ಜೈಪುರ: ಕಾಂಗ್ರೆಸ್ ಅಧ್ಯಕ್ಷೀಯ ಚುನಾವಣೆಯಿಂದ ರಾಜಸ್ಥಾನ ಸಿಎಂ ಅಶೋಕ್ ಗೆಹ್ಲೋಟ್ ಹಿಂದೆ ಸರಿದಿದ್ದಾರೆ. ಆದರೆ ರಾಜ್ಯದಲ್ಲಿನ ಗೊಂದಲ ಮುಂದುವರಿದಿದೆ. ಮುಂದಿನ ನಡೆಯ ಬಗ್ಗೆ ಒಂದೆರಡು ದಿನಗಳಲ್ಲಿ ಸೋನಿಯಾ ಗಾಂಧಿ ನಿರ್ಧಾರ ತೆಗೆದುಕೊಳ್ಳಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ಪಕ್ಷದ ಮಧ್ಯಂತರ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರನ್ನು ಗುರುವಾರ ಭೇಟಿ ಮಾಡಿದ್ದ ರಾಜಸ್ಥಾನ ಸಿಎಂ ಅಶೋಕ್ ಗೆಹ್ಲೋಟ್, ರಾಜಸ್ಥಾನದಲ್ಲಿನ ಬೆಳವಣಿಗೆಗಳಿಗೆ ನೈತಿಕ ಹೊಣೆ ಹೊತ್ತುಕೊಂಡಿದ್ದರು. ಹಾಗೆಯೇ ಸೋನಿಯಾ ಅವರ ಕ್ಷಮೆ ಕೋರಿದ್ದರು. ಆದರೆ, ಪಕ್ಷದ ರಾಜ್ಯ ಮುಖಂಡರ ಬಂಡಾಯ ನಿಂತಿಲ್ಲ.
ಹಾಲಿ ಸಿಎಂ ಗೆಹ್ಲೋಟ್ ಅವರು ಕಾಂಗ್ರೆಸ್ ಅಧ್ಯಕ್ಷ ಸ್ಥಾನಕ್ಕೆ ಆಯ್ಕೆಯಾದರೆ, ಅವರ ಜಾಗಕ್ಕೆ ಸಚಿನ್ ಪೈಲಟ್ ಅವರನ್ನು ನೇಮಿಸುವ ಬಗ್ಗೆ ಚರ್ಚಿಸಲು ಕಾಂಗ್ರೆಸ್ ಶಾಸಕಾಂಗ ಪಕ್ಷದ ಸಭೆ ಕರೆಯಲಾಗಿತ್ತು. ಆದರೆ ಕಳೆದ ಭಾನುವಾರ 92 ಶಾಸಕರು, ಪೈಲಟ್ ಅವರನ್ನು ಬೆಂಬಲಿಸುವ ಬದಲು ರಾಜೀನಾಮೆ ನೀಡುತ್ತೇವೆ ಎಂದು ಬೆದರಿಕೆ ಹಾಕಿದ್ದರು. ಗೆಹ್ಲೋಟ್ ಅವರ ಸಂಪುಟದ ಸಚಿವ ಗೋವಿಂದ್ ರಾಮ್ ಮೇಘವಾಲ್ ಅವರು ಮತ್ತೆ ಈ ಬೆದರಿಕೆ ಒಡ್ಡಿದ್ದಾರೆ. 'ದ್ರೋಹಿ'ಯನ್ನು ಸಚಿವರನ್ನಾಗಿ ಮಾಡಿದರೆ, 92 ಶಾಸಕರು ರಾಜೀನಾಮೆ ನೀಡುತ್ತಾರೆ ಎಂದು ಅವರು ತಿಳಿಸಿದ್ದಾರೆ.
ಗೆಹ್ಲೋಟ್ ವಿರುದ್ಧ ಸಚಿನ್ ಪೈಲಟ್ ಈ ಹಿಂದೆ ಬಂಡಾಯ ಎದ್ದಿದ್ದಾಗ, ಅವರ ಪರ ಬಣದಲ್ಲಿದ್ದ ಯಾರನ್ನೂ ಕಾಂಗ್ರೆಸ್ ಒಪ್ಪಿಕೊಳ್ಳುವುದಿಲ್ಲ ಎಂದು ಆರೋಗ್ಯ ಸಚಿವ ಪರ್ಸಾದಿ ಲಾಲ್ ಮೀನಾ ಹೇಳಿದ್ದಾರೆ. 2020ರ ಜುಲೈನಲ್ಲಿ 18 ಶಾಸಕರ ಜತೆ ಪೈಲಟ್ ಅವರು ಸಿಎಂ ನಾಯಕತ್ವದ ವಿರುದ್ಧ ಬಂಡಾಯ ಎದ್ದಿದ್ದರು.
"ಮೀನಾ ಅವರು ಹಿರಿಯ ನಾಯಕ. ಯಾವುದೇ ವಿಷಯದ ಸಂಕೀರ್ಣತೆ ವಿಶ್ಲೇಷಿಸದೆ ಅವರು ಏನನ್ನೂ ಹೇಳುವುದಿಲ್ಲ. ನನ್ನದೂ ಅದೇ ಅಭಿಪ್ರಾಯವಾಗಿದೆ. ಪೈಲಟ್ ಅವರಂತಹ ದ್ರೋಹಿಯನ್ನು ಸಿಎಂ ಆಗಿ ಒಪ್ಪಿಕೊಳ್ಳಲು ಸಾಧ್ಯವಿಲ್ಲ. ಸೋನಿಯಾ, ರಾಹುಲ್ ಮತ್ತು ಗೆಹ್ಲೋಟ್ ಅವರು ಮಾತ್ರ ನಮ್ಮ ನಾಯಕರು" ಎಂದು ಮೇಘವಾಲ್ ತಿಳಿಸಿದ್ದಾರೆ.
ಪಕ್ಷದ ಮಧ್ಯಂತರ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರನ್ನು ಗುರುವಾರ ಭೇಟಿ ಮಾಡಿದ್ದ ರಾಜಸ್ಥಾನ ಸಿಎಂ ಅಶೋಕ್ ಗೆಹ್ಲೋಟ್, ರಾಜಸ್ಥಾನದಲ್ಲಿನ ಬೆಳವಣಿಗೆಗಳಿಗೆ ನೈತಿಕ ಹೊಣೆ ಹೊತ್ತುಕೊಂಡಿದ್ದರು. ಹಾಗೆಯೇ ಸೋನಿಯಾ ಅವರ ಕ್ಷಮೆ ಕೋರಿದ್ದರು. ಆದರೆ, ಪಕ್ಷದ ರಾಜ್ಯ ಮುಖಂಡರ ಬಂಡಾಯ ನಿಂತಿಲ್ಲ.
ಹಾಲಿ ಸಿಎಂ ಗೆಹ್ಲೋಟ್ ಅವರು ಕಾಂಗ್ರೆಸ್ ಅಧ್ಯಕ್ಷ ಸ್ಥಾನಕ್ಕೆ ಆಯ್ಕೆಯಾದರೆ, ಅವರ ಜಾಗಕ್ಕೆ ಸಚಿನ್ ಪೈಲಟ್ ಅವರನ್ನು ನೇಮಿಸುವ ಬಗ್ಗೆ ಚರ್ಚಿಸಲು ಕಾಂಗ್ರೆಸ್ ಶಾಸಕಾಂಗ ಪಕ್ಷದ ಸಭೆ ಕರೆಯಲಾಗಿತ್ತು. ಆದರೆ ಕಳೆದ ಭಾನುವಾರ 92 ಶಾಸಕರು, ಪೈಲಟ್ ಅವರನ್ನು ಬೆಂಬಲಿಸುವ ಬದಲು ರಾಜೀನಾಮೆ ನೀಡುತ್ತೇವೆ ಎಂದು ಬೆದರಿಕೆ ಹಾಕಿದ್ದರು. ಗೆಹ್ಲೋಟ್ ಅವರ ಸಂಪುಟದ ಸಚಿವ ಗೋವಿಂದ್ ರಾಮ್ ಮೇಘವಾಲ್ ಅವರು ಮತ್ತೆ ಈ ಬೆದರಿಕೆ ಒಡ್ಡಿದ್ದಾರೆ. 'ದ್ರೋಹಿ'ಯನ್ನು ಸಚಿವರನ್ನಾಗಿ ಮಾಡಿದರೆ, 92 ಶಾಸಕರು ರಾಜೀನಾಮೆ ನೀಡುತ್ತಾರೆ ಎಂದು ಅವರು ತಿಳಿಸಿದ್ದಾರೆ.
ಗೆಹ್ಲೋಟ್ ವಿರುದ್ಧ ಸಚಿನ್ ಪೈಲಟ್ ಈ ಹಿಂದೆ ಬಂಡಾಯ ಎದ್ದಿದ್ದಾಗ, ಅವರ ಪರ ಬಣದಲ್ಲಿದ್ದ ಯಾರನ್ನೂ ಕಾಂಗ್ರೆಸ್ ಒಪ್ಪಿಕೊಳ್ಳುವುದಿಲ್ಲ ಎಂದು ಆರೋಗ್ಯ ಸಚಿವ ಪರ್ಸಾದಿ ಲಾಲ್ ಮೀನಾ ಹೇಳಿದ್ದಾರೆ. 2020ರ ಜುಲೈನಲ್ಲಿ 18 ಶಾಸಕರ ಜತೆ ಪೈಲಟ್ ಅವರು ಸಿಎಂ ನಾಯಕತ್ವದ ವಿರುದ್ಧ ಬಂಡಾಯ ಎದ್ದಿದ್ದರು.
"ಮೀನಾ ಅವರು ಹಿರಿಯ ನಾಯಕ. ಯಾವುದೇ ವಿಷಯದ ಸಂಕೀರ್ಣತೆ ವಿಶ್ಲೇಷಿಸದೆ ಅವರು ಏನನ್ನೂ ಹೇಳುವುದಿಲ್ಲ. ನನ್ನದೂ ಅದೇ ಅಭಿಪ್ರಾಯವಾಗಿದೆ. ಪೈಲಟ್ ಅವರಂತಹ ದ್ರೋಹಿಯನ್ನು ಸಿಎಂ ಆಗಿ ಒಪ್ಪಿಕೊಳ್ಳಲು ಸಾಧ್ಯವಿಲ್ಲ. ಸೋನಿಯಾ, ರಾಹುಲ್ ಮತ್ತು ಗೆಹ್ಲೋಟ್ ಅವರು ಮಾತ್ರ ನಮ್ಮ ನಾಯಕರು" ಎಂದು ಮೇಘವಾಲ್ ತಿಳಿಸಿದ್ದಾರೆ.