ರಾಜಸ್ಥಾನ: ವಧುವಿಗೆ ಕೊರೊನಾ ಪಾಸಿಟಿವ್‌, ಪಿಪಿಇ ಕಿಟ್ ಧರಿಸಿ ಮದುವೆಯಾದ ಜೋಡಿ; ಅರ್ಚಕರಿಗೂ ಕಿಟ್!

ಜೈಪುರ: ಕೊರೊನಾದಿಂದಾಗಿ ಅದೆಷ್ಟೋ ಮದುವೆಗಳು ಮುಂದಿನ ವರ್ಷಕ್ಕೆ ಮುಂದೂಡಲಾಗಿದೆ. ಇನ್ನು ಕೆಲವರು ಪರವಾಗಿಲ್ಲ ಎಂದು ಕೊರೊನಾ ನಿಯಮಗಳನ್ನು ಪಾಲಿಸುತ್ತ ಮದುವೆಯಾಗಿದ್ದಾರೆ. ಅದರಲ್ಲೂ ಕೊರೊನಾ ಪಾಸಿಟಿವ್‌ ಬಂತೆಂದರೆ ಸಾಕು ಮದುವೆಯ ಗೋಜಿಗೆ ಕುಟುಂಬಸ್ಥರು ಹೋಗುವುದಿಲ್ಲ. ಆದರೆ ರಾಜಸ್ಥಾನದಲ್ಲಿ ವಧುವಿಗೆ ಕೊರೊನಾ ಇದ್ದರೂ ಕೂಡ ಪಿಪಿಇ ಕಿಟ್‌ ಧರಿಸಿ ಮದುವೆಯಾದ ವಿಭಿನ್ನ ಘಟನೆ ನಡೆದಿದೆ.

ಇನ್ನು ಪಿಪಿಇ ಕಿಟ್ ಧರಿಸಿದ್ದ ಅರ್ಚಕರ ಮಂತ್ರ ಪಠಣವನ್ನು ಕೇಳಿಕೊಂಡೇ ನವ ಜೋಡಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದೆ. ರಾಜಸ್ಥಾನದ ಬಾರ ಎಂಬಲ್ಲಿರುವ ಕೆಲ್ವಾರ ಎಂಬ ಕೊವೀಡ್‌ ಸೆಂಟರ್‌ನಲ್ಲಿಈ ವಿವಾಹ ನೆರೆವೇರಿದೆ. ಕೊರೊನಾ ಹಿನ್ನೆಲೆ ಯುವತಿ ಚಿಕಿತ್ಸೆಗಾಗಿ ಕೆಲ್ವಾರ ಕೋವಿಡ್‌ ಸೆಂಟರ್‌ನಲ್ಲಿ ದಾಖಲಾಗಿದ್ದರು, ಆದರೆ ಇತ್ತ ಮದುವೆ ನಿಶ್ಚಯವಾಗಿತ್ತು. ಗಂಡು ಹಾಗೂ ಹೆಣ್ಣಿನ ಮನೆಯವರು ಮದುವೆಗೆ ಎಲ್ಲಾ ತಯಾರಿ ನಡೆಸಿದ್ದರು.


ಏನು ಮಾಡಬೇಕೆಂದು ತಿಳಿಯದೆ, ಎರಡು ಕಡೆಯ ಕುಟುಂಬಸ್ಥರು ಈ ಬಗ್ಗೆ ಚರ್ಚೆ ನಡೆಸಿದರು. ನಂತರ ಮದುವೆ ಮಾಡುವ ನಿರ್ಧಾರಕ್ಕೆ ಬಂದರು. ಇನ್ನು ಸ್ಥಳೀಯ ಆಡಳಿತ, ಕೋವಿಡ್‌ ಸೆಂಟರ್‌ನಲ್ಲಿ ಈ ಬಗ್ಗೆ ಚರ್ಚೆ ನಡೆಸಿ, ಕೊರೊನಾ ನಿಯಮಗಳನ್ನು ಪಾಲಿಸುತ್ತ ಮದುವೆಗೆ ಅವಕಾಶ ಪಡೆದುಕೊಂಡರು. ಅದೇ ರೀತಿಯಲ್ಲಿ ಮದುವೆ ಕೂಡ ನಡೆಯಿತು.

ಕಾಶ್ಮೀರಕ್ಕೆ ಸಿರಿಯಾದ ಉಗ್ರರನ್ನು ಕಳುಹಿಸಿಕೊಡುತ್ತಿದ್ದಾರೆ ಟರ್ಕಿ ಅಧ್ಯಕ್ಷ, ಪಾಕಿಸ್ತಾನದ ಕುಮ್ಮಕ್ಕಿನಿಂದ ಕುಕೃತ್ಯ!

ಮೊಳಗಿದ ಮಂತ್ರ!ಇನ್ನು ಕೋವಿಡ್‌ ಸೆಂಟರ್‌ನಲ್ಲೇ ಮದುವೆ ಆಯೋಜಿಸಲಾಗಿತ್ತು. ಮದುವೆಗೆ ಬೇಕಾದ ಮಂಟಪವನ್ನು ನಿರ್ಮಿಸಲಾಗಿತ್ತು. ಜೊತೆಗೆ ಅಗ್ನಿ ಕುಂಡವು ತಯಾರಾಗಿತ್ತು. ವಧು-ವರರಂತೆ ಅರ್ಚಕರು ಅವರ ಸಹಾಯಕನೂ ಪಿಪಿಇ ಕಿಟ್‌ ಧರಿಸಿಯೇ ಬಂದಿದ್ದರು. ಅರ್ಚಕರು ಮಂತ್ರ ಹೇಳಿ ಅವರ ಸಂಸ್ಕೃತಿಯಂತೆ ಮದುವೆ ನೆರವೇರಿಸಿಕೊಟ್ಟರು. ತಾಳಿ ಕಟ್ಟಿದ ಬಳಿಕ ನವ ದಂಪತಿಗಳು ಸಪ್ತಪದಿ ತುಳಿದರು. ಸುಮಾರು ಹದಿನೈದು ನಿಮಿಷಕ್ಕೂ ಹೆಚ್ಚು ಕಾಲ ಮದುವೆಯ ಆಚರಣೆ ನಡೆಯಿತು. ಇನ್ನು ಮದುವೆಯನ್ನು ದೂರದಿಂದಲೇ ಅವರ ಕುಟುಂಬಸ್ಥರು ವೀಕ್ಷಿಸಿದರು.