ಪಿಎಸ್‌ಎಲ್‌ವಿ ಉಡ್ಡಯನ ಇಂದು: 8 ಉಪಗ್ರಹ ಕಕ್ಷೆಗೆ

ಚೆನ್ನೈ: ಭಾರತೀಯ ಬಾಹ್ಯಾಕಾಶ ಸಂಸ್ಥೆ ಇಸ್ರೊ ಸೋಮವಾರ ಹೊಸ ಸಾಹಸಕ್ಕೆ ಕೈಹಾಕಿದೆ. ತನ್ನ ಅತ್ಯಂತ ಯಶಸ್ವಿ ಉಡ್ಡಯನ ವಾಹಕ ಪಿಎಸ್‌ಎಲ್‌ವಿ ರಾಕೆಟ್‌ ಮೂಲಕ ಎಂಟು ಉಪಗ್ರಹಗಳನ್ನು ಎರಡು ವಿಭಿನ್ನ ಕಕ್ಷೆಗಳಲ್ಲಿ ನೆಲೆಗೊಳಲಾಗುತ್ತಿದೆ.

ದೇಶದ ಹವಾಮಾನ ಉಪಗ್ರಹ ಸ್ಕಾಟ್‌ಸ್ಯಾಟ್‌-1 ಸಹಿತ ಅಮೆರಿಕ, ಕೆನಡಾ ದೇಶಗಳ ಉಪಗ್ರಹಗಳೂ ಸೇರಿದಂತೆ ಒಟ್ಟು ಎಂಟು ಉಪಗ್ರಹಗಳನ್ನು ಹೊತ್ತ ಪಿಎಸ್‌ಎಲ್‌ವಿ-ಸಿ35 ರಾಕೆಟ್‌ ಸೋಮವಾರ ಬೆಳಗ್ಗೆ 9.12ಕ್ಕೆ ಶ್ರೀಹರಿಕೋಟಾದ ಸತೀಶ್‌ ಧವನ್‌ ಬಾಹ್ಯಾಕಾಶ ಕೇಂದ್ರದಿಂದ ನಭಕ್ಕೇರಲಿದೆ.