ರಿಲಯನ್ಸ್ ಜಿಯೋ ಬ್ರಾಡ್‌ಬ್ಯಾಂಡ್ ಕನಿಷ್ಠ ವೇಗ 100 Mbps

ಮುಂಬೈ: ಈಗಾಗಲೆ 4ಜಿ ಸೇವೆ ಮೂಲಕ ಸಂಚಲನ ಮೂಡಿಸಿರುವ ರಿಲಯನ್ಸ್ ಜಿಯೋ ಇದೀಗ ಆಯ್ದ ನಗರಗಳಲ್ಲಿ ಫೈಬರ್ ಬ್ರಾಡ್‌ಬ್ಯಾಂಡ್ ಸೇವೆಯನ್ನು ಆರಂಭಿಸಿದೆ. ಮುಂಬೈ, ದೆಹಲಿ, ಜಾಮ್‌ನಗರ್, ಸೂರತ್, ಅಹ್ಮದಾಬಾದ್ ಮತ್ತು ವಡೋದರಾದ ಕೆಲವು ಪ್ರದೇಶಗಳಲ್ಲಿ ಆರಂಭಿಸಲಾಗಿದೆ.

ಟ್ವಿಟ್ಟರ್ ಬಳಕೆದಾರರೊಬ್ಬರು ಕೇಳಿದ ಪ್ರಶ್ನೆಗೆ ಜಿಯೋ ಟ್ವಿಟ್ಟರ್ ಮೂಲಕವೇ ಉತ್ತರಿಸಿದೆ. ಈಗ ಆರಂಭಿಕವಾಗಿ ಕೆಲವು ನಗರಗಳಲ್ಲಷ್ಟೇ ಬ್ರಾಡ್‌ಬ್ಯಾಂಡ್ ಸೇವೆ ಆರಂಭಿಸಲಾಗಿದ್ದು ಶೀಘ್ರದಲ್ಲೇ ಪೂರ್ಣ ಪ್ರಮಾಣದಲ್ಲಿ ಉಳಿದ ನಗರಗಳಲ್ಲೂ ಆರಂಭಿಸಲಾಗುತ್ತದೆ ಎಂದು ತಿಳಿಸಿದೆ.

ಜೂನ್ 2017ರಿಂದ ಜಿಯೋ ಫೈಬರ್ ಟು ಹೋಂ (ಎಫ್‌ಟಿಟಿಎಚ್) ವಾಣಿಜ್ಯ ಸೇವೆಗಳನ್ನು ಆರಂಭಿಸಲಿರುವುದಾಗಿ ಮೂಲಗಳು ಹೇಳಿವೆ. ಹೋಂ ಬ್ರಾಡ್‍ಬ್ಯಾಂಡ್ ಸೇವೆಯಡಿ ವಿವಿಧ ಯೋಜನೆಗಳ ವೇಗ ಕನಿಷ್ಠ 100 ಎಂಬಿಪಿಎಸ್‌ನಿಂದ 1ಜಿಬಿ ತನಕ ಇರುತ್ತದೆ.

ಜಿಯೋ ಮೂಲಗಳ ಪ್ರಕಾರ, ಒಂದು ನಿಮಿಷದಲ್ಲಿ 100 ಫೋಟೋಗಳು (500 ಎಂಬಿ) ಅಥವಾ 100 ಹಾಡುಗಳನ್ನು (1ಜಿಬಿ) 2 ನಿಮಿಷಗಳಲ್ಲಿ ಡೌನ್‌ಲೋಡ್ ಮಾಡಿಕೊಳ್ಳಬಹುದಾಗಿದೆ. ಅದೇ ರೀತಿ ಟ್ರೂ ಎಚ್‌ಡಿ ಮೂವಿಗಳನ್ನು (5ಜಿಬಿ) 7 ನಿಮಿಷಗಳಲ್ಲಿ ಜಿಯೋ ಬ್ರಾಡ‌ಬ್ಯಾಂಡ್‍ನಿಂದ ಡೌನ್‌ಲೋಡ್ ಮಾಡಿಕೊಳ್ಳಬಹುದಾಗಿದೆ.

ಹೋಂ ಬ್ರಾಡ್‍ಬ್ಯಾಂಡ್ ಸೇವೆಯ ಜತೆಗೆ, ಡಿಟಿಎಚ್, ಸ್ಮಾರ್ಟ್ ಟಿವಿ ಬಾಕ್ಸ್, ಬೇರೆ ಬೇರೆ ಇಂಟರ್‌ನೆಟ್ ಸೇವೆಗಳನ್ನು (ಐಓಟಿ) ಆರಂಭಿಸಲಿದೆ ಎಂಬ ಮಾತುಗಳು ಕೇಳಿಬರುತ್ತಿವೆ. ರಿಲಯನ್ಸ್ ಜಿಯೋ ಈಗಾಗಲೆ ದೇಶದಾದ್ಯಂತ ಅತಿವೇಗದ ಫೈಬರ್ ಬ್ರಾಡ್‌ಬ್ಯಾಂಡ್ ಸಂಪರ್ಕವನ್ನು ಹಾಕಲಾಗಿದೆ ಎನ್ನಲಾಗಿದೆ.

Reliance Jio introduces Fiber broadband preview offer in select cities

Before a full-fledged roll-out, Reliance Jio introduced its Fiber broadband services in certain areas of Mumbai, Delhi-NCR, Jamnagar, Surat, Ahmedabad and Vadodara.