ರಾಧೆ ಮಾ ವಿರುದ್ಧ ಎಫ್‍ಐಆರ್‌ಗೆ ಪಂಜಾಬ್ ಮತ್ತು ಹರ್ಯಾಣ ಹೈಕೋರ್ಟ್ ಆದೇಶ

ಸ್ವಯಂ ಘೋಷಿತ ದೇವತೆ ಎಂದೇ ಬಿಂಬಿಸಿಕೊಂಡಿರುವ ರಾಧೆ ಮಾ ವಿರುದ್ಧ ಎಫ್‍ಐಆರ್ ದಾಖಲಿಸಿಕೊಳ್ಳುವಂತೆ ಪಂಜಾಬ್ ಪೊಲೀಸರಿಗೆ ಪಂಜಾಬ್ ಮತ್ತು ಹರ್ಯಾಣ ಹೈಕೋರ್ಟ್ ನಿರ್ದೇಶಿಸಿದೆ. ರಾಧೆ ಮಾ ವಿರುದ್ಧ ವಿಶ್ವ ಹಿಂದೂ ಪರಿಷತ್ (ವಿಎಚ್‍ಪಿ) ಮಾಜಿ ಸದಸ್ಯರಾದ ಸುರೇಂದ್ರ ಮಿಟ್ಟಲ್ ಪ್ರಕರಣ ದಾಖಲಿಸಿದ್ದ ಹಿನ್ನೆಲೆಯಲ್ಲಿ ಕೋರ್ಟ್ ಈ ಆದೇಶ ಹೊರಡಿಸಿದೆ.

ತನ್ನ ವಿರುದ್ಧ ಮಾತನಾಡಬಾರದು ಎಂದು ಪದೇಪದೇ ರಾಧೆ ಮಾ ಬೆದರಿಕೆಯೊಡ್ಡುತ್ತಿದ್ದರೆಂದು ಸುರೇಂದ್ರ ಮಿಟ್ಟಲ್ ತಮ್ಮ ದೂರಿನಲ್ಲಿ ಆರೋಪಿಸಿದ್ದಾರೆ. ರಾಧೆ ಮಾ ಬೆದರಿಕೆ ಒಡ್ಡಿರುವ ದೂರವಾಣಿ ಕರೆಯ ರೆಕಾರ್ಡ್ ಈಗಾಗಲೆ ಹಲವಾರು ಟಿವಿ ಚಾನೆಲ್‍ಗಳಲ್ಲಿ ಪ್ರಸಾರವಾಗಿದೆ.

ಈ ಹಿಂದೆ ಮುಂಬೈನ ಮಹಿಳೆಯೊಬ್ಬರು ರಾಧೆ ಮಾ ವಿರುದ್ಧದ ಪ್ರಕರಣದ ಮೂಲಕ ಸ್ವಯಂ ಘೋಷಿತ ದೇವತೆ ವಿವಾದಕ್ಕೆ ಸಿಲುಕಿದ್ದರು. ತನ್ನ ಪತಿಯ ಕುಟುಂಬಿಕರನ್ನು ಎತ್ತಿಕಟ್ಟಿ ರಾಧೆ ಮಾ ತಮಗೆ ಮಾನಸಿಕ ಹಾಗೂ ದೈಹಿಕ ಹಿಂಸೆ ನೀಡಿದ್ದಾರೆ ಎಂದು ಮುಂಬೈ ಮಹಿಳೆ ಆರೋಪಿಸಿದ್ದರು.

ಇಬ್ಬರು ಸಾಧ್ವಿಗಳ ಮೇಲಿನ ಅತ್ಯಾಚಾರ ಪ್ರಕರಣದಲ್ಲಿ ಡೆರಾ ಸಚ್ಚಾ ಸೌಧದ ರಾಮ್ ರಹೀಮ್ ಜೈಲು ಪಾಲಾದ ಕೆಲವೇ ದಿನಗಳ ಬಳಿಕ ಇನ್ನೊಬ್ಬರು ಸ್ವಯಂ ಘೋಷಿತ ದೇವತೆ ಬಗ್ಗೆ ಹೈಕೋರ್ಟ್ ಎಫ್‍ಐಆರ್‌ಗೆ ಆದೇಶಿಸಿರುವುದು ಗಮನಾರ್ಹ.

Punjab&Haryana HC directs Punjab Police to file FIR against self styled God woman Radhe Ma on plea of Phagwara resident Surender Mittal pic.twitter.com/BxzQskf4BI — ANI (@ANI) September 5, 2017 She's Next? Punjab And Haryana HC Orders FIR Against Radhe Maa For Threatening VHP Leader

The Punjab and Haryana High Court has directed the Punjab Police to file an FIR against self styled God woman Radhe Maa.