ಹೊಸದಿಲ್ಲಿ: ಪಾಕಿಸ್ತಾನದ ವಿರುದ್ಧ ಇನ್ನಷ್ಟು ಸರ್ಜಿಕಲ್‌ ದಾಳಿಗಳನ್ನು ತಳ್ಳಿಹಾಕಲಾಗದು ಎಂದು ಭೂಸೇನಾ ವರಿಷ್ಠ ಜನರಲ್‌ ಬಿಪಿನ್‌ ರಾವತ್‌ ಹೇಳಿದ್ದಾರೆ. 'ಅಪ್ರಚೋದಿತ ಕದನ ವಿರಾಮ ಉಲ್ಲಂಘನೆ, ಉಗ್ರರ ಉಪಟಳ ಮುಂದುವರಿದರೆ ನೆರೆ ದೇಶಕ್ಕೆ ಕಠಿಣ ಸಂದೇಶ ರವಾನಿಸುವುದು ಅನಿವಾರ‍್ಯ. ಮತ್ತಷ್ಟು ಸೀಮಿತ ದಾಳಿ ನಡೆಸುವ ಸಾಧ್ಯತೆಯನ್ನು ತಳ್ಳಿಹಾಕಲಾಗದು' ಎಂದು ಜನರಲ್‌ ರಾವತ್‌ ತಿಳಿಸಿದ್ದಾರೆ.
ಗಡಿಯಲ್ಲಿ ಶಾಂತಿ. ಭದ್ರತೆ ಕಾಪಾಡಿ, ದೇಶವನ್ನು ಸುರಕ್ಷಿತವಾಗಿರಿಸುವುದು ಸಶಸ್ತ್ರಪಡೆಗಳ ಕರ್ತವ್ಯ. ಇದಕ್ಕೆ ಸವಾಲೊಡ್ಡುವವರ ವಿರುದ್ಧ ತೋಳ್ಬಲ ಪ್ರದರ್ಶನಕ್ಕೆ ನಾವು ಹಿಂಜರಿಯುವುದಿಲ್ಲ ಎಂದು ಅವರು ಪಾಕ್‌ಗೆ ಕಠಿಣ ಎಚ್ಚರಿಕೆ ನೀಡಿದ್ದಾರೆ.
