ಸೋನು ನಿಗಮ್‌ ಪಾಕ್‌ ಪ್ರೇಮಕ್ಕೆ ತರಾಟೆ

ಮುಂಬಯಿ: ಕೆಲವು ತಿಂಗಳ ಹಿಂದೆ ಮುಸ್ಲಿಮರ ಆಜಾನ್‌ ವಿರುದ್ಧ ಧ್ವನಿ ಎತ್ತಿ ಸುದ್ದಿಯಾಗಿದ್ದ ಗಾಯಕ ಸೋನು ನಿಗಮ್‌ ಈಗ 'ಪಾಕಿಸ್ತಾನ ಪರ ಪ್ರೇಮ'ದ ಹೇಳಿಕೆಯಿಂದ ವಿವಾದಕ್ಕೆ ಒಳಗಾಗಿದ್ದಾರೆ.

ಭಾನುವಾರ ನಡೆದ ಕಾರ್ಯಕ್ರಮವೊಂದರಲ್ಲಿ ಸೋನು ನಿಗಮ್‌ ಅವರು, ''ನಾನು ಪಾಕಿಸ್ತಾನದವನಾಗಿದ್ದರೆ ಚೆನ್ನಾಗಿತ್ತು,'' ಎಂದು ಹೇಳಿದ್ದರು. ಇದೊಂದೇ ವಾಕ್ಯ ಅವರ ವಿರುದ್ಧ ಎಲ್ಲ ಕಡೆಯಿಂದ ಮುಗಿ ಬೀಳಲು ಕಾರಣವಾಯಿತು.

ವಿವಾದದಿಂದ ಬೇಸರಗೊಂಡಿರುವ ಸೋನು ನಿಗಮ್‌ ತನ್ನ ಹೇಳಿಕೆಗೆ ಸ್ಪಷ್ಟೀಕರಣ ನೀಡಿದ್ದಾರೆ.

ನಾನು ಈ ಹೇಳಿಕೆ ನೀಡಿದ್ದು ನಿಜ. ಆದರೆ, ಅದರ ಅರ್ಥ ಅದಲ್ಲ. ಭಾರತದಲ್ಲಿ ಹೊರದೇಶದ ಕಲಾವಿದರಿಗೆ ಒಳ್ಳೆಯ ಸಂಭಾವನೆ ಕೊಡುತ್ತಾರೆ. ಒಂದೊಮ್ಮೆ ನಾನು ಪಾಕಿಸ್ತಾನದ ಕಲಾವಿದನಾಗಿದ್ದರೆ ಭಾರತದಲ್ಲಿ ನನ್ನನ್ನು ಕರೆಸಿಕೊಳ್ಳುತ್ತಿದ್ದರು, ಒಳ್ಳೆಯ ಸಂಭಾವನೆಯೂ ಸಿಗುತ್ತಿತ್ತು ಎಂದು ಹೇಳಿದ್ದಾಗಿ ಫೇಸ್‌ಬುಕ್‌ನಲ್ಲಿ ಬರೆದುಕೊಂಡಿದ್ದಾರೆ.