ರಾಮಮಂದಿರ ಟ್ರಸ್ಟ್‌ ಮೊದಲ ಸಭೆ ಪೂರ್ಣ; ನೃತ್ಯ ಗೋಪಾಲ್‌ದಾಸ್‌ ಅಧ್ಯಕ್ಷ, ಮೋದಿ ಮಾಜಿ ಸಲಹೆಗಾರ ನಿರ್ಮಾಣ ಸಮಿತಿ ಮುಖ್ಯಸ್ಥ, 15 ದಿನದಲ್ಲಿ ನಿರ್ಮಾಣ ದಿನಾಂಕ ಪ್ರಕಟ

ಹೊಸದಿಲ್ಲಿ: ಅಯೋಧ್ಯೆಯಲ್ಲಿರಾಮ ಮಂದಿರ ನಿರ್ಮಾಣ ಉದ್ದೇಶಕ್ಕಾಗಿ ಕೇಂದ್ರ ಸರಕಾರ ರಚಿಸಿರುವ ‘ರಾಮ ಜನ್ಮಭೂಮಿ ತೀರ್ಥಕ್ಷೇತ್ರ ಟ್ರಸ್ಟ್‌’ ಅಧ್ಯಕ್ಷರನ್ನಾಗಿ ರಾಮ ಜನ್ಮಭೂಮಿ ನ್ಯಾಸ್‌ ಮುಖ್ಯಸ್ಥ ಮಹಾಂತ್‌ ನೃತ್ಯ ಗೋಪಾಲ್‌ ದಾಸ್‌ ಅವರನ್ನು ಆಯ್ಕೆ ಮಾಡಲಾಗಿದೆ.

ಹೊಸದಿಲ್ಲಿಯಲ್ಲಿಬುಧವಾರ ನಡೆದ ಚೊಚ್ಚಲ ಸಭೆಯಲ್ಲಿಚಂಪತ್‌ ರಾಯ್‌ ಅವರನ್ನು ಟ್ರಸ್ಟ್‌ ಪ್ರಧಾನ ಕಾರ್ಯದರ್ಶಿಯನ್ನಾಗಿ ಹಾಗೂ ಗೋವಿಂದ್‌ ಗಿರಿ ಅವರನ್ನು ಖಜಾಂಚಿಯಾಗಿ ನೇಮಿಸಲಾಗಿದೆ.

ನಿರ್ಮಾಣ ಸಮಿತಿ ರಚನೆ

ಮಂದಿರ ನಿರ್ಮಾಣ ಉಸ್ತುವಾರಿಗಾಗಿ ‘ನಿರ್ಮಾಣ ಸಮಿತಿ’ಯನ್ನೂ ರಚಿಸಲಾಗಿದ್ದು ನಿವೃತ್ತ ಐಎಎಸ್‌ ಅಧಿಕಾರಿ, ಪ್ರಧಾನಿ ಮೋದಿ ಅವರ ಮಾಜಿ ಸಲಹೆಗಾರ ನೃಪೇಂದ್ರ ಮಿಶ್ರಾ ಅವರಿಗೆ ಈ ಸಮಿತಿಯ ಮುಖ್ಯಸ್ಥರ ಹೊಣೆಗಾರಿಕೆ ನೀಡಲಾಗಿದೆ.

ಅಯೋಧ್ಯೆಯ ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ ಶಾಖೆಯಲ್ಲಿದೇಣಿಗೆ ಸಂಗ್ರಹಕ್ಕೆ ಖಾತೆ ತೆರೆಯಲು ನಿರ್ಧರಿಸಲಾಗಿದೆ. 15 ದಿನಗಳ ನಂತರ ನಡೆಯಲಿರುವ ಮತ್ತೊಂದು ಸಭೆಯಲ್ಲಿ ಮಂದಿರ ನಿರ್ಮಾಣ ದಿನಾಂಕ ಪ್ರಕಟವಾಗಲಿದೆ.