ಸರಳ ಲೆಕ್ಕ ತಪ್ಪಿದ ರಾಹುಲ್ ಗಾಂಧಿ

ಹೊಸದಿಲ್ಲಿ: ಶೀಘ್ರದಲ್ಲೇ ಕಾಂಗ್ರೆಸ್ ಅಧ್ಯಕ್ಷ ಸ್ಥಾನ ಅಲಂಕರಿಸಲಿರುವ ಪಕ್ಷದ ಉಪಾಧ್ಯಕ್ಷ ರಾಹುಲ್ ಗಾಂಧಿ ಇನ್ನೊಮ್ಮೆ ಟ್ವಿಟ್ಟರ್‌ನಲ್ಲಿ ಎಡವಿದ್ದಾರೆ. ಈ ಮೂಲಕ ಮತ್ತೆ ಟ್ರೋಲ್‌ಗೆ ಅವರೇ ಅವಕಾಶ ಮಾಡಿಕೊಟ್ಟಂತಾಗಿದೆ. ಏರುತ್ತಿರುವ ಅಗತ್ಯ ವಸ್ತುಗಳ ಬೆಲೆಯನ್ನು ಟ್ವಿಟ್ಟರ್‌ನಲ್ಲಿ ಪ್ರಸ್ತಾಪಿಸುತ್ತಾ ಒಂದು ತಪ್ಪು ಮಾಡಿದ್ದಾರೆ.

ಈ ಮೂಲಕ ಭಾವಿ ಅಧ್ಯಕ್ಷರಿಗೆ ಸರಳ ಲೆಕ್ಕಾಚಾರವೂ ಸಹ ಗೊತ್ತಿಲ್ಲ ಎಂದು ಕಾಮೆಂಟ್ ಮಾಡುವಂತಾಗಿದೆ. ಇತ್ತೀಚಿನ ದಿನಗಳಲ್ಲಿ ಈರುಳ್ಳಿ, ಟೊಮೊಟೊ ಬೆಲೆಗಳು ಗಗಕ್ಕೇರುತ್ತಿರುವುದು ಗೊತ್ತೇ ಇದೆ. ಹಾಗಾಗಿ 2014ರಿಂದ 2017ರವರೆಗೆ ಅಗತ್ಯ ವಸ್ತುಗಳ ಬೆಲೆ ಶೇಕಡವಾರು ಎಷ್ಟು ಹೆಚ್ಚಾಗಿದೆ ಎಂಬ ಪಟ್ಟಿ ಮೂಲಕ ವಿವರಿಸಿದರು.

ಆದರೆ ಪಟ್ಟಿಯಲ್ಲಿರುವ ಎಲ್ಲಾ ವಿವರಗಳು ಸರಿಯಾಗಿ ಇವೆಯಾದರೂ ಬೇಳೆ ಬೆಲೆ ಮಾತ್ರ ಕಿಲೋಗೆ ರೂ.45ರಿದ ರೂ.80ಕ್ಕೇರಿದೆ ಎಂದು ವಿವರಿಸುತ್ತಾ ಶೇಕಡಾವಾರು ಲೆಕ್ಕ ತಪ್ಪು ಹೇಳಿದ್ದಾರೆ. ಬಳಿಕ ತಮ್ಮ ತಪ್ಪನ್ನು ತಿದ್ದಿಕೊಂಡು ಹೊಸ ಪಟ್ಟಿ ಟ್ವೀಟ್ ಮಾಡಿದ್ದರು ರಾಹುಲ್ ಗಾಂಧಿ.



ಸರಳ ಗಣಿತ ಲೆಕ್ಕಾಚಾರವೂ ಗೊತ್ತಿಲ್ಲದ ರಾಹುಲ್ ಗಾಂಧಿ ಇನ್ನು ಹೇಗೆ ಅಧ್ಯಕ್ಷರಾಗುತ್ತಾರೋ ಎಂದು ಸಾಮಾಜಿಕ ಮಾಧ್ಯಮಗಳಲ್ಲಿ ಸಿಕ್ಕಾಪಟ್ಟೆ ಚರ್ಚೆಯಾಗುತ್ತಿದೆ. ಸೋಮಾವಾರವಷ್ಟೇ ಅಧ್ಯಕ್ಷ ಪದವಿಗೆ ರಾಹುಲ್ ನಾಮಪತ್ರ ಸಲ್ಲಿಸಿದ್ದಾರೆ. ರಾಹುಲ್ ಒಬ್ಬರೇ ನಾಮಿನೇಷ ದಾಖಲಿಸಿರುವುದರಿಂದ ಅವರು ಅವಿರೋಧವಾಗಿ ಆಯ್ಕೆಯಾಗುತ್ತಿದ್ದು ಕಾಂಗ್ರೆಸ್‌ನಲ್ಲಿ ಕುತೂಹಲ ಮೂಡಿಸಿದೆ.

22 सालों का हिसाब#गुजरात_मांगे_जवाब प्रधानमंत्रीजी-7वाँ सवाल: जुमलों की बेवफाई मार गई नोटबंदी की लुटाई मार गई GST सारी कमाई मार गई बाकी कुछ बचा तो - महंगाई मार गई बढ़ते दामों से जीना दुश्वार बस अमीरों की होगी भाजपा सरकार? pic.twitter.com/1S8Yt0nI7B — Office of RG (@OfficeOfRG) December 5, 2017