ರಾಹುಲ್‌ಗೆ ಬಾಳಸಂಗಾತಿ ಸಿಗಲೆಂದು ಸಾಧ್ವಿ ಪ್ರಾಚಿ ಪ್ರಾರ್ಥನೆ!

ಗೋರಖ್‌ಪುರ: ಮುಂಬರುವ ಲೋಕಸಭೆ ಚುನಾವಣೆಯಲ್ಲಿ ಕಾಂಗ್ರೆಸ್‌ಗೆ ಸರಕಾರ ರಚಿಸುವಷ್ಟು ಬಹುಮತ ಸಿಗದೇ ಹೋದರೂ ಕಡೆ ಪಕ್ಷ ರಾಹುಲ್‌ ಗಾಂಧಿಗೆ ಸೂಕ್ತ ಸಂಗಾತಿಯಾದರೂ ಸಿಗಲಿ ಎಂದು ಆ ಬಾಬಾ ಗೋರಖ್‌ನಾಥನಲ್ಲಿ ಪ್ರಾರ್ಥಿಸಿರುವುದಾಗಿ ಸಾಧ್ವಿ ಪ್ರಾಚಿ ಲೇವಡಿ ಮಿಶ್ರಿತ ಧಾಟಿಯಲ್ಲಿ ಹೇಳಿದ್ದಾರೆ. ಸೋಮವಾರ ಗೋರಖನಾಥ ದೇವಸ್ಥಾನಕ್ಕೆ ಭೇಟಿ ಕೊಟ್ಟು ಬಳಿಕ ಸುದ್ದಿಗಾರರ ಜತೆ ಮಾತನಾಡಿದ ಅವರು, ''ಬಾಬಾ ಗೋರಖ್‌ನಾಥನ ಆಶೀರ್ವಾದ ಪಡೆಯಲು ನಾನು ಇಲ್ಲಿಗೆ ಆಗಾಗ ಬರುತ್ತೇನೆ. ಈ ಬಾರಿ ಕಾಂಗ್ರೆಸ್‌ ಅಧ್ಯಕ್ಷರಿಗೆ ವಿಶೇಷ ಅನುಗ್ರಹವಾಗಲಿ ಎಂದು ಪ್ರಾರ್ಥಿಸಿದ್ದೇನೆ.


ಅವರ ಪಕ್ಷಕ್ಕೆ ಸರಕಾರ ರಚಿಸುವಷ್ಟು ಬಹುಮತ ಸಿಗದೇ ಹೋದರೂ ಕೊನೆಗೆ ಅವರಿಗೆ ಪತ್ನಿಯಾದರೂ ಸಿಗಲಿ,'' ಎಂದು ಪ್ರಾರ್ಥಿಸಿರುವುದಾಗಿ ಹೇಳಿದ್ದಾರೆ.