ಹೊಸದಿಲ್ಲಿ: ತಾನು ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ದಿವಂಗತ ಜೆ.ಜಯಲಲಿತಾ ಅವರ ಮಗಳು, ಇದನ್ನು ಅಧಿಕೃತಗೊಳಿಸಬೇಕು ಎಂದು ಕೋರಿ ಮಹಿಳೆಯೊಬ್ಬರು ಸಲ್ಲಿಸಿದ್ದ ಅರ್ಜಿಯನ್ನು ಸುಪ್ರೀಂ ಕೋರ್ಟ್‌ ಸೋಮವಾರ ತಳ್ಳಿಹಾಕಿದೆ.
ನ್ಯಾಯಮೂರ್ತಿಗಳಾದ ಎಂ.ಬಿ. ಲೋಕುರ್‌ ಮತ್ತು ದೀಪಕ್‌ ಗುಪ್ತ ಅವರನ್ನೊಳಗೊಂಡ ಪೀಠವು 'ಜಯಲಲಿತಾ ಮಗಳು ಎನ್ನುವುದರ ಸಾಬೀತಿಗೆ ಡಿಎನ್‌ಎ ಪರೀಕ್ಷೆ ನಡೆಸಲು ಆದೇಶಿಸಬೇಕು ಎನ್ನುವ ಕುರಿತ ಮಹಿಳೆಯ ಎಂಬುವವರ ಮನವಿಯನ್ನು ತಿರಸ್ಕರಿಸಿತು.
ಜಯಲಲಿತಾ ಅವರು ಅಯ್ಯಂಗಾರ್‌ ಬ್ರಾಹ್ಮಣರಾಗಿದ್ದ ಕಾರಣ ಅವರ ಅಂತ್ಯಕ್ರಿಯೆಯನ್ನು ಹಿಂದೂ ಸಂಪ್ರದಾಯದಂತೆ ನಡೆಸಬೇಕಾಗಿತ್ತು ಎಂದು ತರುಣಿ ಪರ ವಕಾಲತ್ತು ವಹಿಸಿದ್ದ ಹಿರಿಯ ಅಡ್ವೊಕೇಟ್‌ ಇಂದಿರಾ ಜೈಸಿಂಗ್‌ ಆರೋಪಿಸಿದರು.
ಈ ಯಾವ ವಾದಗಳಿಗೂ ಕಿವಿಗೊಡದ ಸುಪ್ರೀಂ ಕೋರ್ಟ್‌ ಪೀಠ, ಅಂತಿಮವಾಗಿ, 'ಅರ್ಜಿದಾರರು ಹೈಕೋರ್ಟ್‌ ಕದ ತಟ್ಟಲು ಸ್ವತಂತ್ರರು' ಎಂದು ಹೇಳಿತು.