ಲೋಕಸಭೆ ಸರ್ಕಾರದ 'ಲೌಡ್ ಸ್ಪೀಕರ್': ರಾಹುಲ್ ಗಾಂಧಿ ವ್ಯಂಗ್ಯ!

ನವದೆಹಲಿ: ಲೋಕಸಭೆ ಎನ್ನುವುದು ಸರ್ಕಾರದ ಲೌಡ್ ಸ್ಪೀಕರ್ ಆಗಿದ್ದು, ಖುದ್ದು ಸ್ಪೀಕರ್ ಸರ್ಕಾರದ ಪ್ರತಿನಿಧಿಯಂತೆ ವರ್ತಿಸುತ್ತಾರೆ ಎಂದು ಕಾಂಗ್ರೆಸ್ ಸಂಸದ ರಾಹುಲ್ ಗಾಂಧಿ ಗಂಭಿರ ಆರೋಪ ಮಾಡಿದ್ದಾರೆ.

ತಮಿಳಿನಲ್ಲಿ ಪ್ರಶ್ನೆ ಕೇಳ ಬಯಸಿದ ತಮಿಳುನಾಡು ಸಂಸದರನ್ನು ಲೋಕಸಭೆ ಸ್ಪೀಕರ್ ಓಂ ಬಿರ್ಲಾ ತಡೆದು, ಹಿಂದಿ ಅಥವಾ ಇಂಗ್ಲಿಷ್ ನಲ್ಲಿ ಪ್ರಶ್ನೆ ಕೆಳಿ ಎಂದು ಹೇಳಿದರು. ಇದಕ್ಕೆ ವಿರೋಧ ವ್ಯಕ್ತಪಡಿಸಿದ ವಿಪಕ್ಷಗಳು, ಎಲ್ಲಾ ಪ್ರಾದೇಶಿಕ ಭಾಷೆಗಳಲ್ಲಿ ಸದನದಲ್ಲಿ ಮಾತನಾಡುವ ಹಕ್ಕಿದೆ ಎಂದು ಹೇಳಿದರು.

ಸ್ಪೀಕರ್ ವಿಪಕ್ಷಗಳ ಹಕ್ಕುಗಳನ್ನು ಮೊಟಕುಗೊಳಿಸಲು ಯತ್ನಿಸುತ್ತಿದ್ದು, ಅವರೇ ಖುದ್ದು ಸರ್ಕಾರದ ಲೌಡ್ ಸ್ಪೀಕರ್ ಅಂತೆ ವರ್ತಿಸುತ್ತಿದ್ದಾರೆ ಎಂದು ರಾಹುಲ್ ಗಾಂಧಿ ಕಿಡಿಕಾರಿದರು.


ತಮಿಳು ಸಂಸದರಿಗೆ ತಮಿಳು ಭಾಷೆಯಲ್ಲಿ ಮಾತನಾಡಲು ಅವಕಾಶ ಕೊಡದಿರುವುದು ತಮಿಳು ಅಸ್ಮಿತೆಗೆ ಮಾಡಿದ ಅಪಮಾನ ಎಂದು ರಾಹುಲ್ ಗಾಂದಿ ಸ್ಪೀಕರ್ ಕಿಡಿಕಾರಿದರು.

'ಲೋಕ'ದಲ್ಲಿ ದೆಹಲಿ ದಂಗೆ ಚರ್ಚೆ: ಪ್ರಧಾನಿ ಏಕಿಲ್ಲ ಎಂದು ಪ್ರಶ್ನಿಸಿದ ಪ್ರತಿಪಕ್ಷಗಳು!

ಇನ್ನು ಸ್ಪೀಕರ್ ನಿರ್ಣಯಕ್ಕೆ ಡಿಎಂಕೆ, ಎನ್ ಸಿಪಿ ಸೇರಿದಂತೆ ಪ್ರಮುಖ ವಿಪಕ್ಷಗಳು ಅಸಮಾಧಾನ ವ್ಯಕ್ತಪಡಿಸಿದ್ದು, ಇದು ಪ್ರಾದೇಶಿಕ ಭಾಷೆಗಳನ್ನು ತುಳಿಯುವ ಸರ್ಕಾರದ ಪ್ರಯತ್ನದಂತೆ ಭಾಸವಾಗುತ್ತಿದ್ದಂತೆ ಎಂದು ಹರಿಹಾಯ್ದವು.