ಭಾರತದ ಸ್ವಾವಲಂಬನೆ ಹೆಜ್ಜೆಗಳನ್ನು 70 ವರ್ಷಗಳಿಂದ ಹಿಂಬಾಲಿಸುತ್ತಿದ್ದೇವೆ: ರಷ್ಯಾ ರಾಯಭಾರಿ!

ನವದೆಹಲಿ: ಎಲ್ಲಾ ಕ್ಷೇತ್ರಗಳಲ್ಲಿ ಸ್ವಾವಲಂಬನೆಯಾಗುವತ್ತ ಭಾರತ ಇಡುತ್ತಿರುವ ಹೆಜ್ಜೆಗಳನ್ನು, ರಷ್ಯಾ ಕಳೆದ 70 ವರ್ಷಗಳಿಂದ ಹತ್ತಿರದಿಂದ ಗಮನಿಸುತ್ತಿದೆ ಎಂದು ಭಾರತಕ್ಕೆ ರಷ್ಯಾದ ರಾಯಭಾರಿ ನಿಕೋಲಾಯ್ ಕುದ್ಶೇವ್ ಹೇಳಿದ್ದಾರೆ.

ಎಲ್ಲ ಕ್ಷೇತ್ರಗಳಲ್ಲೂ ಭಾರತ ಸ್ವಾವಲಂಬನೆಯತ್ತ ಹೆಜ್ಜೆ ಹಾಕುತ್ತಿದ್ದು, ರಷ್ಯಾ ಈ ಹೆಜ್ಜೆ ಗುರುತುಗಳನ್ನು ಕಳೆದ 70 ವರ್ಷಗಳಿಂದಲೂ ಹಿಂಬಾಲಿಸುತ್ತಲೇ ಬಂದಿದೆ ಎಂದು ನಿಕೋಲಾಯ್ ಹೇಳಿದ್ದಾರೆ.

ಇಂಡೋ-ಪೆಸಿಫಿಕ್ ಒಪ್ಪಂದದಲ್ಲಿ ರಷ್ಯಾ ಸೆಳೆಯಲು ಭಾರತದ ಮಾಸ್ಟರ್ ಪ್ಲ್ಯಾನ್: ಚಿಂತೆಯಲ್ಲಿ ಡ್ರ್ಯಾಗನ್!

ಸ್ವಾವಲಂಬಿ ಭಾರತ ನಿರ್ಮಾಣಕ್ಕೆ ರಷ್ಯಾ ಅತ್ಯಂತ ನಂಬಿಗಸ್ಥ ಪಾಲುದಾರ ರಾಷ್ಟ್ರವಾಗಿದ್ದು, ಭಾರತ-ರಷ್ಯಾ ನಡುವಿನ ಈ ಸಹಭಾಗಿತ್ವ ಹೀಗೆಯೇ ಮುಂದುವರೆಯಲಿದೆ ಎಂದು ನಿಕೋಲಾಯ್ ಭರವಸೆ ವ್ಯಕ್ತಪಡಿಸಿದ್ದಾರೆ.


ಭಾರತ ಸ್ವಾವಲಂಬಿಯಾಗುವತ್ತ ರಷ್ಯಾ ನಿರಂತರವಾಗಿ ಸಹಾಯ ಮಾಡುತ್ತಲೇ ಬಂದಿದ್ದು, ಈ ಸಂಬಂಧ ಭವಿಷ್ಯದಲ್ಲಿ ಮತ್ತಷ್ಟು ಗಟ್ಟಿಯಗಲಿದೆ ಎಂದು ನಿಕೋಲಾಯ್ ಭರವಸೆ ವ್ಯಕ್ತಪಡಿಸಿದ್ದಾರೆ.

ರಷ್ಯಾ: 'ವಿಕ್ಟರಿ ಡೇ ಪರೇಡ್'‌‌ನಲ್ಲಿ ಭಾರತೀಯ ರಕ್ಷಣಾ ಪಡೆಗಳಿಂದ ಆಕರ್ಷಕ ಪಥಸಂಚಲನ!

ಭಾರತ ಇದೀಗ ಎಲ್ಲಾ ಕ್ಷೇತ್ರಗಳಲ್ಲೂ ಅತ್ಯಂತ ವೇಗವಾಗಿ ಅಭಿವೃದ್ಧಿ ಹೊಂದುತ್ತಿದ್ದು, ಸ್ವಾವಲಂಬನೆಯತ್ತ ದೃಢ ಹೆಜ್ಜೆಗಳನ್ನಿರಿಸುವುದು ಸಂತಸದ ಸಂಗತಿ ಎಂದು ಈ ವೇಳೆ ನಿಕೋಲಾಯ್ ನುಡಿದರು.