ಲಖನೌ: ಗನ್‌ ತೋರಿಸಿ ಮದುವೆ ಮಂಟಪದಿಂದಲೇ ಪ್ರಿಯಕರನನ್ನು ಕಿಡ್ನಾಪ್‌ ಮಾಡಿದ್ದ ಉತ್ತರ ಪ್ರದೇಶದ 'ರಿವಾಲ್ವರ್‌ ರಾಣಿ' ಕೊನೆಗೂ ತನ್ನ ಪ್ರಿಯತಮನನ್ನು ಮದುವೆಯಾಗಿದ್ದಾಳೆ.
ಉತ್ತರ ಪ್ರದೇಶದ ವರ್ಷಾ ಸಾಹು ಎಂಬಾಕೆ ಕೆಲವು ದಿನಗಳ ಹಿಂದೆ ಮದುವೆ ಮನೆಯಿಂದ ತನ್ನ ಪ್ರಿಯತಮನನ್ನು ಅಪಹರಿಸಿದ್ದಳು. ಇದೀಗ ಸ್ಥಳೀಯ ದೇವಾಲಯವೊಂದರಲ್ಲಿ ಆಕೆ ಕೊನೆಗೂ ತಾನು ಪ್ರೀತಿಸಿದ್ದ ಅಶೋಕ್‌ ಯಾದವ್‌ನನ್ನು ಮದುವೆಯಾಗಿ ಸುದ್ದಿಯಾಗಿದ್ದಾಳೆ.
ಈಕೆಯ ಈ ಪ್ರತಾಪ ನೋಡಿ 'ರಿವಾಲ್ವರ್‌ ರಾಣಿ' ಎಂದು ಹೆಸರು ಬಂದಿತ್ತು. ಶಿವಸೇನೆ ಕಾರ್ಯಕರ್ತರ ನೆರವಿನೊಂದಿಗೆ ತಾನು ಹೊತ್ತೊಯ್ದ ಹುಡುಗನನ್ನೇ ಮದುವೆಯಾಗಿದ್ದಾಳೆ.