ಆರ್‌ಎಸ್‍ಎಸ್ ಮತ್ತು ಮುಸ್ಲಿಮ್ ಬ್ರದರ್‌ಹುಡ್ ಬಗ್ಗೆ ರಮ್ಯಾ ಟ್ವೀಟ್

ಹೊಸದಿಲ್ಲಿ: ಮುಂದಿನ ಲೋಕಸಭೆ ಚುನಾವಣೆಗೆ ಕಾಂಗ್ರೆಸ್‌ ಅಭ್ಯರ್ಥಿಗಾಗಿ ಮಾಜಿ ಸಂಸದೆ ರಮ್ಯಾ ಸ್ಪರ್ಧಿಸಲು ತಯಾರಾಗುತ್ತಿರುವ ಬೆನ್ನಿಗೆ ಟ್ವಿಟರ್‌ನಲ್ಲೂ ಮತ್ತೆ ಕ್ರಿಯಾಶೀಲರಾಗಿದ್ದಾರೆ. ಮುಂಬರುವ ಲೋಕಸಭೆ ಚುನಾವಣೆಗೆ ರಮ್ಯಾ ಸ್ಪರ್ಧಿಸುವ ಬಗ್ಗೆ ಅವರ ತಾಯಿ ರಂಜಿತಾ ಖಚಿತಪಡಿಸಿರುವುದು ಗೊತ್ತೇ ಇದೆ.

ಇದೀಗ ರಮ್ಯಾ ಮತ್ತೆ ಟ್ವಿಟರ್‌ನಲ್ಲಿ ಆಕ್ಟೀವ್ ಆಗಿದ್ದು ರಾಷ್ಟ್ರೀಯ ಸ್ವಯಂ ಸೇವಕ ಸಂಘ ಮತ್ತು ಮುಸ್ಲಿಮ್ ಬ್ರದರ್‌ಹುಡ್ ಬಗ್ಗೆ ಮಾಡಿರುವ ಟ್ವೀಟ್ ಭಾರಿ ಚರ್ಚೆಗೆ ಗ್ರಾಸವಾಗಿದೆ. ಆರ್‌ಎಸ್‌ಎಸ್ ಮತ್ತು ಮುಸ್ಲಿಮ್ ಬ್ರದರ್‌ಹುಡ್ ಬಗ್ಗೆ ಕೆಲವು ಹೋಲಿಕೆಗಳನ್ನು ಮಾಡಿ ಇದು ಕಾಕತಾಳೀಯವೇ ಅಥವಾ ತಂತ್ರವೇ ಎಂದು ಕೇಳಿರುವುದು ಹಲವು ನೆಟ್ಟಿಗರನ್ನು ಕೆರಳಿಸಿದೆ.


ರಮ್ಯಾ ಟ್ವೀಟ್ ಮಾಡಿರುವ ಇನ್ಫೋಗ್ರಾಫಿಕ್ಸ್‌ನಲ್ಲಿ ಆರ್‌ಎಸ್‌ಎಸ್ ಸ್ಥಾಪನೆಯಾದ ವರ್ಷ ಮುಸ್ಲಿಮ್ ಬ್ರದರ್‌ಹುಡ್ ಅಸ್ಥಿತ್ವಕ್ಕೆ ಬಂದದ್ದು, ಎರಡರ ಉದ್ದೇಶ ಜಾತ್ಯಾತೀತ ರಾಷ್ಟ್ರಗಳ ನಿರ್ಮಾಣ ಎಂಬ ಅಂಶಗಳನ್ನು ಪ್ರಸ್ತಾವಿಸಿದ್ದಾರೆ.

2011ರಲ್ಲಿ ಆರ್‌‍ಎಸ್‌ಎಸ್‍ಗೆ ಅಣ್ಣಾ ಹಜಾರೆ ಚಳವಳಿ ಬಲ ನೀಡಿತು ಮೋದಿ ಅಧಿಕಾರಕ್ಕೆ ಬರುವಂತಾಯಿತು. ಇದೇ ವೇಳೆಯಲ್ಲಿ ಈಜಿಪ್ಟ್‌ನಲ್ಲಿ ಮೋರ್ಸಿ ಅಧಿಕಾರಕ್ಕೆ ಬಂದ ಎಂದು ಆರ್‌ಎಸ್‌ಎಸ್ ಮತ್ತು ಮುಸ್ಲಿಮ್ ಬ್ರದರ್‌ಹು ಬಗ್ಗೆ ಕೆಲವು ಹೋಲಿಕೆಗಳನ್ನು ನೀಡಿ ಇದು ಕಾಕತಾಳೀಯವೇ ಅಥವಾ ತಂತ್ರವೇ ಎಂದು ಕೇಳಿರುವುದು ಚರ್ಚೆಗೆ ಗ್ರಾಸವಾಗಿದೆ.

ರಮ್ಯಾ ಅವರ ಟ್ವೀಟ್‍ಗೆ ಸಾಕಷ್ಟು ಕಾಮೆಂಟ್‌ಗಳು ಹರಿದುಬರುತ್ತಿವೆ. ಕೆಲವರು ಮಾವೋವಾದಿಗಳು ಮತ್ತು ಕಾಂಗ್ರೆಸ್‌ನ ಹೋಲಿಕೆ ಮಾಡಿ ರಮ್ಯಾರನ್ನು ಕೆಣಕಿದ್ದಾರೆ. ಒಬ್ಬರು ಪ್ರಿಯಾಂಕಾ ಚೋಪ್ರಾ ಮತ್ತು ರಮ್ಯಾಗೆ ಹೋಲಿಕೆ ಮಾಡಿದ್ದಾರೆ.