O ರಕ್ತದ ಗುಂಪಿನವರಿಗೆ ಕೊರೊನಾ ಭಯ ಕಡಿಮೆ!
ವೈದ್ಯಕೀಯ ಸಂಶೋಧನೆ ಪ್ರಕಾರ ವಿಶ್ವದಾದ್ಯಂತ ಕೊರೊನಾ ಸೋಂಕು ತಗಲಿರುವವರ ಪೈಕಿ, O ರಕ್ತದ ಗುಂಪನ್ನು ಹೊಂದಿರುವವರ ಸಂಖ್ಯೆ ಕಡಿಮೆ. ಅಲ್ಲದೇ O ರಕ್ತದ ಗುಂಪು ಹೊಂದಿರುವ ಕೊರೊನಾ ಸೋಂಕಿತರಿಗೆ ಅಪಾಯವೂ ಅಲ್ಪಪ್ರಮಾಣದ್ದು ಎನ್ನಲಾಗಿದೆ.
ಯಾವುದಾದ್ರೂ ಒಂದು ರಕ್ತದ ಗುಂಪಿನವರಿಗೇ ಕೊರೊನಾ ಸೋಂಕು ಹೆಚ್ಚಾಗಿ ಹರಡುವ ಸಾಧ್ಯತೆ ಇದ್ಯಾ..?
ಫೆಬ್ರವರಿ 27, 2020 ರಿಂದ ಜುಲೈ 30, 2020 ರವರೆಗೆ, ಡೆನ್ಮಾರ್ಕ್‌ನಲ್ಲಿ ಕೋವಿಡ್ -19 ಸೋಂಕಿಗೆ ತುತ್ತಾಗಿರುವ ಒಟ್ಟು 8,41,327 ಜನರನ್ನು ಪಾಲಿಮರೇಸ್ ಚೈನ್ ರಿಯಾಕ್ಷನ್ ಪದ್ದತಿ ಅನುಸರಿಸಿ ಪರೀಕ್ಷೆ ಮಾಡಲಾಯಿತು. ಈ ಪೈಕಿ473,654 ವ್ಯಕ್ತಿಗಳು ಪರೀಕ್ಷೆಗೆ ಅರ್ಹರಾಗಿದ್ದು, (7,422 ಧನಾತ್ಮಕ ಮತ್ತು 466,232 ನಕಾರಾತ್ಮಕ). O ರಕ್ತದ ಗುಂಪು ಹೊಂದಿರುವ ಸೋಂಕಿತರು ಕಡಿಮೆ ಸಂಖ್ಯೆಯಲ್ಲಿದ್ದರು. ಅಲ್ಲದೇ O ರಕ್ತದ ಗುಂಪಿನ ಸೋಂಕಿತರಲ್ಲಿ ಅಪಾಯವೂ ಕಡಿಮೆ ಕಂಡುಬಂದಿದೆ ಎನ್ನಲಾಗಿದೆ.
A, AB ರಕ್ತದ ಗುಂಪಿನವರಲ್ಲಿ ಅಪಾಯ ಹೆಚ್ಚು!
ಅದರಂತೆ ಮತ್ತೊಂದು ಅಧ್ಯಯನದ ಪ್ರಕಾರ, A, AB ರಕ್ತದ ಗುಂಪನ್ನು ಹೊಂದಿರುವವರು ಹೆಚ್ಚಿನ ಸಂಖ್ಯೆಯಲ್ಲಿ ಕೊರೊನಾ ಸೋಂಕಿತರಾಗಿ ಬಳಲುತ್ತಿದ್ದಾರೆ. ಈ ರಕ್ತದ ಗುಂಪುಗಳ ಜನರಲ್ಲಿ ಕೊರೊನಾ ಸೋಂಕಿನ ಅಪಾಯ ಹೆಚ್ಚು ಎನ್ನಲಾಗಿದ್ದು, ಶ್ವಾಸಕೋಶ ಮತ್ತು ಕಿಡ್ನಿಗೆ ಹೆಚ್ಚಿನ ಹಾನಿ ಸಂಭವಿಸುತ್ತದೆ ಎಂಬುದು ತಿಳಿದುಬಂದಿದೆ.
ಕೊರೋನಾ ವೈರಸ್ ಸೋಂಕಿನಿಂದ ಕಿವುಡು ಎದುರಾಗಬಹುದೇ?
A, AB ರಕ್ತದ ಗುಂಪು ಹೊಂದಿರುವ ಜನರು ಹೆಚ್ಚು ಕೋವಿಡ್ -19 ರೋಗದ ತೀವ್ರತೆಯನ್ನು ಪ್ರದರ್ಶಿಸುತ್ತಾರೆ. B ರಕ್ತದ ಗುಂಪಿನವರಲ್ಲೂ ಈ ಅಪಾಯ ಹೆಚ್ಚು ಎಂದು ಅಂದಾಜಿಸಲಾಗಿದೆ. ಅದಾಗ್ಯೂ ಈ ಸಂಶೋಧನೆಗಳಿಗೆ ಆಧಾರವಾಗಿರುವ ಜೈವಿಕ ಕಾರ್ಯವಿಧಾನಗಳನ್ನು ವಿವರಿಸಲು ಹೆಚ್ಚಿನ ಸಂಶೋಧನೆ ಅಗತ್ಯವಿದೆ ಎಂದೂ ಸ್ಪಷ್ಟಪಡಿಸಲಾಗಿದೆ .
ಸೋಂಕಿತರಲ್ಲಿ ವ್ಯತ್ಯಾಸವಿದೆಯಾ?
O ರಕ್ತದ ಗುಂಪು ಅಥವಾ A, AB ರಕ್ತದ ಗುಂಪು ಹೊಂದಿರುವ ಸೋಂಕಿತರಲ್ಲಿ ಯಾವುದೇ ವ್ಯತ್ಯಾಸವಿಲ್ಲ ಎಂದು ಸ್ಪಷ್ಟಪಡಿಸಲಾಗಿದೆ. ಎಲ್ಲ ಸೋಂಕಿತರಲ್ಲೂ ಕೊರೊನಾ ಒಂದೇ ರೀತಿಯಾಗಿ ವರ್ತಿಸುತ್ತದೆ. ಆದರೆ ರಕ್ತದ ಗುಂಪು ಆಧರಿಸಿ ಅಪಾಯದ ಮಟ್ಟ ಹೆಚ್ಚು ಅಥವಾ ಕಡಿಮೆ ಇರುತ್ತದೆ ಎನ್ನಲಾಗಿದೆ.
ಮೂಗು ಸೋರುವಿಕೆ ಹಾಗೂ ಮೂಗು ಕಟ್ಟುವಿಕೆ, ಕೊರೊನಾದ ಹೊಸ ಲಕ್ಷಣಗಳು!
ಆದರೆ ಕೊರೊನಾ ಸೋಂಕಿತರ ಪೈಕಿ, A, B ಹಾಗೂ AB ರಕ್ತದ ಗುಂಪಿನವರೇ ಅಧಿಕವಾಗಿದ್ದು, ಇವರ ಶ್ವಾಸಕೋಶ ಮತ್ತು ಕಿಡ್ನಿಗೆ ಹೆಚ್ಚಿನ ಹಾನಿಯುಂಟಾಗಿರುವುದರಲ್ಲದೇ, ಮರಣ ಪ್ರಮಾಣವೂ ಈ ರಕ್ತದ ಗುಂಪುಗಳ ಜನರಲ್ಲೇ ಅಧಿಕ ಎನ್ನಲಾಗಿದೆ. ಆದರೆ ಈ ಅಧ್ಯಯನಗಳನ್ನು ಮತ್ತಷ್ಟು ಸಂಶೋಧನೆಗಳಿಗೆ ಗುರಿಮಾಡಬೇಕಿದೆ ಎಂದೂ ವೈದ್ಯ ವಿಜ್ಞಾನಿಗಳು ಸ್ಪಷ್ಟಪಡಿಸಿದ್ದಾರೆ.
O ರಕ್ತದ ಗುಂಪಿನವರ ಪ್ರಯೋಜನಗಳು!
O ನಗೆಟಿವ್ ರಕ್ತದ ಗುಂಪನ್ನು ಹೊಂದಿರುವವರನ್ನು ಸಾರ್ವತ್ರಿಕ ದಾನಿಗಳು ಎಂದು ಕರೆಯಲಾಗುತ್ತದೆ. ಕಾರಣ ಇವರು ಯಾವುದೇ ರಕ್ತದ ಗುಂಪಿನವರಿಗೂ ತಮ್ಮ ರಕ್ತವನ್ನು ದಾನ ಮಾಡಬಹದಾಗಿದೆ. ಆದರೆ ಅವರು ಮಾತ್ರ O ನೆಗೆಟಿವ್ ರಕ್ತದ ಗುಂಪನ್ನೇ ಪಡೆಯಬೇಕಾಗುತ್ತದೆ.
ಕೊರೊನಾ ಚೇತರಿಕೆ ಬಳಿಕವೂ ಲಕ್ಷಣಗಳು ಕಾಣಿಸುವುದು! ಇರಲಿ ಎಚ್ಚರ
O ಪಾಸಿಟಿವ್ ರಕ್ತದ ಜನರು A+, B +, O +, AB+ ನಂತಹ ಧನಾತ್ಮಕ ರಕ್ತ ಗುಂಪುಗಳನ್ನು ಹೊಂದಿರುವ ಜನರಿಗೆ ಮಾತ್ರ ರಕ್ತದಾನ ಮಾಡಬಹುದು. ಅವರು O ಪಾಸಿಟಿವ್ ಅಥವಾ O ನೆಗೆಟಿವ್ ಪ್ರಕಾರಗಳಿಂದ ಮಾತ್ರ ರಕ್ತ ಪಡೆಯಬಹುದು.