ಕೇಂದ್ರ ಸರಕಾರದ ಮೌನದ ಹಿಂದೆ ದೊಡ್ಡ ಪಿತೂರಿ!

ಲಖನೌ: ಕೃಷಿ ಕಾಯಿದೆಗಳನ್ನು ವಿರೋಧಿಸಿ ಮೂರು ತಿಂಗಳಿಂದ ದಿಲ್ಲಿ ಗಡಿಯಲ್ಲಿ ಪ್ರತಿಭಟನೆ ನಡೆಸಿರುವ ರೈತರ ವಿರುದ್ಧ ಕೇಂದ್ರ ಸರಕಾರ ಕೆಲವು ಕಠಿಣ ಕ್ರಮಗಳನ್ನು ಕೈಗೊಳ್ಳುವ ಸಾಧ್ಯತೆ ಇದೆ ಎಂದು ಭಾರತೀಯ ಕಿಸಾನ್‌ ಯುನಿಯನ್ ‌(ಬಿಕೆಯು) ಮುಖಂಡ ರಾಕೇಶ್‌ ಟಿಕಾಯತ್‌ ಹೇಳಿದ್ದಾರೆ.

ವಿವಿಧ ರಾಜ್ಯಗಳನ್ನು ಸುತ್ತಿ ಪ್ರತಿಭಟನೆಗೆ ರೈತರನ್ನು ಸಂಘಟಿಸುತ್ತಿರುವ ಟಿಕಾಯತ್‌, ಸೋಮವಾರ ಉತ್ತರಾಖಂಡದ ಉಧಮ್‌ಸಿಂಗ್‌ ನಗರಕ್ಕೆ ತೆರಳುವ ಮುನ್ನ ಸುದ್ದಿಗಾರರೊಂದಿಗೆ ಮಾತನಾಡಿದರು.

''ಕೇಂದ್ರ ಸರಕಾರ ಈಗ ಮಾತುಕತೆಯ ಪ್ರಸ್ತಾಪ ಮಾಡುತ್ತಿಲ್ಲ. ಕಳೆದ 15-20 ದಿನಗಳಿಂದ ಮೌನಕ್ಕೆ ಶರಣಾಗಿದೆ. ಸರಕಾರ ಈ ರೀತಿ ಮೌನ ವಹಿಸಿದೆ ಎಂದರೆ ರೈತರ ವಿರುದ್ಧ ಏನೋ ಕಠಿಣ ಕ್ರಮಕ್ಕೆ ತಯಾರಿ ನಡೆಸಿದೆ ಎಂದೇ ಅರ್ಥ,'' ಎಂದರು.

''ಸರಕಾರ ಏನೇ ಕಠಿಣ ಕ್ರಮ ಕೈಗೊಂಡರೂ ರೈತರು ಹೆದರುವುದಿಲ್ಲ. ಕಾಯಿದೆಗಳ ರದ್ದು ಬೇಡಿಕೆ ಈಡೇರಿದರೆ ಮಾತ್ರ ಪ್ರತಿಭಟನಾ ಸ್ಥಳ ತೆರವುಗೊಳಿಸಲು ಸಾಧ್ಯ. ಏನೇ ಪರಿಸ್ಥಿತಿ ಎದುರಾ-ದರೂ ಎದುರಿಸಲು ಸಿದ್ಧರಿದ್ದೇವೆ'' ಎಂದು ರಮೇಶ್‌ ಟಿಕಾಯತ್‌ ಹೇಳಿದರು.