ಆಗ್ರಾ: ನಾಲ್ಕು ದಿನಗಳ ಹಿಂದೆ ಆರಂಭವಾಗಿರುವ ಪ್ರೇಮಸೌಧ ತಾಜ್ಮಹಲ್ನ ನಾಲ್ಕು ಸ್ತಂಭ ಗೋಪುರಗಳ ದುರಸ್ತಿ ಕಾರ್ಯ ಸೆ.15ರ ಒಳಗೆ ಅಂದರೆ ವಿಶ್ವ ಪ್ರವಾಸೋದ್ಯಮ ದಿನಕ್ಕೂ ಮುನ್ನವೇ ಮುಕ್ತಾಯವಾಗಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ''ಸ್ತಂಭ ಗೋಪುರಗಳಿಗೆ ಯಾವುದೇ ಅಪಾಯವಿಲ್ಲ. ಆದರೆ ಕೆಲವೊಂದು ಕಲ್ಲಿನ ಸ್ಪ್ಯಾಬ್ಗಳನ್ನು ಬದಲಿಸಬೇಕಿದೆ, ಬ್ಲ್ಯಾಕ್ ಸ್ಟೋನ್ ಲೈನಿಂಗ್ ಸರಿಪಡಿಸುವ ಅಗತ್ಯವಿದೆ. ದುರಸ್ತಿ ಕಾರ್ಯವನ್ನು ಸಾಧ್ಯವಾದಷ್ಟು ಶೀಘ್ರ ಮುಗಿಸಲು ಕ್ರಮ ಕೈಗೊಳ್ಳಲಾಗಿದೆ,'' ಎಂದು ಕಾಮಗಾರಿಯ ಉಸ್ತುವಾರಿ ಹೊತ್ತಿರುವ ಅಧಿಕಾರಿ ಅಮರ್ ನಾತ್ ಗುಪ್ತ ತಿಳಿಸಿದ್ದಾರೆ. ಯಮುನಾ ನದಿ ದಡದಲ್ಲಿರುವ 17ನೇ ಶತಮಾನದ ತಾಜ್ಮಹಲ್ನ ಹಿಂಬದಿಯಲ್ಲಿ ಹೆಚ್ಚಿನ ದುರಸ್ತಿ ಕಾರ್ಯ ನಡೆಸಬೇಕಿದೆ. ಇದು ಸಾಮಾನ್ಯ ದುರಸ್ತಿಯಲ್ಲ. ವಿಶೇಷ ಕೌಶಲ್ಯ ಮತ್ತು ಮುತುವರ್ಜಿಯಿಂದ ಇದನ್ನು ನೆರವೇರಿಸಬೇಕು ಎಂದು ಅವರು ಹೇಳಿದ್ದಾರೆ.
ಸೆ.15ರೊಳಗೆ ತಾಜ್ಮಹಲ್ ಸ್ತಂಭಗೋಪುರ ದುರಸ್ತಿ ಪೂರ್ಣ
ಸ್ತಂಭ ಗೋಪುರಗಳಿಗೆ ಯಾವುದೇ ಅಪಾಯವಿಲ್ಲ. ಆದರೆ ಕೆಲವೊಂದು ಕಲ್ಲಿನ ಸ್ಪ್ಯಾಬ್ಗಳನ್ನು ಬದಲಿಸಬೇಕಿದೆ, ಬ್ಲ್ಯಾಕ್ ಸ್ಟೋನ್ ಲೈನಿಂಗ್ ಸರಿಪಡಿಸುವ ಅಗತ್ಯವಿದೆ.
Agencies 14 Jul 2019, 5:00 am