ವಿಶ್ವದ ಅತ್ಯಂತ ದೊಡ್ಡ ಸಾಂತಾ ಮರಳು ಚಿತ್ರ ಬಿಡಿಸಿದ ಸುದರ್ಶನ್‌ ಪಟ್ನಾಯಕ್‌

ಹೊಸದಿಲ್ಲಿ: ಕ್ರಿಸ್‌ಮಸ್‌ ಮುನ್ನಾ ದಿನವಾದ ಭಾನುವಾರದಂದು ವಿಶ್ವಪ್ರಸಿದ್ಧ ಮರಳು ಶಿಲ್ಪಿ ಸುದರ್ಶನ್‌ ಪಟ್ನಾಯಕ್‌ ಒಡಿಶಾದ ಪುಚಿ ಸಮುದ್ರ ತಟದಲ್ಲಿ ವಿಶ್ವ ಶಾಂತಿ ಸಾರುವ ಸಂದೇಶ ಸಾರುವ ಅತ್ಯಂತ ದೊಡ್ಡ ಸಾಂತಾ ಚಿತ್ರ ಬಿಡಿಸಿದ್ದಾರೆ.

ಕಳೆದ ಮೂರು ದಿನಗಳಿಂದ ಸುದರ್ಶನ್‌ ಸ್ಯಾಂಡ್‌ ವಿದ್ಯಾಲಯದ 30 ಮಂದಿ ಹಾಗೂ ಪಟ್ನಾಯಕ್‌ ಸೇರಿ ಸುಮಾರು 25 ಅಡಿ ಎತ್ತರ ಹಾಗೂ 50 ಅಡಿ ಅಗಲದ ಸಾಂತಾ ಚಿತ್ರ ಬಿಡಿಸಿದ್ದು ಇದು ಲಿಮ್ಕಾ ಬುಕ್‌ ದಾಖಲೆಯಾಗುವ ಸಾಧ್ಯತೆಗಳಿದೆ.

ಹೊಸವರ್ಷದ ವರೆಗೂ ಈ ಚಿತ್ರವನ್ನು ಪ್ರದರ್ಶನಕ್ಕಿಡಲಾಗಿದ್ದು, ಪುರಿ ಜಗನ್ನಾತ ದೇವಸ್ಥಾನಕ್ಕೆ ಭೇಟಿ ನೀಡುವ ಪ್ರವಾಸಿಗರಿಗೆ ಸೇರಿದಂತೆ ಸಾವಿರಾರು ಮಂದಿ ಈ ಚಿತ್ರ ನೋಡಲು ಬರುತ್ತಿದ್ದಾರೆ. ಈಗಾಗಾಲೆ ಸುದರ್ಶನ್‌ ಲಿಮ್ಕಾ ಬುಕ್‌ನಲ್ಲಿ ತಮ್ಮ ಹೆಸರನ್ನು ನಮೂದಿಸಿಕೊಂಡಿದ್ದು ಇದೀಗ ಮತ್ತೊಂದು ಬಾರಿ ತಮ್ಮ ಹೆಸರು ನಮೂದಿಸಲು ಉತ್ಸುಕರಾಗಿದ್ದಾರೆ.