30 ವರ್ಷಗಳಿಂದ ನವಜಾತ ಶಿಶುಗಳನ್ನು ಮಾರಾಟ ಮಾಡುತ್ತಿದ್ದ ನರ್ಸ್!

ಚೆನ್ನೈ: ನವಜಾತ ಶಿಶುಗಳ ಮಾರಾಟದಲ್ಲಿ ನನಗೆ 30 ವರ್ಷಗಳ ಅನುಭವವಿದೆ ಎಂದು 30 ವರ್ಷದ ಮಹಿಳೆಯೊಬ್ಬರು ಹೇಳಿರುವ ಆಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಆಡಿಯೋ ಅಧಿಕೃತವೇ ಎಂದು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಆಡಿಯೋ ನಿವೃತ್ತ ನರ್ಸ್‌ನದ್ದು ಎಂದು ಹೇಳಲಾಗುತ್ತಿದೆ.

ಈ ಹೇಳಿಕೆಯ ದೃಢೀಕರಣವನ್ನು ಪರಿಶೀಲಿಸುವಂತೆ, ತಮಿಳುನಾಡು ಕಾರ್ಯದರ್ಶಿ ಬೀಲಾ ರಾಜೇಶ್ ಅವರುಸ ಆರೋಗ್ಯ ಮತ್ತು ಗ್ರಾಮೀಣ ಕಲ್ಯಾಣ ಇಲಾಖೆಯ ನಿರ್ದೇಶಕರಿಗೆ ಸೂಚಿಸಿದ್ದಾರೆ.

ಆಡಿಯೋದಲ್ಲಿ ಮಾತನಾಡುವ ಮಹಿಳೆ ಸುಮಾರು 10 ವರ್ಷಗಳ ಹಿಂದೆ ಸ್ವಯಂ ನಿವೃತ್ತಿಯನ್ನು ಪಡೆದುಕೊಂಡವರದು ಎಂದು ಹೇಳಲಾಗುತ್ತಿದೆ. ಕಳೆದ 30 ವರ್ಷಗಳಿಂದ ನವಜಾತ ಶಿಶುವನ್ನು ಮಾರಾಟ ಮಾಡುತ್ತಿದ್ದೆ ಮತ್ತು ಈ ಕೆಲಸದಲ್ಲಿ ನನಗೆ ಎಂದಿಗೂ ಸಮಸ್ಯೆಯಾಗಿಲ್ಲ ಎಂದು ಆಕೆ ಹೇಳಿರುವುದು ವೀಡಿಯೋದಲ್ಲಿ ಸ್ಪಷ್ಟವಾಗಿದೆ.

ನವಜಾತ ಹೆಣ್ಣು ಶಿಶುಗಳನ್ನು 2.75ಲಕ್ಷಕ್ಕೆ ಮಾರುತ್ತಿದ್ದೆ. ಮಕ್ಕಳು ಬೆಳ್ಳಗೆ, ನೋಡಲು ಸುಂದರವಾಗಿದ್ದರೆ ಬೆಲೆ ಹೆಚ್ಚಿರುತ್ತಿತ್ತು. ಅಂತ ಮಗುವಿಗೆ 3.75 ಲಕ್ಷದಿಂದ 4 ಲಕ್ಷದವರೆಗೆ ಪಡೆಯಲಾಗುತ್ತಿತ್ತು ಎಂದಾಕೆ ಹೇಳಿದ್ದಾಳೆ.

ಆಪಾದಿತ ಗ್ರಾಹಕರಲ್ಲಿ ಒಬ್ಬರು ಈ ಆಡಿಯೋವನ್ನು ರೆಕಾರ್ಡ್ ಮಾಡಿದ್ದಾರೆ. ಜನನ ಪ್ರಮಾಣಪತ್ರವನ್ನು ಸಿದ್ಧಪಡಿಸಲು ಮಹಿಳೆ 70,000 ರೂ ಪಡೆಯುತ್ತಿದ್ದಳು. ಮಹಿಳೆ ಗ್ಯಾಂಗ್ ಒಂದಕ್ಕೆ ಕೆಲಸ ಮಾಡುತ್ತಿರಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ.

ಈ ಮಹಿಳೆ ರಾಸಿಪುರಂನಲ್ಲಿರುವ ಸರ್ಕಾರಿ ಆಸ್ಪತ್ರೆಯಲ್ಲಿ ಕೆಲಸ ಮಾಡುತ್ತಿದ್ದಳು ಎನ್ನಲಾಗುತ್ತಿದೆ.