ಜಾರ್ಖಂಡ್‌ನಲ್ಲಿ ತಲೆಗೆ ಗನ್‌ ಇಟ್ಟು ಸಾಧ್ವಿ ಮೇಲೆ ನಾಲ್ವರಿಂದ ಸಾಮೂಹಿಕ ಅತ್ಯಾಚಾರ

ರಾಂಚಿ: ತಡರಾತ್ರಿ ಆಶ್ರಮಕ್ಕೆ ನುಗ್ಗಿ ಆಶ್ರಮದಲ್ಲಿಯೇ ಸಾಧ್ವಿಯೊಬ್ಬರ ಮೇಲೆ ನಾಲ್ವರು ದುಷ್ಕರ್ಮಿಗಳು ಸಾಮೂಹಿಕ ಅತ್ಯಾಚಾರ ನಡೆಸಿದ ಘಟನೆ ಜಾರ್ಖಂಡ್‌ನಲ್ಲಿ ನಡೆದಿದೆ. ರಾಂಚಿಯಿಂದ 325 ಕಿಮೀ ದೂರದಲ್ಲಿರುವ ಗೊಡ್ಡಾ ಜಿಲ್ಲೆಯ ಪಥ್ವಾರಾ ಗ್ರಾಮದಲ್ಲಿ ಘಟನೆ ನಡೆದಿದೆ. ಓರ್ವ ಆರೋಪಿಯನ್ನು ಬಂಧಿಸಲಾಗಿದ್ದು, ಉಳಿದ ಮೂವರಿಗಾಗಿ ಪೊಲೀಸರು ಬಲೆ ಬೀಸಿದ್ದಾರೆ.

ನಾಲ್ವರು ಆರೋಪಿಗಳು ಸ್ಥಳೀಯರೇ ಎನ್ನಲಾಗಿದೆ. ಭೂ ವಿವಾದ ಘಟನೆಗೆ ಕಾರಣವಾಗಿದೆ ಎಂದು ಸ್ಥಳೀಯರು ಸಂಶಯ ವ್ಯಕ್ತಪಡಿಸಿದ್ದಾರೆ. ಬಂಧಿತನನ್ನು ರೌಡಿ ಶೀಟರ್‌ ದೀಪಕ್‌ ರಾಣಾ ಎಂದು ಗುರುತಿಸಲಾಗಿದ್ದು, ಆತನ ಸಹಚರ ಆಶಿಶ್‌ ರಾಣಾಗಾಗಿ ಪೊಲೀಸರು ಹುಡುಕಾಟ ಮುಂದುವರೆಸಿದ್ದಾರೆ.

ಮಂಗಳವಾರ ಬೆಳಗ್ಗೆ 2 ಗಂಟೆಗೆ ಮಹಿಳಾ ಸತ್ಸಂಗ್‌ ಆಶ್ರಮಕ್ಕೆ ಶಸ್ತ್ರಸಜ್ಜಿತರಾಗಿ ನುಗ್ಗಿದ ನಾಲ್ವರು ಆಶ್ರಮದಲ್ಲಿರುವ ಉಳಿದವರನ್ನು ಪ್ರತ್ಯೇಕ ಕೊಠಡಿಯಲ್ಲಿ ಕೂಡಿ ಹಾಕಿ 38 ವರ್ಷದ ಸಾಧ್ವಿಗೆ ಗನ್‌ ತೋರಿಸಿ ಸಾಮೂಹಿಕ ಅತ್ಯಾಚಾರ ನಡೆಸಿದ್ದಾರೆ. ಈ ವೇಳೆ ಸಾಧ್ವಿ ಮೇಲಿನ ಅತ್ಯಾಚಾರವನ್ನು ತಡೆಯಲು ಬಂದ ಸಾಧುವೊಬ್ಬರನ್ನು ಆರೋಪಿಗಳು ಥಳಿಸಿದ್ದಾರೆ.

ಕೊರೊನಾ ಸೋಂಕಿತೆಯನ್ನೂ ಬಿಡದ ಕಾಮುಕರು: ಆ್ಯಂಬುಲೆನ್ಸ್ ಚಾಲಕನಿಂದಲೇ ಅತ್ಯಾಚಾರ

ಗೊಡ್ಡಾ ಎಸ್‌ಪಿ ವೈ.ಎಸ್‌.ರಮೇಶ್‌ ಮತ್ತು ಪೊಲೀಸ್‌ ತಂಡ ಆಶ್ರಮಕ್ಕೆ ಮಂಗಳವಾರ ಬೆಳಗ್ಗೆ ಭೇಟಿ ನೀಡಿದ್ದು, ಸಾಕ್ಷಾಧಾರಗಳನ್ನು ಸಂಗ್ರಹಿಸಿದೆ. ಗ್ರಾಮಾಂತರ ಪೊಲೀಸ್‌ ಠಾಣೆಯಲ್ಲಿ ಎಫ್‌ಐಆರ್‌ ದಾಖಲಾಗಿದ್ದು, ಪ್ರಕರಣವನ್ನು ತನಿಖೆ ನಡೆಸಲಾಗುತ್ತಿದೆ. ಘಟನೆಗೆ ಕಾರಣ ಏನು ಎಂಬುದು ಇನ್ನು ತಿಳಿದು ಬಂದಿಲ್ಲ. ಎಲ್ಲಾ ಕೋನಗಳಿಂದ ಘಟನೆಯ ವಿಚಾರಣೆ ನಡೆಸಲಾಗುವುದು ಎಂದು ಎಸ್‌ಪಿ ರಮೇಶ್‌ ಹೇಳಿದ್ದಾರೆ.

139 ಜನರ ಮೇಲೆ ರೇಪ್‌ ಆರೋಪ ಮಾಡಿದ್ದ ಮಹಿಳೆ ಯುಟರ್ನ್‌‌..! ಡಾಲರ್‌ ಭಾಯ್‌ ಬೆದರಿಕೆಯಿಂದ ದೂರು