಂಬಂಧಿ ಮೀರಾ ಚೋಪ್ರಾ ಅಹಮದಾಬಾದ್‌ನ ಪಂಚತಾರಾ ಹೋಟೆಲೊಂದರ ವಿರುದ್ಧ ಸಾಮಾಜಿಕ ಜಾಲತಾಣದಲ್ಲಿ ತೀವ್ರ ಅಸಮಾಧಾನ ಹೊರಹಾಕಿದ್ದಾರೆ. ಮೀರಾ ಅವರು ಇತ್ತೀಚೆಗೆ ಹೋಟೆಲ್‌ನಲ್ಲಿ ಖರೀದಿಸಿದ ತಿಂಡಿಯಲ್ಲಿ ಜೀವಂತ ಹುಳು ದೊರೆತಿರುವುದು ಇದಕ್ಕೆ ಕಾರಣ. ಇಲ್ಲಿನ 'ಡಬಲ್‌ ಟ್ರೀ' ಹೋಟೆಲ್‌ನಲ್ಲಿ ತಂಗಿದ್ದ ಮೀರಾ ಅವರಿಗೆ ರಾತ್ರಿ ನೀಡಿದ ತಿಂಡಿಯ ಪ್ಲೇಟ್‌ಮೇಲೆ ಜೀವಂತ ಹುಳು ಹರಿದಾಡುತ್ತಿರುವುದು ಕಂಡಿದೆ. ಕೂಡಲೇ ಅದನ್ನು ವಿಡಿಯೊ ಮಾಡಿ ಮೀರಾ ಟ್ವಿಟರ್‌ಗೆ ಅಪ್‌ಲೋಡ್‌ ಮಾಡಿದ್ದಾರೆ. ಅಲ್ಲದೆ, ಹೋಟೆಲ್‌ ವಿರುದ್ಧ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರ ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ಅವರು ಆಗ್ರಹಿಸಿದ್ದಾರೆ. ಸಣ್ಣಪುಟ್ಟ ತಿಂಡಿಗಳಿಗೂ ದುಬಾರಿ ಬಿಲ್‌ ಮಾಡುವ ಐಷಾರಾಮಿ ಹೋಟೆಲ್‌ಗಳು ಗ್ರಾಹಕರಿಗೆ ಹುಳುಗಳನ್ನು ತಿನ್ನಿಸುತ್ತಿವೆ ಎಂದು ಕಿಡಿಕಾರಿದ್ದಾರೆ.