ಅಲ್ವರ್ ಗ್ಯಾಂಗ್ ರೇಪ್: ಮೂವರ ಬಂಧನ, 14 ತಂಡಗಳ ರಚನೆ

ಅಲ್ವರ್: ಸಂಪೂರ್ಣ ರಾಜಸ್ಥಾನವನ್ನಷ್ಟೇ ಅಲ್ಲ, ದೇಶವನ್ನೇ ಬೆಚ್ಚಿ ಬೀಳಿಸಿದ ಅಲ್ವರ್ ಗ್ಯಾಂಗ್ ರೇಪ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಇಲ್ಲಿಯವರೆಗೆ ಮೂವರು ಆರೋಪಿಗಳನ್ನು ಬಂಧಿಸಿದ್ದು, ಮತ್ತಿಬ್ಬರಿನ್ನೂ ತಲೆ ಮರೆಸಿಕೊಂಡಿದ್ದಾರೆ.

ಮೂವರು ಆರೋಪಿಗಳ್ನು ಬಂಧಿಸಲಾಗಿದ್ದು, 14 ತಂಡಗಳು ಪ್ರಕರಣಕ್ಕೆ ಸಂಬಂಧಿಸಿದಂತೆ ತನಿಖೆಯಲ್ಲಿ ತೊಡಗಿವೆ, ಎಂದು ಅಲ್ವರ್ ಡಿಎಸ್‌ಪಿ ಜಗನ್ಮೋಹನ್ ಶರ್ಮಾ ತಿಳಿಸಿದ್ದಾರೆ.

ಬಂಧಿತರನ್ನು ಅಶೋಕ್ ಗುಜ್ಜರ್, ಮುಕೇಶ್ ಗುಜ್ಜರ್ ಮತ್ತು ಇಂದ್ರಜಿತ್ ಗುಜ್ಜರ್ ಎಂದು ಗುರುತಿಸಲಾಗಿದ್ದು ಮತ್ತಿಬ್ಬರ ಪತ್ತೆಗೆ ಪೋಲಿಸರು ಬಲೆ ಬೀಸಿದ್ದಾರೆ.

ಏಪ್ರಿಲ್ 26 ರಂದು ರಾಜಸ್ಥಾನದಲ್ಲಿ ನಾಗರಿಕ ಸಮಾಜವೇ ತಲೆ ತಗ್ಗಿಸುವಂತ ಕೃತ್ಯವೊಂದು ನಡೆದಿತ್ತು. . ಥಾನಾಗಾಜಿ ಪ್ರದೇಶದಲ್ಲಿ ಪತಿಯ ಮುಂದೆಯೇ ಪತ್ನಿಯ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆಸಲಾಗಿತ್ತು. ಅಷ್ಟೇ ಅಲ್ಲ ಆರೋಪಿಗಳು ಈ ವೀಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದರು.