ಮುಂಬಯಿ: ಮಹಾರಾಷ್ಟ್ರದ ರಾಷ್ಟ್ರಸಂತ ತುಕಡೋಜಿ ಮಹಾರಾಜ್ ನಾಗಪುರ ವಿಶ್ವವಿದ್ಯಾಲಯವು ಬಿಎ ತರಗತಿಯ ಪಠ್ಯದಲ್ಲಿ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಇತಿಹಾಸವನ್ನು ಸೇರಿಸಿದೆ. ದ್ವಿತೀಯ ವರ್ಷದ ಬಿಎ ಆನರ್ಸ್ (ಇತಿಹಾಸ) ಪಠ್ಯದಲ್ಲಿ ಆರ್ಎಸ್ಎಸ್ ಇತಿಹಾಸದ ವಿವರ ಮಾಹಿತಿ ಇದೆ. 'ಭಾರತೀಯ ಇತಿಹಾಸ (1985-1947)' ಘಟಕದಲ್ಲಿ ಸಂಘದ ಕುರಿತಾದ ಮಾಹಿತಿ ಇದೆ. ಪಠ್ಯವು ಮೂರು ಭಾಗಗಳನ್ನು ಹೊಂದಿದೆ. ಮೊದಲ ಭಾಗದಲ್ಲಿ ಕಾಂಗ್ರೆಸ್ ಸ್ಥಾಪನೆ ಹಾಗೂ ಜವಾಹರಲಾಲ್ ನೆಹರು ನಾಯಕತ್ವ, ಎರಡನೇ ಭಾಗದಲ್ಲಿ ಅಸಹಕಾರ ಚಳುವಳಿಯ ಕುರಿತು ವಿವರಿಸಲಾಗಿದೆ. ಮೂರನೇ ಭಾಗದಲ್ಲಿ ಆರ್ಎಸ್ಎಸ್ ಇತಿಹಾಸ ಹಾಗೂ ರಾಷ್ಟ್ರ ನಿರ್ಮಾಣದಲ್ಲಿ ಅದರ ಪಾತ್ರದ ಕುರಿತು ವಿವರವಾದ ಮಾಹಿತಿ ಇದೆ. ''ವಿದ್ಯಾರ್ಥಿಗಳಿಗೆ ಇತಿಹಾಸದ ಹೊಸ ಟ್ರೆಂಡ್ಗಳನ್ನು ಅರ್ಥಮಾಡಿಕೊಳ್ಳಲು ನೆರವಾಗಬೇಕು ಎಂಬ ಉದ್ದೇಶದಿಂದ ಆರ್ಎಸ್ಎಸ್ ಕುರಿತು ಸೇರ್ಪಡೆ ಮಾಡಲಾಗಿದೆ. ಮಾರ್ಕ್ಸ್ವಾದ ಮತ್ತು ಆಧುನಿಕ ಮಾರ್ಕ್ಸ್ವಾದಗಳೂ ಇತಿಹಾಸದ ಹೊಸ ಟ್ರೆಂಡ್ನಲ್ಲಿಯೇ ಬರುತ್ತವೆ,'' ಎಂದು ವಿಶ್ವವಿದ್ಯಾಲಯದ ಬೋರ್ಡ್ ಆಫ್ ಸ್ಟಡೀಸ್ ಸದಸ್ಯ ಸತೀಶ್ ಛಾಪ್ಲೆ ಹೇಳಿದ್ದಾರೆ. ನಾಗಪುರದಲ್ಲಿ ಆರ್ಎಸ್ಎಸ್ ಕೇಂದ್ರ ಕಚೇರಿ ಇರುವುದು ವಿಶೇಷ.
ನಾಗಪುರ ವಿವಿ ಇತಿಹಾಸ ಪಠ್ಯದಲ್ಲಿ ಆರ್ಎಸ್ಎಸ್ ಕುರಿತ ಮಾಹಿತಿ
ದ್ವಿತೀಯ ವರ್ಷದ ಬಿಎ ಆನರ್ಸ್ (ಇತಿಹಾಸ) ಪಠ್ಯದಲ್ಲಿ ಆರ್ಎಸ್ಎಸ್ ಇತಿಹಾಸದ ವಿವರ ಮಾಹಿತಿ ಇದೆ.
PTI 10 Jul 2019, 5:00 am