ರಾಜ್ಯದಲ್ಲೂ ಪೌರತ್ವ ಕಿಚ್ಚು

ಹೊಸದಿಲ್ಲಿ: ಅಸ್ಸಾಂನಲ್ಲಿ ಅಕ್ರಮ ವಲಸಿಗರ ಗುರುತಿಸುವಿಕೆಗೆ ಕಾರಣವಾದ ರಾಷ್ಟ್ರೀಯ ಪೌರತ್ವ ನೋಂದಣಿ (ಎನ್‌ಆರ್‌ಸಿ) ಕರಡು ರಾಜ್ಯದಲ್ಲೂ ಕಿಚ್ಚು ಹಚ್ಚಿದೆ. ರಾಜ್ಯದಲ್ಲೂ ಅದರಲ್ಲೂ ಮುಖ್ಯವಾಗಿ ಬೆಂಗಳೂರಿನಲ್ಲಿ ಬಾಂಗ್ಲಾ ಹಾಗೂ ಆಫ್ರಿಕಾದ ವಲಸಿಗರ ಉಪಟಳ ವಿಪರೀತವಾಗಿದ್ದು, ಅವರನ್ನು ವಾಪಸ್‌ ಕಳುಹಿಸಲು ಗಡಿಪಾರು ಕೇಂದ್ರ ಸ್ಥಾಪಿಸಲು ಬಿಜೆಪಿ ವತಿಯಿಂದ ಕೇಂದ್ರ ಗೃಹ ಸಚಿವ ರಾಜನಾಥ್‌ ಸಿಂಗ್‌ ಅವರಿಗೆ ಮನವಿ ಮಾಡಲಾಗಿದೆ.

ಈಶಾನ್ಯದಲ್ಲೂ ಕಿಚ್ಚು: ಇತ್ತ ಈಶಾನ್ಯ ರಾಜ್ಯಗಳಾದ ನಾಗಾಲ್ಯಾಂಡ್‌, ಮೇಘಾಲಯ, ಅರುಣಾಚಲದಲ್ಲೂ ವಲಸಿಗರ ವಿರುದ್ಧ ಬಂಡಾಯ ಕಾಣಿಸಿಕೊಂಡಿದ್ದು, ಅಸ್ಸಾಂನಿಂದ ತಮ್ಮ ಗಡಿಯೊಳಗೆ ಯಾರೂ ಪ್ರವೇಶಿಸದಂತೆ ತಡೆಯೊಡ್ಡಲಾಗುತ್ತಿದೆ.