ಸತ್ಯ ಒಪ್ಪಿಕೊಂಡ ಭಾಗವತ್: ಆರ್‌ಎಸ್‌ಎಸ್‌ ಮುಖ್ಯಸ್ಥರ ವಿಜಯದಶಮಿ ಭಾಷಣ ಟೀಕಿಸಿದ ರಾಹುಲ್!

ಹೊಸದಲ್ಲಿ: ಆರ್‌ಎಸ್‌ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಅವರ ವಿಜಯದಶಮಿ ಭಾಷಣವನ್ನು ಟೀಕಿಸಿರುವ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ, ಲಡಾಖ್ ಗಡಿ ಘರ್ಷಣೆ ಕುರಿತು ಭಾಗವತ್ ಅವರು ಆಡಿರುವ ಮಾತುಗಳು ಮೋದಿ ಸರ್ಕಾರ ಮುಚ್ಚಿಡುತ್ತಿರುವ ಸತ್ಯವನ್ನು ಅನಾವರಣಗೊಳಿಸಿದೆ ಎಂದು ಹರಿಹಾಯ್ದಿದ್ದಾರೆ.

ಈ ಕುರಿತು ಟ್ವೀಟ್ ಮಾಡಿರುವ ರಾಹುಲ್ ಗಾಂಧಿ, ಭಾಗವತ್ ತಮ್ಮ ಮಾತುಗಳಲ್ಲೇ ಭಾರತದ ನೆಲವನ್ನು ಚೀನಾ ನುಂಗಿ ಹಾಕಿದೆ ಎಂಬ ಸತ್ಯವನ್ನು ಒಪ್ಪಿಕೊಂಡಿದ್ದಾರೆ ಎಂದು ಕಿಡಿಕಾರಿದ್ದಾರೆ.

ಸಿಎಎ, ಕೊರೊನಾ, ಚೀನಾ: ಮೋಹನ್ ಭಾಗವತ್ ಭಾಷಣದಲ್ಲಿ ಇಣುಕಿದ ಜ್ವಲಂತ ವಿದ್ಯಮಾನಗಳು!

ಚೀನಾ ನಮ್ಮ ನೆಲವನ್ನು ನುಂಗಿರುವುದು ಬಿಜೆಪಿ ಹಾಗೂ ಆರ್‌ಎಸ್‌ಎಸ್‌ಗೆ ಚೆನ್ನಾಗಿ ಗೊತ್ತು. ಭಾಗವತ್ ಅವರ ಭಾಷಣದಲ್ಲೇ ಸರ್ಕಾರದ ದೌರ್ಬಲ್ಯ ಗೋಚರವಾಗುತ್ತಿದೆ ಎಂದು ರಾಹುಲ್ ತೀವ್ರ ವಾಗ್ದಾಳಿ ನಡೆಸಿದರು.


ಚೀನಾ ನಮ್ಮ ನೆಲದ ಮೇಲೆ ದಾಳಿ ಮಾಡಿ ಕಬಳಿಸಿದೆ ಎಂಬ ಸತ್ಯವನ್ನು ಮೋಹನ್ ಭಾಗವತ್ ಚೆನ್ನಾಗಿ ಬಲ್ಲರು. ಆದರೆ ಅದನ್ನು ನೇರವಾಗಿ ಹೇಳಲು ಭಾಗವತ್ ಅವರಿಗೆ ಧೈರ್ಯವಲ್ಲಿ ಎಂದು ಆಹುಲ್ ವ್ಯಂಗ್ಯವಾಡಿದ್ದಾರೆ.

ಪ್ರಧಾನಿ ಮೋದಿ ಆಗಲಿ, ಆರ್‌ಎಸ್‌ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಅವರಾಗಲಿ, ಲಡಾಖ್ ಗಡಿಯಿಂದ ಚೀನಾವನ್ನು ಯಾವಾಗ ಹೊರದಬ್ಬಲಾಗುವುದು ಎಂಬುದನ್ನು ಹೇಳುತ್ತಿಲ್ಲ. ಆದರೆ ಕೇವಲ ವಿರಾವೇಶದ ಮಾತುಗಳನ್ನಾಡುತ್ತಾ ಜನರ ದಾರಿ ತಪ್ಪಿಸುತ್ತಿದ್ದಾರೆ ಎಂದು ರಾಹುಲ್ ಗಾಂಧಿ ಹೇಳಿದ್ದಾರೆ.

ಕೊರೊನಾದಿಂದಾಗಿ ಕೆಲವರಿಗೆ ಕೋಮು ದ್ವೇಷ ಸಾಧಿಸಲಾಗಲಿಲ್ಲ: ಮೋಹನ್ ಭಾಗವತ್!

ವಿಜಯದಶಮಿ ಅಂಗವಾಗಿ ನಾಗ್ಪುರ್‌ದ ಆರ್‌ಎಸ್‌ಎಸ್‌ ಕೇಂದ್ರ ಕಚೇರಿಯಲ್ಲಿ ಬಾಷಣ ಮಾಡಿದ್ದ ಮೋಹನ್ ಭಾಗವತ್, ಚೀನಾ ತನ್ನ ಸೇನಾ ಶಕ್ತಿಯಿಂದ ನಮ್ಮನ್ನು ವಿಘಟನೆ ಮಾಡುವ ಹುನ್ನಾರ ಸರಿಯಲ್ಲ ಎಂದು ಹೇಳಿದ್ದನ್ನು ಇಲ್ಲಿ ಸ್ಮರಿಸಬಹುದು.