ಉತ್ತರಾಖಂಡ್‌ನಲ್ಲಿ 13 ಮಿಲಿಯನ್ ವರ್ಷಗಳ ಹಿಂದಿನ ವಾನರ ಪ್ರಭೇದದ ಪಳೆಯುಳಿಕೆ ಪತ್ತೆ!

ಡೆಹ್ರಾಡೂನ್: ಉತ್ತರಾಖಂಡ್‌ದಲ್ಲಿ ಸುಮಾರು 13 ಮಿಲಿಯನ್ ವರ್ಷಗಳಷ್ಟು ಹಿಂದಿನ ವಾನರ ಪ್ರಭೇದದ ಪಳೆಯುಳಿಕೆಯಯೊಂದನ್ನು ಸಂಶೋಧಕರು ಪತ್ತೆ ಹಚ್ಚಿದ್ದಾರೆ. ಈ ಸಂಶೋಧನೆ ಜೀವ ಪ್ರಭೇದದ ಪ್ರಮುಖ ಕೊಂಡಿಯ ಅಧ್ಯಯನಕ್ಕೆ ಸಹಾಯಕಾರಿ ಎಂದು ವಿಶ್ಲೇಷಿಸಲಾಗಿದೆ.

ಈ ಕುರಿತು 'ಪ್ರೊಸೀಡಿಂಗ್ಸ್ ಆಫ್ ದಿ ರಾಯಲ್ ಸೊಸೈಟಿ ಬಿ' ಜರ್ನಲ್‌ನಲ್ಲಿ ಸಂಶೋಧನಾ ವರದಿ ಪ್ರಕಟವಾಗಿದ್ದು, ಪ್ರಸ್ತುತ ಪತ್ತೆಯಾಗಿರುವ ಪಳೆಯುಳಿಕೆ ಆಧುನಿಕ ಗಿಬ್ಬನ್ ವಾನರ ಪ್ರಭೇದದ ಅತ್ಯಂತ ಸಮೀಪದ ಪೂರ್ಜಜ ಎಂದು ಹೇಳಲಾಗಿದೆ.

6 ಅಡಿ ಉದ್ದದ ಮನುಷ್ಯನ ಅಸ್ಥಿಪಂಜರ ಪತ್ತೆ: ಮಧುರೈ ಬಳಿ ಕೀಳಡಿ ನಾಗರಿಕತೆಯ ಬೆನ್ನತ್ತಿ...!

ಇಂದಿನ ಗಿಬ್ಬನ್‌ನ ಪೂರ್ವಜರು ಆಫ್ರಿಕಾದಿಂದ ಏಷ್ಯಾಕ್ಕೆ ವಲಸೆ ಬಂದ ಇತಿಹಾಸದ ಮೇಲೆ ಈ ಸಂಶೋಧನೆ ಬೆಳಕು ಚೆಲ್ಲಲಿದೆ ಎಂದು ಸಂಶೋಧಕರು ಭರವಸೆ ವ್ಯಕ್ತಪಡಿಸಿದ್ದಾರೆ.

ಉತ್ತರಾಖಂಡ್‌ನ ರಾಮನಗರದಲ್ಲಿ ಈ ಪಳೆಯುಳಿಕೆ ಪತ್ತೆಯಾಗಿದ್ದು, ಈವರೆಗೂ ಗೊತ್ತಿರುವ ಯಾವುದೇ ವಾನರ ಪ್ರಭೇದೊಂದಿಗೆ ಈ ಪಳಿಯುಳಿಕೆ ಹೋಲಿಕೆಯಾಗುವುದಿಲ್ಲ ಎಂದು ಸಂಶೋಧಕರು ಸ್ಪಷ್ಟಪಡಿಸಿದ್ದಾರೆ.

5,000 ವರ್ಷಗಳ ಹಳೆಯ 6 ಅಡಿ ಉದ್ದದ ಮಾನವ ಅಸ್ಥಿಪಂಜರ ಪತ್ತೆ

ಈ ಕುರಿತು ಮಾಹಿತಿ ನೀಡಿರುವ ನ್ಯೂಯಾರ್ಕ್ ಸಿಟಿ ಯೂನಿವರ್ಸಿಟಿಯ ಕ್ರಿಸ್ಟೋಫರ್ ಸಿ. ಗಿಲ್ಬರ್ಟ್, ರಾಮನಗರದಲ್ಲಿ ಇದುವರೆಗೂ ಗಿಬ್ಬನ್ ವಾನರ ಪ್ರಭೇದದ ಪಳೆಯುಳಿಕೆ ಕಂಡುಬಂದಿಲ್ಲವಾದ್ದರಿಂದ ಇದು ಗಿಬ್ಬನ್ ಪ್ರಭೇದದ ಅತ್ಯಂತ ಸಮೀಪದ ಪೂರ್ವಜ ಇರಬೇಕೆಂಬ ನಮ್ಮ ಊಹೆ ನಿಜವಾಗಿದೆ ಎಂದು ಹೇಳಿದ್ದಾರೆ.